Yeremiya 23:1-40

  • Aliska amampha ndi aliska aheni (1-4)

  • Kuvikilirika ndi “mphukira yaurunji” (5-8)

  • Achimi aboza asuskika (9-32)

  • “Mphingu” yaku Yehova (33-40)

23  “Soka aliska wo ananga ndi kumbininiska mbereri zo ndiphwere!” Yehova ndiyu wakamba.+  Mwaviyo, ivi ndivu Yehova Chiuta waku Isirayeli wakambiya aliska wo aphwere ŵanthu ŵangu: “Mwambininiska mbereri zangu; mulutirizga kuziparanya, ndipuso mutiziphwere cha.”+ “Mwaviyo, ndikulangeningi chifukwa cha vinthu viheni vo muchita,” Yehova ndiyu wakamba.  “Pavuli paki, ndazamuwunganisa mbereri zangu zakujaku kutuliya kuvyaru vosi vo ndinguzimbininiskiyaku,+ ndazakuziweze kumalu ngaki ngakuryiyaku,+ ndipu zazamubalana ndi kuyandana.+  Ndipu ndazakuziyuskiya aliska wo azakuziphwere nadi.+ Zazamuwopa so cha pamwenga kuchita mantha ndipu palivi yo yazamusoŵa,” Yehova ndiyu wakamba.  “Awonani! Mazuŵa ngatuza,” Yehova ndiyu wakamba, “po ndazamuyuskiya Davidi mphukira yaurunji.*+ Ndipu fumu yazamulamuliya,+ yazamulongo kuti yivwisa vinthu, yazamupereka cheruzgu chakunyoloka kweniso yazamuchita vinthu mwaurunji mucharu.+  Mu mazuŵa nga fumu yo, Yuda wazamutaskika+ ndipu Isirayeli wazamuja mwakuvikilirika.+ Ndipu yazamudanika zina lakuti: Yehova Mburunji Widu.”+  “Kweni mazuŵa ngatuza,” Yehova ndiyu wakamba, “po azamukamba so cha kuti, ‘Ndilapizga mu zina laku Yehova Chiuta wamoyu, yo wakutuzga Ayisirayeli mucharu cha Ijipiti!’+  kweni azamukamba kuti, ‘Ndilapizga mu zina laku Yehova Chiuta wamoyu, yo wakutuzga ŵana ŵa Ayisirayeli mucharu cha kunkhondi* kweniso muvyaru vosi vo ndinguŵambininiskiyamu,’ ndi kuŵaweze mucharu chawu, ndipu azamuja mwenimo.”+  Ukambi vakukwaskana ndi achimi, kuti: Mtima wangu wasweka mukati mwangu. Viwanga vangu vosi visukunyika. Nde nge munthu yo waloŵeNdipuso nde nge munthu yo wathereskeka ndi vinyu,Chifukwa chaku Yehova ndipuso chifukwa cha mazu ngaki ngakupaturika. 10  Pakuti charu chazaza ndi ŵanthu achigololu;+Charu chiliya chifukwa chakuti chatembeka+Ndipuso malu ngakuliskaku viŵetu nga muchipululu ngamira.+ Yiwu achita vinthu viheni ndipuso mazaza ngawu atingagwiriskiya ntchitu uheni. 11  “Achimi kweniso asembi anangika.*+ Uheni wawu ndawusaniya chinanga ndi munyumba yangu,”+ Yehova ndiyu wakamba. 12  “Mwaviyo, nthowa yawu yijengi yakutelemuka kweniso yamdima;+Azamututuzgika ndi kuwa pasi. Pakuti mu chaka cha chilanguNdazakuŵawisiya soka,” Yehova ndiyu wakamba. 13  “Ndipu mwa achimi a ku Samariya+ ndawonamu vinthu vakuseruska. Akamba mauchimi mu zina laku Bala,Ndipu alandizga ŵanthu ŵangu Ayisirayeli. 14  Mwa achimi a ku Yerusalemu ndawonamu vinthu vaukazuzi. Yiwu achita chigololu+ ndipuso atenda mu boza;+Achiska* ŵanthu wo achita vinthu viheni,Ndipu atuwaku cha ku vinthu viheni vo achita. Wosi ŵe nge Sodomu kwaku ini,+Ndipu ŵanthu wo aja mu Yerusalemu ŵe nge Gomora.”+ 15  Mwaviyo, ivi ndivu Yehova wa mizinda wakamba vakukwaskana ndi achimi: “Ndiŵaryisengi kamiti kakuŵaŵaNdipu ndiŵapaskengi maji ngakudaku poyizoni kuti amwi.+ Chifukwa achimi a mu Yerusalemu achitiska kuti kugaruka kusapaliyi mucharu chosi.” 16  Yehova wa mizinda wakamba kuti: “Kuvwiya cha mazu ngo achimi atikukambiyani.+ Yiwu atikupusikani.* Akamba viwona vakutuliya mumtima mwawu,+Vituliya mumulomu mwaku Yehova cha.+ 17  Mwakuwerezawereza yiwu akambiya ŵanthu wo atindiyuyuwa kuti,‘Yehova wakamba kuti: “Mujengi mwachimangu.”’+ Kweniso akambiya weyosi yo walondo mtima waki unononu kuti,‘Soka likuwiyengi cha.’+ 18  Pakuti ndiyani yo wama pakati pa ŵanthu wo Yehova watiŵayanjaKuti wawoni ndi kuvwa mazu ngaki? Ndiyani yo wakhazaku gutu kuti wavwi mazu ngaki? 