Yeremiya 31:1-40
31 “Pa nyengu yeniyo, ndazamuja Chiuta ku mabanja ngosi ngaku Isirayeli, ndipu yiwu azamuja ŵanthu ŵangu.”+ Yehova ndiyu wakamba.
2 Yehova wakamba kuti:
“Ŵanthu wo angupona ku lipanga ndinguŵachitiya lisungu muchipululuPa nyengu yo Isirayeli walutanga kumalu ngaki ngakupumuliyaku.”
3 Yehova wanguwoneke kwaku ini kutuliya kutali ndipu wangukamba kuti:
“Ndakuyanja ndi chanju chamuyaya.
Lekani ndakundereze kwaku ini chifukwa cha chanju chambula kumala.*+
4 Ndazakukuzenga so ndipu wazamuzengeka nadi.+
Yiwi mwali waku Isirayeli, wazamunyamuwa so ting’oma takuNdi kuchivina mwakukondwa.+
5 Wazamulima so minda ya mphereska mumapiri nga ku Samariya;+Akupanda azamupanda ndi kurya vipasu vaki.+
6 Pakuti zuŵa lizengi penipo alonda a mumapiri nga ku Efurayemu azamudaniriza kuti:
‘Yukani, tiyeni tikwere ku Ziyoni, kwaku Yehova Chiuta widu.’”+
7 Pakuti Yehova wakamba kuti:
“Daniriziyani Yakobe mwakukondwa.
Danirizani mwakukondwa chifukwa chakuti mwe panthazi pa mitundu.+
Pharazgani venivi; thamikani Chiuta ndi kukamba kuti,‘Yimwi Yehova taskani ŵanthu ŵinu, akujaku aku Isirayeli.’+
8 Ndizengi nawu kutuliya kucharu cha kunkhondi.*+
Ndazakuŵawunganisa pamoza kutuliya kuvigaŵa vakutali ukongwa va charu chapasi.+
Pakati pawu pazamuja ŵanthu achibulumutiya, akupunduka,+Anthukazi anthumbu kweniso anthukazi wo abala, wosi pamoza.
Azamuja anandi ukongwa achiwere kunu.+
9 Yiwu azamukuza achiliya.+
Ndazakuŵalongozga achipempha kuti ndiŵachitiyi lisungu.
Ndazakuŵalongozge kutimisinji ta maji,+Ndazakuŵalongozga panthowa yakuyanisika umampha po azamuguŵa cha.
Pakuti ini nde Wisi waku Isirayeli, ndipu Efurayemu ndi mwana wangu wakwamba.”+
10 Vwani mazu ngaku Yehova, yimwi mitundu ya ŵanthu,Ndipu mungapharazgi muvirwa* vakutali kuti:+
“Mweniyo wangumbininiska Isirayeli wamuwunganisa so pamoza.
Iyu wazakumuwonere nge mo mliska wachitiya ndi mskambu waki.+
11 Pakuti Yehova wazamuwombo Yakobe+Ndi kumutaska mujanja la munthu wanthazi kuluska iyu.+
12 Yiwu azamukuza ndi kudaniriza mwalikondwa pachanya pa Ziyoni+Ndipu azamuŵala chifukwa cha umampha waku* Yehova,Chifukwa cha mbewu, vinyu wasonu+ ndi mafuta,Ndipuso chifukwa cha ŵana a mbereri kweniso a ng’ombi.+
Yiwu azamuja nge munda wakudirika maji,+Ndipu azamulakatuka so cha.”+
13 “Pa nyengu yeniyo mwali wazamuvina mwalikondwa,Kweniso anyamata limoza ndi akukota.+
Mumalu mwa kuliya ndazamuchitiska kuti azayi.+
Ndazakuŵapembuzga ndi kuŵapaska likondwa mumalu mwa chitima.+
14 Asembi ndazakuŵapaska vinthu vinandi,Ndipu ŵanthu ŵangu azamukhorwa ndi vinthu vamampha vo ndazakuŵapaska,”+ Yehova ndiyu wakamba.
