Yeremiya 22:1-30

  • Uthenga wacheruzgu wakukwaskana ndi mafumu ngaheni (1-30)

    • Wakukwaskana ndi Shalumu (10-12)

    • Wakukwaskana ndi Yehoyakimu (13-23)

    • Wakukwaskana ndi Koniya (24-30)

22  Yehova wakamba kuti: “Sikiya kunyumba* ya fumu ya ku Yuda, ndipu ukakambi uthenga uwu.  Ukakambi kuti, ‘Vwani mazu ngaku Yehova, yimwi fumu ya ku Yuda yo ye pampandu waufumu waku Davidi, yimwi, ateŵeti ŵinu kweniso ŵanthu ŵinu, wo asere pamageti yanga.  Yehova wakamba kuti: “Muperekengi cheruzgu chakunyoloka kweniso muchitengi vinthu mwaurunji. Taskani munthu yo ŵanthu akuba mwachinyengu akhumba kumubiya. Alendu mungaŵachitiyanga nkhaza cha, ŵana alanda kweniso vyoko mungaŵapwetekanga cha.+ Mungadiranga cha ndopa zambula kunanga mumalu yanga.+  Pakuti asani muyesesengi kuvwiya mazu yanga, mafumu ngo ngaja pampandu waufumu waku Davidi+ ngaserengi pamageti nga nyumba iyi ngakwera magaleta kweniso mahachi, limoza ndi ateŵeti ŵawu kweniso ŵanthu ŵawu.”’+  “‘Kweni asani muvwiyengi cha mazu yanga, ndilapizga mu zina langu,’ Yehova ndiyu wakamba, ‘kuti nyumba iyi yibwangandulikengi.’+  “Pakuti ivi ndivu Yehova wakamba vakukwaskana ndi nyumba ya fumu ya ku Yuda,‘Yiwi we nge Giliyadi kwaku ini,We nge pachanya pa phiri la ku Lebanoni. Kweni ndikusambusengi chipululu;Mumatawuni ngaku ngosi mwazamujanga ŵanthu cha.+   Ndipu ndazamusankha ŵanthu akubwanganduwa kuti akuyukiyi,Weyosi wazamuja ndi vidya vaki.+ Yiwu azamudumuliya pasi vimiti vaku va sidara* vamampha ukongwaNdipu azakuviponya pamotu.+  “‘Mitundu yinandi ya ŵanthu yazamujumpha pafupi ndi tawuni iyi ndipu azamufumbana kuti: “Ntchifukwa wuli Yehova wachitiya tawuni yikulu iyi vinthu venivi?”+  Ndipu yiwu azamumukana kuti: “Chifukwa chakuti angujowo phanganu laku Yehova Chiuta wawu ndipu angusindamiya achiuta anyaki ndi kuŵateŵete.”’+ 10  Mungamuliriyanga cha munthu yo wafwa,Ndipuso mungamuchitiyanga chitima cha. Mumalu mwaki, liyani ukongwa chifukwa cha munthu yo waluta,Pakuti wazamuweku cha kuti waziwoni charu cho wakuwiyaku. 11  “Pakuti ivi ndivu Yehova wakamba vakukwaskana ndi Shalumu*+ mwana waku Yosiya, fumu ya ku Yuda, yo walamuliya mumalu mwa awisi a Yosiya+ ndipuso yo watuwamu mumalu yanga kuti: ‘Iyu wazamuweriyamu so cha. 12  Pakuti wamufwiya ku ukapolu, ndipu wazakuchiwona so cha charu ichi.’+ 13  Soka kwaku yo wazenga nyumba yaki mwambula urunjiKweniso yo wazenga vipinda vaki vamuchanya mwambula urunji,Yo wagwiriska ntchitu mteŵeti waki kwambula kumupaska kanthu,Yo wakana kumupaska malipiru ngaki;+ 14  Yo wakamba kuti, ‘Ndizengengi nyumba yikuluYa vipinda vikuluvikulu vamuchanya. Yiŵengi ndi mawinduKuvimati vaki ndikhomengeku mathabwa nga sidara ndipuso ndiyipakengi penti yiyera.’ 15  Kumbi ulutirizgengi kulamuliya chifukwa chakuti ugwiriskiya ntchitu ukongwa vimiti va sidara kuluska ŵanthu anyaki? Awusu nawu aryanga ndi kumwa,Kweni aperekanga cheruzgu chakunyoloka kweniso achitanga vinthu mwaurunji,+Ndipu vinthu vinguŵayende umampha. 