19  Awonani! Chimphunga chaku Yehova chazamuputa chifukwa cha ukali waki;Chazamusikiya pamutu wa ŵanthu aheni nge kavuluvulu.+ 20  Ukali waku Yehova wazamuwelere chaMpaka po wachitiya ndi kufiska vosi vo mtima waki ukhumba. Mwazamuvwisa umampha vinthu venivi mu mazuŵa ngakumaliya. 21  Achimi ndinguŵatumapu cha, kweni angutchimbiya. Ndingulongoro nawu cha kweni angukamba mauchimi.+ 22  Kweni asani anguma pakati pa ŵanthu ŵangu wo nditiŵayanja,Atingi awovyengi kuti ŵanthu ŵangu avwi mazu nganguNdipuso atingi aŵawovyengi kuti atuweku ku nthowa zawu ziheni kweniso ku vinthu viheni vo achita.”+ 23  “Kumbi nde Chiuta asani nde pafupi pe,” Yehova ndiyu wakamba, “asi nde so Chiuta asani nde patali?” 24  “Kumbi munthu wangabisama pamalu ngakubisika po ndingaleka kumuwona?”+ Yehova ndiyu wakamba. “Asi ndizaza kuchanya kweniso charu chapasi?”+ Yehova ndiyu wakamba. 25  “Ndavwa achimi wo akamba mauchimi ngaboza mu zina langu achikamba kuti, ‘Ndalota malotu! Ndalota malotu!’+ 26  Kumbi venivi vilutiriyengi mpaka zuŵanji mumitima ya achimi kuti akambengi mauchimi ngaboza? Yiwu mbachimi wo akamba mauchimi ngaboza nga mumtima mwawu.+ 27  Yiwu akhumba kuti ŵanthu ŵangu aluwi zina langu chifukwa cha malotu ngo akonkhoskiyana, nge mo apapi ŵawu anguluwiya zina langu chifukwa chaku Bala.+ 28  Mchimi yo walota malotu wakambi malotu ngaki, kweni yo we ndi mazu ngangu wakambi mazu ngangu mwauneneska.” “Kumbi phesi liyanana ndi tirigu?” Yehova ndiyu wakamba. 29  “Asi mazu ngangu nge nge motu,”+ Yehova ndiyu wakamba, “kweniso nge nge nyundu yo yituswa jalawi?”+ 30  Mwaviyo, Yehova wakamba kuti: “Ndisuskengi achimi wo abiyana mazu ngangu.”+ 31  Yehova wakamba kuti: “Ndisuskengi achimi wo ndi lilimi lawu akamba kuti, ‘Iyu wakamba!’”+ 32  Yehova wakamba kuti: “Ndisuskengi achimi wo akamba malotu ngaboza, wo atingakonkhoska ndi kulandizga ŵanthu ŵangu chifukwa cha maboza ngawu kweniso kujikuzga kwawu.”+ “Kweni ndinguŵatuma cha pamwenga kuŵalamula. Mwaviyo aŵawovyengi cha ŵanthu yaŵa chinanga nkhamanavi,”+ Yehova ndiyu wakamba. 33  “Asani ŵanthu yaŵa, mchimi pamwenga wasembi, atikufumba kuti, ‘Kumbi mphingu yaku* Yehova ntchinthu wuli?’ uŵamuki kuti, ‘“Yimwi ndimwi mphingu! Ndipu ndikutayeningi,”+ Yehova ndiyu wakamba.’ 34  Kweni asani mchimi, wasembi pamwenga munthu munyaki wakamba kuti, ‘Iyi ndi mphingu yaku* Yehova!’ Nding’anamukiyengi munthu yo kweniso a munyumba yaki. 35  Weyosi waku yimwi wafumba munyaki ndipuso mubali waki kuti, ‘Yehova wamukanji? Kweniso Yehova wakambanji?’ 36  Kweni mungazumbuwanga so mphingu yaku Yehova cha pakuti mazu nga munthu weyosi ndi mphingu, ndipu mwasintha mazu ngaku Chiuta wamoyu, Yehova wa mizinda, Chiuta widu. 37  “Achimi uŵakambiyi kuti, ‘Kumbi Yehova wakumukani kuti wuli? Ndipuso kumbi Yehova wakambanji? 38  Ndipu asani mulutirizga kukamba kuti, “Mphingu yaku Yehova!” Yehova wakamba kuti: “Chifukwa chakuti mukamba kuti, ‘Mazu yanga ndi mphingu yaku Yehova,’ chinanga kuti ndakukambiyani kali kuti, ‘Mungakambanga cha kuti: “Mphingu yaku Yehova!”’ 39  awonani! ndazakukunyamuliyani muchanya ndi kukuponyani kutali kuti mutuwepu pa masu pangu, yimwi ndipuso tawuni yo ndikuyipereka kwaku yimwi kweniso kwa apapi ŵinu akali. 40  Ndipu ndazakukupaskani chilengesu chambula kumala kweniso soni zambula kumala, vo vazamuluwika cha.”’”+

Mazu Ngam'mphata

Pamwenga kuti, “wakuhara waurunji.”
Anyaki akamba kuti, “kumpotu.”
Pamwenga kuti, “agaruka.”
Mazu ngaki chayingu, “Akholesa manja nga.”
Pamwenga kuti, “atikuzazani ndi vilindizga vaboza.”
Pamwenga kuti, “uthenga uzitu waku.” Mazu ngenanga mu Chiheberi ngang’anamuwa vinthu viŵi: “uthenga wanthazi wakutuliya kwaku Chiuta” pamwenga “chinthu chizitu.”
Pamwenga kuti, “uthenga uzitu waku.”