15 “Yehova wakamba kuti:
‘Mazu ngavwika mu Rama,+ kutenje ndi kuliya kukulu:
Rakelu waliriya ŵana ŵaki.+Wakana kupembuzgika chifukwa cha ŵana ŵaki,
Pakuti yiwu kulivi.’”+
16 Yehova wakamba kuti:
“‘Leka kuliya ndipuso kutuzga masozi mumasu mwaku,Pakuti ulondiyengi mphotu chifukwa cha vo uchita,’ Yehova ndiyu wakamba.
‘Yiwu azamuweku kucharu cha murwani.’+
17 ‘Ndipu vinthu vazakukuyende umampha kunthazi,’+ Yehova ndiyu wakamba.
‘Ŵana ŵaku azamuwere kuchigaŵa chawu.’”+
18 “Ndavwa nadi kutamantha kwaku Efurayemu kuti,‘Mwandichenya, ndipu ndachenyeka,Nge tholi* lo likusambizika cha.
Ndiwezeni ndipu ndiweleriyengi nadi,Pakuti yimwi ndimwi Yehova Chiuta wangu.
19 Pakuti ndati ndawelere ndinguchita chitima;+Ndati ndawovyeka kuvwisa ndingujipamantha pachiŵa chifukwa cha chitima.
Ndinguchita soni ndipuso ndingulengeseka,+Pakuti ndingunyozeka chifukwa cha vo ndinguchita pa unamana wangu.’”
20 “Asi Efurayemu ndi mwana wangu wakuzirwa kweniso mwana wangu wakwanjiwa?+
Pakuti nyengu yeyosi yo ndamuchenya nditimukumbuka mbwenu.
Ndichu chifukwa chaki mtima wangu ukwaskika ukongwa chifukwa chaku iyu.+
Ndipu ndimuchitiyengi chitima,” Yehova ndiyu wakamba.+
21 “Mika viziŵisu mumsewu,Ndipu jintha vikwangwani.+
Ŵika mtima waku pa msewu ukulu, msewu wo utenere kwendamu.+
Welere, yiwi mwali waku Isirayeli, were kumatawuni ngaku yanga.
22 Kumbi uyingengiyingengi mpaka zuŵanji, yiwi mwana munthukazi wambula kugomezgeka?
Pakuti Yehova walenga chinthu chifya pacharu chapasi, chinthu cho ntchakuti:
Munthukazi wazamupenja munthulumi.”
23 Yehova wa mizinda, Chiuta waku Isirayeli, wakamba kuti: “Asani ŵanthu wo angutoleke ku ukapolu ndaziŵawunganisa so mucharu cha Yuda kweniso mumatawuni ngaki, azamukamba so kuti: ‘Yehova wakutumbiki, yiwi malu ngakujamu ngaurunji,+ yiwi phiri lakupaturika.’+
24 Ndipu Yuda ndi matawuni ngaki ngosi, azamuja mwenimo wosi limoza, mwazamuja so alimi ndi ŵanthu wo alongozga miskambu.+
25 Pakuti ndazamukhorwesa munthu wakuvuka kweniso ndazamugutisa munthu weyosi yo walakatuka.”+
26 Vati vaŵa viyo ndinguyuka ndi kujula masu, ndipu tulu to ndingugona tenga tamampha ukongwa.
27 “Awonani! Mazuŵa ngatuza,” Yehova ndiyu wakamba, “po ndazamupanda mbewu* ya munthu kweniso mbewu ya viŵetu munyumba yaku Isirayeli ndipuso munyumba yaku Yuda.”+
28 “Ndipu nge mo ndingujaliya masu kuti ndichesuwi, ndibwanganduwi, ndipapasuwi, ndinangi ndi kupweteka,+ ndimu so ndazamujaliya masu kuti ndizengi ndi kupanda.”+ Yehova ndiyu wakamba.
29 “Mu mazuŵa ngo, azamukamba so cha kuti, ‘Ada angurya mphereska zakunthyanthyama, kweni ŵana ndiwu anguyeyera* minyu.’+
30 Kweni munthu weyosi wazamukufwa chifukwa cha kunanga kwaki. Weyosi yo warya mphereska zakunthyanthyama wazamuyeyera minyu.”
