Sumu Yaku Solomoni 1:1-17

  • Sumu ya zisumu (1)

  • Msungwana (2-7)

  • Ŵana anthukazi a ku Yerusalemu (8)

  • Fumu (9-11)

    • “Tikupangiyengi vakutowese vagolidi” (11)

  • Msungwana (12-14)

    • “Wakwanjiwa wangu we nge kathumba ka mure” (13)

  • Mliska (15)

    • “Ndiwi wakutowa, yiwi wakwanjiwa wangu”

  • Msungwana (16, 17)

    • “Ndiwi wakutowa, yiwi wakwanjiwa wangu” (16)

1  Sumu ya zisumu,* yo ndi sumu yaku Solomoni:+   “Wandifyofyonthi ndi kufyofyontha kwa mulomu waki,Pakuti chanju chaku ntchamampha kuluska vinyu.+   Mafuta ngaku ngakupaka nganunkhira umampha.+ Zina laku le nge mafuta ngakununkhira ngakudira pamutu.+ Ndichu chifukwa chaki asungwana atikuyanja.   Ndito;* tiyi tithaŵi. Pakuti fumu yanditole muvipinda vaki vamukati! Tiyi tikondwi ndi kusekere. Tiyi tikambi* va chanju chaku kuluska kukamba va vinyu. Mphaki kuti atikuyanja.*   Nde mufipa, kweni nde wakutowa, yimwi ŵana anthukazi a ku Yerusalemu,Nde nge mahema nga ku Kedara,+ kweniso nge salu za hema+ laku Solomoni.   Kundilereseska cha pakuti ndafipa,Chifukwa lumwi ndilu landiŵawuwa. Azichi ŵangu angundikwiyiya;Angundipaska ntchitu yakuphwere minda ya mphereska,Kweni munda wangu wa mphereska ndinguwuphwere cha.   Yiwi yo nditanja ukongwa, ndikambiyi,Ko uliska mskambu waku,+Ko utiwugoneka ndi msana. Kumbi ndijaliyenji nge munthukazi yo wadika salu kumutu*Pakati pa miskambu ya anyaku?”   “Asani uziŵa cha, yiwi wakutowa ukongwa pa anthukazi wosi,Londo malundi nga mskambuNdipu kaliski ŵana a mbuzi zaku pafupi ndi mahema nga aliska.”   “Yiwi wakwanjiwa wangu, we nge hachi* yinthukazi pakati pa magaleta ngaku Farawo.+ 10  Matakama ngaku ngawoneka umampha ndi vakutowese,*Khosi laku litowa ndi vingwi va mikanda. 11  Tikupangiyengi vakutowese vagolidi,*Vakutoweseka ndi tinthu tasiliva.” 12  “Pa nyengu yo fumu yaja pathebulu laki lakuzunguliya,Mafuta ngangu ngakununkhira*+ ngatuzga fungu laki lamampha. 13  Wakwanjiwa wangu we nge kathumba ka mure+ ko katuzga fungu lamamphaNdipu ndi usiku kaja pakati pa maŵe ngangu. 14  Wakwanjiwa wangu, kwaku ini we nge luŵa la hena+Pakati pa minda ya mphereska ya ku Eni-gedi.”+ 15  “Awona! Ndiwi wakutowa, yiwi wakwanjiwa wangu. Awona! Ndiwi wakutowa. Masu ngaku nge nge nga njiŵa.”+ 16  “Ndiwi wakutowa, yiwi wakwanjiwa wangu, ndipu ndiwi wakukondwesa.+ Bedi lidu le pakati pa mani. 17  Migomba ya nyumba yidu* nja vimiti va sidara,*Mapasu ngidu nga vimiti va junipa.

Mazu Ngam'mphata

Pamwenga kuti, “Sumu yamampha ukongwa.”
Mazu ngaki chayingu, “Ndiguzi.”
Mazu ngaki chayingu, “tilumbi.”
Kung’anamuwa, asungwana.
Pamwenga kuti, “salu kumutu yakuliriya maliru.”
Pamwenga kuti, “hachi yangu.”
Yapa pangafwatulikiya so kuti, “pakati pa sisi lo lalukika ndi kusikiya mumphata.”
Pamwenga kuti, “mabandi nga kumutu ngagolidi.”
Mazu ngaki chayingu, “Mafuta ngangu nga nado.”
Pamwenga kuti, “nyumba yidu yamampha.”
Vimiti ivi viyananaku ndi vimiti va payina ndipu kali vasanirikanga ukongwa ku Lebanoni.