Yeremiya 2:1-37

  • Isirayeli waleka Yehova ndipu wasopa achiuta anyaki (1-37)

    • Isirayeli we nge chimiti cha mphereska chachilendu (21)

    • Vakuvwala vaki vabikiliya chifukwa cha ndopa (34)

2  Yehova wangundikambiya kuti:  “Luta ndipu ukapharazgi Yerusalemu wachivwa kuti, ‘Yehova wakamba kuti: “Ndikumbuka kuti wenga wakujipereka* pa nyengu yo wenga munamana,+Wandiyanjanga pa nyengu yo ungulayizgika nthengwa,+Ndipuso ndikumbuka mo ungundilondole muchipululu,Mucharu cho mukupandika mbewu cha.+   Isirayeli wenga wakupaturika kwaku Yehova,+ vipasu vakwamba vo wanguvuna.”’ ‘Weyosi yo wakhumbanga kumumeza waŵanga ndi mulandu. Soka laŵawiyanga,’ Yehova ndiyu wakamba.”+   Vwani mazu ngaku Yehova, yimwi a munyumba yaku Yakobe,Ndipuso yimwi mabanja ngosi nga munyumba yaku Isirayeli.   Yehova wakamba kuti: “Kumbi apapi ŵinu akali angusaniya suzgu wuli mwaku ini,+Kuti alandiyi kutali viyo ndi ini,Ndipu angulondo angoza ambula fundu+ ndi kujisambusa aŵakaŵaka?+   Yiwu afumbanga cha kuti, ‘We pani Yehova,Yo wangutituzga mucharu cha Ijipiti,+Yo wangutilongozga po tajumphanga muchipululu,Po tajumphanga mucharu cha vipalamba+ ndi vinkhwawu,Po tajumphanga mucharu chambula maji+ ndipuso cha mdima ukulu,Po tajumphanga mucharu cho mutenda ŵanthu chaKweniso mucharu cho muja ŵanthu cha?’   Pavuli paki, ndingukuserezani mucharu cha minda ya vipasu,Kuti muryi vipasu vaki kweniso vinthu vaki vamampha.+ Kweni mungusere mucharu changu ndi kuchifipiska;Munguchitiska kuti chihara changu chije chinthu chakuseruska.+   Asembi afumbanga cha kuti, ‘We pani Yehova?’+ Wo asambizanga Dangu andiziŵanga cha,Aliska angundigarukiya,+Achimi achimanga mu zina laku Bala,+Ndipu alondonga ŵanthu wo angaŵawovya cha.   ‘Mwaviyo, ndilimbanengi namwi mbwenu,’+ Yehova ndiyu wakamba,‘Ndipu ndilimbanengi ndi ŵana a ŵana ŵinu.’ 10  ‘Kweni yambukiyani kuvigaŵa va mumphepeti mwa nyanja* va ku Kitimu+ ndipu mukawoni. Tumizani uthenga ku Kedara+ ndipu muŵanaŵani mwakuphwere;Kawoneni asani vinthu va nge ivi vikuchitikapu. 11  Kumbi pe mtundu wa ŵanthu wo ukusinthisapu achiuta ŵaki ndi vinthu vo mbachiuta cha? Kweni ŵanthu ŵangu asinthisa unkhankhu wangu ndi vinthu vambula ntchitu.+ 12  Yimwi machanya, lereseskani vinthu venivi mwakuzizwa;Mbwambwanthiyani chifukwa cha mantha ngakulu,’ Yehova ndiyu wakamba, 13  ‘Chifukwa ŵanthu ŵangu achita vinthu viŵi viheni: Ajowo ini, chisimi cha maji nga umoyu,+Ndipu akumba* visimi vawu,Visimi vo ve ndi malumwa, vo vingasunga maji cha.’ 14  ‘Kumbi Isirayeli ndi mteŵeti pamwenga kapolu yo wakuwiya munyumba? Sonu ntchifukwa wuli waperekeka kuti waphangiki vinthu? 15  Nkharamu zimanazimana* zitimubanguliya;+Izu zakweza mazu. Zachitiska kuti charu chaki chije chinthu chakuchitiska mantha. Matawuni ngaki ngawotcheka ndi motu, mwakuti muja munthu weyosi cha. 16  Ŵanthu a ku Nofi*+ kweniso ku Tapanesi+ aturya paliwombu la pamutu waku. 17  Asi wajidaniya wija vinthu veniviChifukwa cha kujowo Yehova Chiuta waku+Pa nyengu yo wakulongozganga munthowa? 18  Sonu ntchifukwa wuli ukhumba kwenda pamsewu wakuluta ku Ijipiti+Kuti ukamwi maji nga mumsinji wa Shihori?* Ntchifukwa wuli ukhumba kwenda pamsewu wakuluta ku Asiriya+Kuti ukamwi maji nga mu Msinji?* 19  Uheni waku ukusambizi,Ndipu kuleka kugomezgeka kwaku kukuchenyi. Uziŵi kweniso uwemu kuti nkhuheni kweniso nkhwakupweteka+Kujowo Yehova Chiuta waku;Walongo kuti utindiwopa cha,’+ Ambuya Fumu Yikulu, Yehova wa mizinda ndiyu wakamba. 20  ‘Pakuti kali ukongwa ndingufyo goli laku+Ndipu ndingudumuwa simbi zaku. Kweni yiwi ungukamba kuti: “Nditeŵetiyengi cha,” Pakuti pachanya pa mtunthu wewosi ukulu ndipuso pasi pa chimiti chechosi chakubiriŵira+Wagonanga pasi kang’a ndipu wachitanga uhuli.