Nthanthi 9:1-18
9 Zeru chayizu zajizenge nyumba;Zajijobe* vipilala vaki 7.
2 Zanozga nyama umamphaumampha;*Zasazga vinyu waki;Kweniso zanozga thebulu laki.
3 Zeru zatuma ateŵeti ŵaki anthukaziKuti akadanirizi pamalu ngakukwera nga tawuni kuti:+
4 “Weyosi yo waleka kuziŵa vinandi wazi kunu.”
Zikambiya munthu wambula zeru* kuti:
5 “Zani muziryi chiŵandi changuKweniso muzimweku vinyu yo ndasazga.
6 Kulekeni kuleka kuziŵa vinandi kwinu* kuti muje ndi umoyu;+Ndipu yendani munthowa ya kuvwisa vinthu.”+
7 Munthu yo wanyoloska wakunyoza, watijidaniya soni,+Ndipu weyosi yo wachenya munthu muheni, wapwetekekengi.
8 Munthu wakunyoza ungamuchenyanga cha chifukwa wakutinkhengi.+
Kweni uchenyi munthu wazeru ndipu wakuyanjengi.+
9 Pereka ulongozgi ku munthu wazeru ndipu wajengi wazeru ukongwa.+
Sambiza munthu murunji ndipu wasazgiyengeku vo wakusambira.
10 Kopa Yehova ndichu chiyambi cha zeru,+Ndipu kuziŵa Mtuŵa Ukongwa+ ndiku kuvwisa vinthu.
11 Chifukwa chaku ini, mazuŵa ngaku ngajengi nganandi,+Ndipu vyaka va umoyu waku visazgikiyengeku.
12 Asani waja ndi zeru, zeru zaku zikuwovyengi wamweni,Kweni asani ndiwi wakunyoza, ujipwetekengi wamweni.
13 Munthukazi muzereza ngwapamulomu.+
Iyu walivi zeru ndipu waziŵa kekosi cha.
14 Waja pakhomu la nyumba yakiWaja pampandu pamalu ngapachanya nga tawuni,+
15 Wadaniriziya ŵanthu wo ajumpha,Wo atijiyende munthowa kuti:
16 “Weyosi yo waleka kuziŵa vinandi wazi kunu.”
Wakambiya ŵanthu ambula zeru* kuti:+
17 “Maji ngakuba nganowa ukongwa,Ndipu chakurya chakuryika mwakubisa chisamwa.”+
18 Kweni munthulumi waziŵa cha kuti ŵanthu akufwa ŵe kweniko,Ndipuso kuti alendu ŵaki ŵe mundimba za Dindi.*+
Mazu Ngam'mphata
^ Pamwenga kuti, “Zajiseme.”
^ Mazu ngaki chayingu, “Zajibayiya nyama.”
^ Mazu ngaki chayingu, “wa mtima wambula zeru.”
^ Pamwenga kuti, “Alekeni ŵanthu ambula kuziŵa vinandi.”
^ Mazu ngaki chayingu, “ŵanthu a mtima wambula zeru.”
^ Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
