Yeremiya 30:1-24

  • Alayizgika kuti aweriyengi kwawu kweniso achizgikengi (1-24)

30  Yehova wangukambiya Yeremiya kuti:  “Yehova, Chiuta waku Isirayeli wakamba kuti, ‘Lemba mubuku mazu ngosi ngo nditikukambiya.  Pakuti “awona! mazuŵa ngatuza,” Yehova ndiyu wakamba, “po ndazamuwunganisa ŵanthu ŵangu wo akutoleke ku ukapolu, Isirayeli kweniso Yuda,”+ Yehova ndiyu wakamba, “ndazakuŵaweze mucharu cho ndinguchipereka kwa apapi ŵawu akali, ndipu chazamuja so chawu.”’”+  Yanga ndi mazu ngo Yehova wangukambiya Isirayeli kweniso Yuda.   Yehova wakamba kuti: “Tavwa chiwawa cha ŵanthu wo ambwambwanthiya;Ŵanthu achita mantha ndipu kulivi chimangu.   Fumba asani munthulumi wangabala mwana. Sonu ntchifukwa wuli munthulumi weyosi wanthazi wako manja ngaki palufu*Nge munthukazi yo wabala?+ Ntchifukwa wuli chisku cha munthu weyosi chabwanthuka?   Nkhondu ama! Pakuti zuŵa lo ndakofya.*+ Palivi lo liyanana nalu,Ndi nyengu ya suzgu kwaku Yakobe. Kweni wazamutaskika.”  “Ndipu mu zuŵa lo,” Yehova wa mizinda ndiyu wakamba, “ndazamufyo goli lo le mukhosi mwaku, ndipuso ndazamudumuwa paŵi vingwi vaku; ndipu alendu azakumusambusa so kapolu wawu cha.*  Yiwu azamuteŵete Yehova Chiuta wawu kweniso Davidi fumu yawu, yo ndazakuŵayuskiya.”+ 10  “Ndipu yiwi mteŵeti wangu Yakobe, ungawopanga cha,” Yehova ndiyu wakamba,“Ndipu ungachitanga mantha cha, yiwi Isirayeli.+ Pakuti ndazakukutaska kutuliya kutaliNdipuso ndazamutaska mphapu yaku mucharu cho ajamu nge akapolu.+ Yakobe wazamuweku ndipu wazamuja phee kwambula kutimbanyizgika,Pazamuŵavi munthu wakuŵawofya.”+ 11  “Pakuti nde nawi,” Yehova ndiyu wakamba, “kuti ndikutaski. Kweni ndazamunangiya limu mitundu yosi yo ndingukumbininiskiyaku;+Kweni yiwi ndazakukunanga cha.+ Ndazakukulanga* mwakwenere,Ndipu ndazakukuleka ŵaka cha kwambula kukulanga.”+ 12  Pakuti Yehova wakamba kuti: “Kupwetekeka kwaku kulivi munkhwala.+ Chilonda chaku chingachizgika cha. 13  Palivi yo wangakumiya pa mulandu waku,Palivi nthowa yakuchizgiya chilonda chaku. Palivi munkhwala wo ungakuchizga. 14  Vibwezi vaku vosi vakuluwa.+ Vitikupenja so cha. Pakuti ndakukhwapa ndi chikoti cha murwani,+Ndakulanga nge munthu wankhaza,Chifukwa chakuti kunanga kwaku nkhukulu kweniso maubudi ngaku nganandi.+ 15  Ntchifukwa wuli uliya chifukwa cha kupwetekeka kwaku? Urwirwi waku ungachizgika cha! Ndakuchitiya veniviChifukwa chakuti kunanga kwaku nkhukulu kweniso maubudi+ ngaku nganandi. 16  Mwaviyo, ŵanthu wosi wo atikumeza azamumezeka,+Arwani ŵaku wosi nawu azamutoleke ku ukapolu.+ Ŵanthu wosi wo atikulonda vinthu nawu azamulondeka vinthu,Ndipu ŵanthu wosi wo atikuphanga vinthu ndazakuŵapereka kuti nawu aphangiki vinthu.”+ 17  “Kweni ndazakukuchizga ndi kupozga vilonda vaku,”+ Yehova ndiyu wakamba,“Chinanga kuti atikugega, mwakukamba kuti: ‘Ziyoni, yo palivi yo watimupenja.’”+ 18  Yehova wakamba kuti: “Ndiwunganisa ŵanthu a mumahema ngaku Yakobe wo akutoleke ku ukapolu,+Ndipu ndazamuchitiya lisungu mahema ngaki. Tawuni yazamuzengeka so pachimbumira chaki,+Ndipu kanyumba kakuthopoka kakukho kazamukuma pamalu ngaki ngakwenere. 19  Yiwu azamuwonga ndi kusekere.+ Ndazakuŵayandanisa ndipu azamuja amana cha;+Ndazamuchitiska kuti aje anandi,*Ndipu yiwu azamuyuyulika cha.+ 20  Ŵana ŵaki azamuja nge mo ŵe nge kali,Ndipu mpingu waki wazamujalikiskika pa masu pangu.+ Ŵanthu wosi wo atikukandirizga ndazamumalana nawu.+ 21  Wakutumbikika waki wazamuja yumoza wa ŵanthu ŵaki,Ndipu mulongozgi waki wazamutuliya pakati pa ŵanthu ŵaki. Ndazakumuchitiska kuti wazi pafupi, ndipu wazamundere kwaku ini.” “Asani venga viyo cha, ndiyani yo watingi wayesengi kundere kwaku ini?”* Yehova ndiyu wakamba. 22  “Yimwi mwazamuja ŵanthu ŵangu,+ ndipu ini ndazamuja Chiuta winu.”+ 23  Awonani! Chimphunga chaku Yehova chazamuputa chifukwa cha ukali,+Kavuluvulu wazamusikiya pa mutu wa munthu muheni. 24  Ukali wakukole waku Yehova wazamuwelere cha Mpaka po wachitiya ndi kufiska vosi vo mtima waki ukhumba.+ Mwazamuvwisa vinthu venivi mu mazuŵa ngakumaliya.+

Mazu Ngam'mphata

Pamwenga kuti, “muchiwunu.”
Mazu ngaki chayingu, “ndikulu.”
Pamwenga kuti, “azakuŵasambusa so akapolu ŵawu cha.”
Pamwenga kuti, “Ndazakukuchenya.”
Yapa pangafwatulikiya so kuti, “kuti atumbikiki.”
Mazu ngaki chayingu, “ndiyani yo watingi waperekengi mtima waki nge chikoli kuti wandere kwaku ini?”