31 “Awonani! Mazuŵa ngatuza,” Yehova ndiyu wakamba, “penipo ndazamuchita phanganu lifya ndi nyumba yaku Isirayeli kweniso nyumba yaku Yuda.+
32 Kweni lazamuyanana cha ndi phanganu lo ndinguchita ndi apapi ŵawu akali pa zuŵa lo ndinguko janja lawu kuti ndiŵatuzgi mucharu cha Ijipiti,+ ‘phanganu langu lo anguswa,+ chinanga kuti ndenga mbuyawu chayiyu,’* Yehova ndiyu wakamba.”
33 “Pakuti phanganu lo ndazamuchita ndi nyumba yaku Isirayeli asani mazuŵa ngo ngajumphapu ndi ili,” Yehova ndiyu wakamba. “Ndazamuŵika dangu langu mwaku yiwu,+ ndipu ndazakulilemba mumitima yawu.+ Ndipu ini ndazamukuŵa Chiuta wawu, yiwu azamukuŵa ŵanthu ŵangu.”+
34 “Ndipu palivi yo wazamusambiza so munyaki pamwenga mubali waki kuti, ‘Ziŵa Yehova!’+ pakuti wosi azakundiziŵa, kwambiya mumana ukongwa mpaka mura ukongwa,”+ Yehova ndiyu wakamba. “Pakuti ndazakuŵagowoke mphulupulu zawu ndipu ndazamukumbuka so cha ubudi wawu.”+
35 Ivi ndivu Yehova wakamba,Yo wapereka lumwi kuti liŵalengi ndi msana,Yo waŵika marangu kuti mwezi kweniso nyenyezi vimbulikengi usiku,Yo wavunduwa nyanja ndi kuchitiska kuti mayiŵa ngaki ngawulumi,Yo zina laki ndi Yehova wa mizinda,+ iyu wakamba kuti:
36 “‘Asani marangu yanga ngangatondeka,’ Yehova ndiyu wakamba,‘Mbwenu mphapu yaku Isirayeli yilekengi kuja mtundu pa masu pangu nyengu zosi.’”+
37 Yehova wakamba kuti: “‘Asani kuchanya kungapimika ndipuso asani mafawundeshoni nga charu chapasi ngangafufuzika, mbwenu ndikanengi mphapu yosi yaku Isirayeli chifukwa cha vosi vo yachita,’ Yehova ndiyu wakamba.”+
38 “Awonani! Mazuŵa ngatuza,” Yehova ndiyu wakamba, “penipo tawuni yaku Yehova yazamuzengeka+ kutuliya ku Kanyumba Kakuthopoka ka Hananeli+ mpaka pa Geti la Pakona.+
39 Ndipu chingwi chakupimiya+ chazamufika mpaka ku mtunthu wa Garebu, ndipu chazamulazgiya ku Gowa.
40 Ndipu dambu losi la mathupi kweniso la vyotu* ndi minda yosi mpaka kufika ku Dambu la* Kidironi,+ kweniso mpaka pakona la Geti la Mahachi,+ chakuvuma,* vazamuja vakupaturika kwaku Yehova.+ Tawuni yo, yazamuchesulika so cha pamwenga kupapasulika.”
Mazu Ngam'mphata
^ Pamwenga kuti, “Ndichu chifukwa chaki ndalutirizga kukulongo chanju chambula kumala.”
^ Anyaki akamba kuti, “kumpotu.”
^ Anyaki akamba kuti, “muvilumba.”
^ Pamwenga kuti, “chifukwa cha vinthu vamampha vakutuliya kwaku.”
^ Tholi ndi mwana wa ng’ombi.
^ Pamwenga kuti, “mphapu.”
^ Mazu ngaki chayingu, “angubumpha.”
^ Yapa pangafwatulikiya so kuti, “mulumu wawu.”
^ Pamwenga kuti, “vyotu vamafuta,” kung’anamuwa vyotu vakusazgikana ndi mafuta nga nyama yo yaperekeka sembi.
^ Pamwenga kuti, “Chidika cha.”
^ Pamwenga kuti, “cha ko kutuliya lumwi.”
