Wakutawula 1:1-18
1 Mazu nga wakuwunganisa,+ mwana waku Davidi, fumu ya ku Yerusalemu.+
2 Wakuwunganisa watiti, “Vambula phindu ukongwa!*Vambula phindu ukongwa! Vinthu vosi vambula phindu!”+
3 Kumbi munthu wayanduwanji pa ntchitu zaki zosi zo wagwira mwaphamphuPa ntchitu zo wafyoka nazu panu pacharu chapasi?*+
4 Mugonezi uluta ndipu mugonezi unyaki utuza,Kweni charu chijengi* mpaka muyaya.+
5 Lumwi lituwa,* ndipu lumwi lisere;Litchimbiya kuwere* ku malu ngaki kuti likatuwi so.+
6 Mphepu yiluta kumwera ndipu yizunguliya kuluta kunkhondi;*Yizunguliya mwakuwerezawereza; mphepu yilutirizga mbwenu kuzunguliya.
7 Misinji yosi* yidira maji munyanja, kweni nyanja yizaza cha.+
Pavuli paki, misinji yiwere ko yituliya kuti yikayambi so kwenda.+
8 Vinthu vosi vivukisa;Ndipu palivi chinanga njumoza yo wangafiska kuvikonkhoska.
Jisu likhorwa cha ndi kuwona;Ndipu gutu lizaza cha ndi kuvwa.
9 Vo vengaku, ndivu viŵengeku so,Ndipu vo vikuchitika, ndivu vichitikengi so;Palivi chinthu chifya pacharu chapasi.+
10 Kumbi chilipu cho munthu wangakamba kuti, “Wonani chinthu ichi, ntchasonu”?
Chinthu cho, chengaku kutuliya kali;Chengaku isi techendaŵeku.
11 Palivi munthu yo wakumbuka ŵanthu a mu nyengu yakali;Ndipuso palivi yo wazamukumbuka ŵanthu wo azengi kunthazi;Kweniso nawu azamukumbukika cha ndi ŵanthu wo azamuŵaku kunthazi.+
12 Ini wakuwunganisa, ndaja ndichilamuliya nge fumu ya Ayisirayeli ku Yerusalemu.+
13 Ndi zeru+ zangu, ndinguŵikapu mtima kuti ndisambiri ndi kufufuza chechosi cho chichitika pacharu chapasi,*+ ntchitu yakusuzga yo Chiuta wapereka ku ŵana a ŵanthu yo atangwanika nayu.
14 Ndinguwona ntchitu zosi zo zachitika pacharu chapasi,Ndipu awonani! Ndinguwona kuti vosi vambula phindu, ve nge kutchimbiza mphepu.+
15 Cho ntchakugombete, chinganyoloreka cha,Ndipu cho palivi chingaŵerengeka cha.
16 Pavuli paki, ndingulongoro mumtima mwangu kuti: “Awonani! Ini ndasaniya zeru zinandi kuluska munthu weyosi yo wengaku ku Yerusalemu ini ndechendaweku,+ ndipu mtima wangu wasaniya zeru zinandi kweniso ngwakuziŵa vinthu.”+
17 Ndinguŵikapu mtima wangu kuti ndiziŵi zeru, kufuntha* kweniso uzereza,+ ndipu venivi navu ve nge kutchimbiza mphepu.
18 Pakuti zeru zinandi zituza ndi vakuguŵiska vinandi,Mwaviyo, munthu yo wasazgiyaku kuziŵa vinthu, wasazgiyaku urwirwi.+
Mazu Ngam'mphata
^ Pamwenga kuti, “Vambula ntchitu.”
^ Mazu ngaki chayingu, “kusi kwa lumwi.” Mazu yanga ngasanirika maulendu 29 mu buku la Wakutawula.
^ Mazu ngaki chayingu, “chilutirizgengi kuma.”
^ Pamwenga kuti, “liŵala.”
^ Pamwenga kuti, “Liwelere mwabefu kuluta.”
^ Anyaki akamba kuti, “kumpotu.”
^ Pamwenga kuti, “Misinji ya mu chipwepwi pe.”
^ Mazu ngaki chayingu, “kusi kwa kuchanya.”
^ Pamwenga kuti, “uzereza ukulu ukongwa.”