16  Yiwu amiyanga ŵanthu akusuzgika kweniso akavu pa mulandu wawu,Ndipu vinthu vayendanga umampha. ‘Asi kwenuku ndiku kundiziŵa?’ Yehova ndiyu wakamba. 17  ‘Kweni masu nginu ndi mtima winu ve pa kusaniya phindu mwachinyengu,Pa kudira ndopa zambula kunanga,Ndipuso pa kuba mwachinyengu ndi kuphanga.’ 18  “Mwaviyo, ivi ndivu Yehova wakamba vakukwaskana ndi Yehoyakimu+ mwana waku Yosiya, fumu ya ku Yuda,‘Ŵanthu azakumuliya cha kuti: “Kotu mubali wangu! Kotu mzichi wangu!” Azakumuliya cha kuti: “Kotu ambuya! Kotu wakutumbikika!” 19  Asani wafwa, azamuchita nayu nge mo achitiya ndi bulu wakufwa,+Azakumukwekweta ndi kumuponya kutali,Kubwalu kwa mageti nga Yerusalemu.’+ 20  Kwere ku Lebanoni ndi kudaniriza,Kweza mazu ngaku ku Bashani,Ndipu daniriza kutuliya ku Abarimu,+Pakuti vibwezi vaku vosi vatimbinyulika.+ 21  Ndingulongoro nawi pa nyengu yo wawonanga kuti we wakuvikilirika. Kweni ungukamba kuti, ‘Ndivwiyengi cha.’+ Ivi ndivu wachita kwambiya pa unamana waku,Pakuti wavwiya cha mazu ngangu.+ 22  Mphepu yazakuŵapingiya kutali aliska ŵaku,+Ndipu vibwezi vaku vazamutoleke ku ukapolu. Pavuli paki, vazamuchita soni ndi kulengeseka chifukwa cha soka laku losi. 23  Yiwi uja mu Lebanoni,+Waja pamalu ngamampha pakati pa vimiti va sidara,+Wazamutamantha asani urwirwi waza paku yiwi,Urwirwi nge wa munthukazi yo wabala mwana!”+ 24  “‘Nge mo ini ndiliri wamoyu,’ Yehova ndiyu wakamba, ‘chinanga yiwi Koniya,*+ mwana waku Yehoyakimu,+ fumu ya ku Yuda, ungaŵa mpheti yakudindiya kujanja langu lamaryi, ndikutuzgengeku mbwenu! 25  Ndazakukupereka mu manja mwa ŵanthu wo akhumba kukubaya, mu manja mwa ŵanthu wo utopa, mu manja mwa fumu Nebukadinezara* ya ku Babiloni ndipuso mu manja mwa Akadiya.+ 26  Ndipu yiwi ndi anyoku wo akukubala ndazakukuponyani mucharu chinyaki cho mukuwiyamu cha, ndipu mwamufwiya mwenimo. 27  Ndipu azamuweriyaku cha kucharu cho akhumbira kuweriyaku.+ 28  Kumbi munthu uyu, Koniya ndi mumphika wakuyuyulika kweniso wakusweka,Chiyaŵi cho palivi munthu yo watichikhumba? Ntchifukwa wuli iyu ndi ŵana ŵaki aponyeka pasiNdi kuponyeka mucharu cho atichiziŵa cha?’+ 29  Yiwi charu chapasi, charu chapasi, charu chapasi, yivwa mazu ngaku Yehova. 30  Yehova wakamba kuti: ‘Ulembi munthu uyu nge munthu wambula ŵana,Nge munthu yo vinthu vimuyendiyengi umampha cha pa umoyu waki,*Pakuti palivi mwana waki chinanga njumozaYo wazamuja pampandu waufumu waku Davidi ndi kulamuliya so mu Yuda.’”+

Mazu Ngam'mphata

Pamwenga kuti, “kunyumba yachifumu.”
Vimiti ivi viyananaku ndi vimiti va payina ndipu kali vasanirikanga ukongwa ku Lebanoni.
Wadanika so kuti Yehoahazi.
Wadanika so kuti Yehoyakini kweniso Yekoniya.
Zina ili lilembeka so kuti, “Nebukadirezara.”
Mazu ngaki chayingu, “mu mazuŵa ngaki.”