+ 21  Ndingukupanda nge chimiti cha mphereska chamampha kweniso chiyera,+ ndingupanda mbewu yamampha ukongwa;Sonu wasintha wuli kuja mphukira zakunangika za chimiti cha mphereska chachilendu pa masu pangu?’+ 22  ‘Chinanga kuti ungasamba ndi soda kweniso sopu munandi,Ujengi mbwenu wakubikiliya pa masu pangu chifukwa cha kunanga kwaku,’+ Yehova, Ambuya Fumu Yikulu ndiyu wakamba. 23  Yiwi ungakamba wuli kuti, ‘Ndajifipiska cha. Ndalondo achiuta a Bala cha’? Wona nthowa yaku mudambu. Ŵanaŵaniya vo wachita. We nge ngamila yinamana yakutchimbiya ukongwa,Yo yitchimbiriya ŵaka uku ndi uku munthowa zaki, 24  We nge bulu wamudondu yo wakuziŵiliya kuja muchipululu,Iyu wanuskanuska mphepu chifukwa cha kukhumba bulu munthulumi. Ndiyani yo wangamukaniza asani we pa nyengu yo wakhumba kukwereka ndi bulu munthulumi? Wo atimukhumba azamusuzgika cha kumupenjapenja. Azakumusaniya mu nyengu yaki.* 25  Uphwere kuti maphazi ngaku ngaleki kwenda kwambula sapatuNdipuso kuti khosi laku lileki kuchita nyota. Kweni yiwi ungukamba kuti, ‘Vilivi ntchitu!+ Ini ndayanja alendu,*+Ndipu ndiŵalondongi.’+ 26  Nge mo munkhungu wachitiya soni asani wakoleka,Ndimu so nyumba yaku Isirayeli yalengeseke,Yiwu, mafumu ngawu kweniso alongozgi ŵawu akuzirwa,Asembi ŵawu kweniso achimi ŵawu.+ 27  Yiwu akambiya chimiti kuti, ‘Ndimwi ada,’+ Kweniso akambiya mwa kuti, ‘Yimwi ndimwi mukundibala.’ Kweni ini andilazgiya msana mumalu mwakundilazgiya chisku.+ Ndipu pa nyengu yo azamukumana ndi suzgu azamukamba kuti,‘Sokani ndipu titaskeni!’+ 28  Sonu ŵe pani achiuta ŵaku wo ukujipangiya?+ Asoki asani angakutaska pa nyengu ya suzgu,Pakuti achiuta ŵaku aja anandi nge matawuni ngaku, yiwi Yuda.+ 29  ‘Ntchifukwa wuli mulutirizga kulimbana nani? Ntchifukwa wuli mosi mwandigarukiya?’+ Yehova ndiyu wakamba. 30  Ndathyapuwa ŵana ŵinu paŵaka.+ Akana kulonde chilangu;+Lipanga linu lingumeza achimi ŵinu,+Nge nkharamu yakofya. 31  Yiwi mugonezi, ŵanaŵaniya mazu ngaku Yehova. Kumbi ndaja nge chipululu kwaku IsirayeliPamwenga charu cha mdima wakukandirizga? Ntchifukwa wuli ŵanthu ŵangu akamba kuti, ‘Titenda po takhumbiya. Tizengi so cha kwaku yimwi’?+ 32  Kumbi mwali wangaluwa vakutowese vaki,Kumbi mwali yo wakwatisa wangaluwa lamba waki wa pachifuŵa?* Kweni ŵanthu ŵangu andiluwa kwa mazuŵa ngambula kuŵerengeka.+ 33  Yiwi munthukazi, wanozga nthowa yaku mwalusu kuti upenji chanju! Wajisambiza nthowa ziheni.+ 34  Vakuvwala vaku navu vabikiliya chifukwa cha ndopa za ŵanthu akavu ambula kunanga,+Chinanga kuti ndinguŵasaniya achiba vinthu cha;Ndopa zawu ze pavakuvwala vaku vosi.+ 35  Kweni yiwi ukamba kuti, ‘Ndilivi mulandu. Chiuta waleka kundikwiyiya.’ Sonu nditikupaska cheruzguChifukwa ukamba kuti, ‘Ndabuda cha.’ 36  Ntchifukwa wuli upepuska nthowa yaku yambula kujalikiskika? Wazamulengeseka chifukwa chaku Ijipiti,+Nge mo ungulengeseke chifukwa cha charu cha Asiriya.+ 37  Pa chifukwa chenichi so wazamuweku wako kakondukondu,*+Pakuti Yehova wakana ŵanthu wo unguŵathemba;Yiwu akuwovyengi cha kuti vinthu vikuyende umampha.”

Mazu Ngam'mphata

Pamwenga kuti, “wenga ndi chanju chambula kumala.”
Pamwenga kuti, “kuvirwa.”
Pamwenga kuti, “ajoba,” panyaki kujalawi.
Pamwenga kuti, “nkharamu zimanazimana zanthazi.”
Pamwenga kuti, “Mefisi.”
Kung’anamuwa Msinji wa Yufureti.
Kung’anamuwa msinji wo utuwa mu Msinji wa Nayelu.
Mazu ngaki chayingu, “mu mwezi waki.”
Pamwenga kuti, “achiuta achilendu.”
Pamwenga kuti, “lamba waki wa nthengwa.”
Pamwenga kuti, “wako manja kumutu.”