Nthanthi 4:1-27
4 Mwaŵana ŵangu, vwisiyani ulongozgi wa awusemwi;+Vwisiyani kuti muje akuvwisa vinthu,
2 Pakuti ndikupaskeningi ulongozgi wamampha;Mungavijowonga cha vo nditikusambizani.*+
3 Ndenga mwana wawu chayiyu wa ada+Kweniso ndayanjikanga ukongwa ndi ama.+
4 Ada angundisambiza, ndipu anguti: “Mtima waku ungakolesi mazu ngangu.+
Sunga marangu ngangu kuti ulutirizgi kuja ndi umoyu.+
5 Saniya zeru, saniya so kuvwisa vinthu.+
Ungaluwanga cha, kweniso ungapetukanga cha pa vo ndikamba.
6 Ungazijowonga cha, ndipu zikuvikiliyengi.
Uziyanji, ndipu zijengi nge mulonda waku.
7 Zeru ntchinthu chakukhumbika ukongwa,+ sonu saniya zeru,Ndipu pa vinthu vosi vo usaniyengi, saniya so kuvwisa vinthu.+
8 Uziwonengi kuti zakuzirwa ukongwa, ndipu zikukwezengi.+
Zikutumbikengi chifukwa chakuti wazikolesa.+
9 Zikuvwalikengi nkhata ya maluŵa ngakutowa pamutu waku;Ndipuso zikuvwalikengi chisoti chaufumu chakutowa.”
10 Vwisiya mwana wangu kweniso zomera mazu ngangu,Ndipu vyaka va umoyu waku vijengi vinandi.+
11 Ini ndikusambizengi nthowa ya zeru;+Ndikulongozgengi munthowa zakunyoloka.+
12 Asani utenda, malundi ngaku ngajalizikengi cha;Ndipu asani utchimbiya, uguŵengi cha.
13 Kolesa ulongozgi; ndipu ungawutayanga cha.+
Uwuvikiliyi, pakuti ndiwu umoyu waku.+
14 Ungaserenga panthowa ya ŵanthu aheni cha,Kweniso ungayendanga munthowa ya ŵanthu wo achita vinthu viheni cha.+
15 Uyithaŵi, ndipu ungayendangamu cha;+Utuweku, ndipu ujumphi kumphepeti.+
16 Pakuti yiwu angagona cha mpaka po achitiya chinthu chiheni.
Asoŵa tulu mpaka po awisiya munthu munyaki.
17 Yiwu aturya chiŵandi cha uheni.Kweniso atumwa vinyu wachiwawa.
18 Kweni nthowa ya ŵanthu arunji ye nge ukweru wa matandakuchaWo uŵaliyaŵaliya mpaka po kwachiya limu.+
19 Nthowa ya ŵanthu aheni ye nge mdima;Yiwu atichiziŵa cha cho chitiŵaguŵiska.
20 Wamwana wangu, vwisiya mazu ngangu;Vwisiya mwakuphwere* vo ndikamba.
21 Vingatuwangapu cha pa masu paku;Uvisungi pasi pa mtima waku,+
22 Pakuti venivi mbumoyu ku ŵanthu wo ativisaniya+Ndipu liŵavu lawu losi lija lamampha.*
23 Pa vinthu vosi vo utivivikiliya, uvikiliyi ukongwa mtima waku,+Chifukwa ndimu mwe akasupi a umoyu.
24 Mazu ngachinyengu ungaŵiki kutali ndi yiwi,+Ndipu mazu ngauryarya ngaje kutali ndi yiwi.
25 Masu ngaku ngalereskengi kunthazi,Hinya, masu ngaku ngalereskengi dodoli panthazi.+
26 Nozga* nthowa ya maphazi ngaku,+Ndipu nthowa zaku zosi zijengi zambula kukayikisa.
27 Ungapetukiyanga kumaryi cha pamwenga kumazge.+
Tuzgaku phazi laku ku chinthu cho ntchiheni.
Mazu Ngam'mphata
^ Pamwenga kuti, “Mungalijowonga cha dangu langu.”
^ Mazu ngaki chayingu, “Ŵikaku gutu laku ku.”
^ Mazu ngaki chayingu, “mnofu wawu wosi uja wamampha.”
^ Yapa pangafwatulikiya so kuti, “Ŵanaŵaniya mwakuphwere.”
