Wakutawula 4:1-16

  • Kukandirizgika nkhuheni ukongwa kuluska nyifwa (1-3)

  • Kuwona ntchitu mwakwenere (4-6)

  • Mubwezi ngwakukhumbika (7-12)

    • Ŵaŵi aluska yumoza (9)

  • Umoyu wa fumu ungaŵa wambula phindu (13-16)

4  Ndinguŵanaŵaniya so kukandirizgana kosi ko kuchitika pacharu chapasi. Ndinguwona masozi nga ŵanthu wo akandirizgika, ndipu pengavi munthu wakuti waŵapembuzgi.+ Ŵanthu wo aŵakandirizganga ŵenga ndi nthazi, kweni yiwu ŵengavi munthu wakuti waŵapembuzgi.  Ndinguwona kuti ŵanthu wo akufwa kali ŵe umampha kuluska wo ŵeche ndi umoyu.+  Kweni yo we umampha ukongwa kuluska wosi ŵaŵi, ndi munthu yo wechendabaliki,+ chifukwa iyu wechendaviwonepu vinthu viheni vo vichitika panu pacharu chapasi.+  Ndawona ntchitu zo ŵanthu agwira mwaphamphu kweniso mwalusu chifukwa cha kupharizana;+ venivi navu vilivi phindu, ve nge kutchimbiza mphepu.  Muzereza wapeta manja ngaki penipo mnofu waki umala.*+  Kupumuwa kamanavi nkhwamampha kuluska kugwira ntchitu mwaphamphu* ndi kutchimbiza mphepu.+  Ndinguŵanaŵaniya so chinthu chinyaki cho chilivi phindu panu pacharu chapasi:  Pe munthu yo we yija, wambula munyaki; walivi mwana pamwenga mubali waki, kweni wapumuwa cha kugwira ntchitu mwaphamphu. Masu ngaki ngakhorwa cha ndi chuma.+ Kweni kumbi watijifumba kuti, ‘Ndifyoke yani ndi kujinola vinthu vamampha’?+ Venivi navu vilivi phindu ndipu ndi ntchitu yakuŵaŵa.+  Ŵaŵi aluska yumoza+ pakuti asaniyengi mphotu yamampha* chifukwa cha phamphu lawu. 10  Pakuti asani yumoza wawa, munyaki wamuyuskengi. Kweni ntchinthu wuli cho chichitikiyengi munthu yo we yija asani wawa? 11  Ndipuso asani ŵanthu ŵaŵi agona pamoza afundisana, kweni kumbi munthu wangavwa wuli kufunda pakuyija? 12  Munthu wangathereska munthu yumoza, kweni ŵanthu ŵaŵi angalimbana nayu. Ndipu chingwi cha mitegha yitatu* chingadumuka liŵi cha. 13  Mwana mukavu yo we ndi zeru ngwamampha kuluska fumu yakukota yo njizereza,+ kweniso yo yilivi zeru ndipu yivwiya cha uthenga wakutcheŵeska.+ 14  Pakuti iyu* wangutuwa mujeri ndi kuja fumu,+ chinanga kuti wanguwa mukavu mu ufumu wenuwu.+ 15  Ndinguŵanaŵaniya ŵanthu wosi amoyu wo atendatenda pacharu chapasi, kweniso mo viŵiya ndi wachinyamata yo wahara malu nga munyaki. 16  Chinanga kuti ŵanthu wo ŵe kuchigaŵa chaki angaŵa anandi, kweni wo azengi pavuli paki akondwengi nayu cha.+ Venivi navu vambula phindu, ve nge kutchimbiza mphepu.

Mazu Ngam'mphata

Mazu ngaki chayingu, “ndipu waturya mnofu waku iyu mweneku.”
Mazu ngaki chayingu, “Janja limoza lakuzaza ndi kupumuwa ndamampha kuluska manja ngaŵi ngakuzaza ndi kugwira ntchitu mwaphamphu.”
Pamwenga kuti, “mphotu yikulu.”
Pamwenga kuti, “chakuposeka ndi vingwi vitatu.”
Panyaki kung’anamuwa mwana wazeru.