Nthanthi 3:1-35

  • Ja wazeru ndipu gomezga Yehova (1-12)

    • Utumbikengi Yehova ndi vinthu vakuzirwa (9)

  • Zeru zichitiska kuti munthu wakondwengi (13-18)

  • Zeru zivikiliya (19-26)

  • Kuchitiya vamampha ŵanthu anyaki (27-35)

    • Uchitiyengi ŵanthu vamampha asani ungafiska (27)

3  Wamwana wangu, ungaluwanga cha vo nditikusambiza,*Ndipu mtima waku usungi marangu ngangu,   Chifukwa vikusazgiyengeku mazuŵa nganandiKweniso vyaka va umoyu ndipuso chimangu.+   Ungazomerezanga cha kuti chanju chambula kumala kweniso kugomezgeka* vikuleki.+ Uvimangiriyi mukhosi laku;Kweniso uvilembi pamtima waku;+   Ndipu usaniyengi wezi ndipuso zeru zamamphaPa masu paku Chiuta kweniso ŵanthu.+   Gomezga Yehova+ ndi mtima waku wosi,Ndipu ungathembanga* lusu laku lakuvwisa vinthu cha.+   Umuŵanaŵaniyengi mu nthowa zaku zosi,+Ndipu iyu wanyoloskengi nthowa zaku.+   Ungajiwonanga kuti ndiwi wazeru cha.+ Uwopengi Yehova ndi kupetuka pa cho ntchiheni.   Venivi vichizgengi liŵavu laku*Kweniso visisipuwengi viwanga vaku.   Utumbikengi Yehova ndi vinthu vaku vakuzirwa,+Kweniso ndi vipasu vakwamba* va mbewu zaku zosi.*+ 10  Asani wachita venivi nkhokwi zaku zizazengi ukongwa,+Kweniso vinyu wasonu wasapaliyengi mumisuku yaku.* 11  Wamwana wangu, ungachikananga cha chilangu chaku* Yehova,+Ndipu ungakutinkhanga cha kuchenya kwaki,+ 12  Pakuti Yehova wachenya ŵanthu wo watiŵayanja,+Nge mo ada achitiya ndi mwana wawu yo watiŵakondwesa.+ 13  Ngwakukondwa munthu yo wasaniya zeru+Kweniso munthu yo wasaniya kuwamu; 14  Kuzisaniya nkhwamampha kuluska kusaniya siliva,Ndipu kuja nazu nge phindu nkhwamampha kuluska kuja ndi golidi.+ 15  Zakuzirwa ukongwa kuluska mya ya korali;*Pa vinthu vo utivikhumbira, palivi cho chingayanana nazu. 16  Umoyu utali we kujanja laki lamaryi;Ndipu chuma kweniso unkhankhu ve kujanja laki lamazge. 17  Nthowa zaki zakukondwesa,Ndipu nthowa zaki zosi zachimangu.+ 18  Ntchimiti cha umoyu kwaku wo atizikolesa,Ndipu ŵanthu wo atizikolesa mwanthazi adanikengi kuti mbakukondwa.+ 19  Yehova wakupanga fawundeshoni ya charu chapasi ndi zeru.+ Iyu wakujalikiska kuchanya mwakukho chifukwa cha kuwamu.+ 20  Chifukwa chakuti iyu waziŵa vinthu, maji ngandimba ngangugaŵikanaNdipu mitambu yakuchanya yingunthonya dungwi.+ 21  Wamwana wangu, venivi* vingatuwangapu cha pa masu paku. Usungi zeru zakovya ndipuso lusu la kuŵanaŵana; 22  Vikupaskengi umoyuNdipuso vijengi nge nekelesi mukhosi mwaku; 23  Pavuli paki, uyendengi munthowa yaku mwakuvikilirika,Ndipu phazi laku literemukengi cha.*+ 24  Asani wagona, uwopengi cha;+Ugonengi ndipu tulu taku tijengi tamampha.+ 25  Uwopengi cha chinthu chechosi chakofya chamabuchibuchi+Pamwenga chimphepu cho chiwiya ŵanthu aheni.+ 26  Pakuti ugomezgengi Yehova;+Iyu wavikiliyengi phazi laku kuti lileki kuwira.+ 27  Ungatondekanga cha kuchitiya vamampha ŵanthu wo ukhumbika kuŵachitiya vamampha*+Asani ungafiska kuŵawovya.*+ 28  Ungamukambiyanga cha munyaku kuti, “Luta dankha; ukazi so nyengu yinyaki! Mawa ndikupaskengi,” Asani ungamupaska nyengu yeniyo. 29  Ungamunozgiyanga chiŵembu cha munyaku+Penipo iyu waŵanaŵana kuti waja nawi mwachimangu. 30  Ungalimbananga cha ndi munthu kwambula chifukwa+Asani wakuchitiya chinthu chechosi cha chiheni.+ 31  Ungachitiyanga sanji munthu wankhaza cha+Pamwenga kusankha yeyosi mwa nthowa zaki. 32  Pakuti Yehova waseruka nayu munthu muryarya,+Kweni waja pa ubwezi wakukho ndi munthu wakunyoloka.+ 33  Yehova watemba nyumba ya munthu muheni,+Kweni watumbika nyumba ya munthu murunji.+ 34  Pakuti iyu waseka ŵanthu akunyoza,+Kweni wachitiya lisungu ŵanthu akufwasa.+ 35  Ŵanthu azeru aharengi ulemu,Kweni azereza atumbika vinthu vakulengesa.+

Mazu Ngam'mphata

Pamwenga kuti, “dangu langu.”
Pamwenga kuti, “uneneska.”
Mazu ngaki chayingu, “ungayegemiyanga.”
Mazu ngaki chayingu, “mdotu waku.”
Pamwenga kuti, “vinthu vamampha ukongwa.”
Pamwenga kuti, “vinthu vosi vo usaniya.”
Pamwenga kuti, “muvakukandiyamu mphereska vaku.”
Pamwenga kuti, “ungawukananga cha ulongozgi waku.”
Viwoneka kuti ang’anamuwa mijalidu yaku Chiuta yo yazumbulika mumavesi ngakuvuli.
Pamwenga kuti, “lipumengi chinthu chechosi cha.”
Pamwenga kuti, “wo mbakwenere.”
Pamwenga kuti, “Asani janja laku le ndi nthazi.”