Nthanthi 29:1-27

  • Mwana wakumulekere wachitiska soni (15)

  • Asani palivi chiwona, ŵanthu achita vinthu mo angakhumbiya (18)

  • Munthu yo wakwiya watambisa mphindanu (22)

  • Munthu wakujiyuyuwa wasaniya unkhankhu (23)

  • Kopa ŵanthu ntchiŵana (25)

29  Munthu yo wanonopesa khosi laki* pavuli pakuti wachenyeka mwakuwerezawereza,+Wafyokengi mwamabuchibuchi ndipu wachilengi cha.+   Asani pe ŵanthu arunji anandi, ŵanthu akondwa,Kweni asani munthu muheni ndiyu walamuliya, ŵanthu akuta.+   Munthu yo watanja zeru wakondwesa awisi,+Kweni yo watanja kwenda ndi mahuli wasakaza chuma chaki.+   Chifukwa cha urunji, fumu yichitiska kuti mucharu muje chimangu,+Kweni munthu yo wakhumba vinyeda, watichichitiska kuti chiparanyiki.   Munthu yo walumba munyaki mwakugozgaWatimuthyiya chilepa kuti malundi ngaki ngawiremu.+   Ubudi wa munthu muheni utimuthya,+Kweni munthu murunji wadaniriza mwakukondwa ndipu wasekere.+   Munthu murunji waŵanaŵaniya wanangwa wa ŵanthu akavu,+Kweni munthu muheni walivi navu ntchitu.+   Ŵanthu akujiŵikamu atotcha tawuni,+Kweni ŵanthu azeru amalisa ukali.+   Asani munthu wazeru wapindana ndi muzereza,Pajengi chiwawa ndi kunyoza, kweni pakumaliya, paŵengevi phindu lelosi.+ 10  Ŵanthu wo akhumbisiska kudira ndopa, atinkha weyosi wambula kunanga,*+Ndipu yiwu akhumba kubaya ŵanthu akunyoloka.* 11  Muzereza watuzga ukali* waki wosi,+Kweni munthu wazeru watiwuko.+ 12  Asani munthu wakulamuliya wavwisiya maboza,Ateŵeti ŵaki wosi nawu aja aheni.+ 13  Munthu mukavu kweniso yo wakandirizga anyaki, ayanana pa fundu yimoza iyi:* Yehova wapereka ukweru ku masu kwaku wosi ŵaŵi.* 14  Asani fumu yiyeruzga ŵanthu akavu mwaurunji,+Mpandu waki waufumu ujengi wakuvikilirika nyengu zosi.+ 15  Likhwechu* kweniso kuchenya vipereka zeru,+Kweni mwana yo atimulekere wachitiska soni anyina. 16  Asani ŵanthu aheni aŵa anandi, maubudi nangu ngaja nganandi,Kweni ŵanthu arunji awonengi ŵanthu aheni achiwa.+ 17  Langa mwana waku, ndipu wakuchitiskengi kuti upumuwi;Kweniso wakuchitiskengi kuti ukondwi ukongwa.+ 18  Asani palivi chiwona, ŵanthu achita vinthu mo angakhumbiya,+Kweni mbakukondwa ŵanthu wo asunga dangu.+ 19  Mteŵeti wazomera cha kuchenyeka ndi mazu pe,Pakuti chinanga wavwisa, kweni wavwiya cha.+ 20  Kumbi wamuwona munthu yo wapupuluma kulongoro?+ Muzereza we ndi chilindizga chikulu kuphara iyu.+ 21  Asani mteŵeti amuleremeka kutuliya pa unyamata waki,Kunthazi waja wambula kuwonga. 22  Munthu yo watanja kukwiya, watambisa mphindanu;+Munthu yo watanja kukalipa, wachita maubudi nganandi.+ 23  Kujikuzga kwa munthu kumuyuyuwengi,+Kweni weyosi yo ngwakujiyuyuwa mu mzimu, wasaniyengi unkhankhu.+ 24  Munthu yo wachitiya limoza vinthu ndi munkhungu watijitinkha. Iyu wangavwa kudana kuti wakapereki ukaboni,* kweni wajapu ŵaka cheti.+ 25  Kopa ŵanthu ntchiŵana,*+Kweni weyosi yo wathemba Yehova, wavikilirikengi.+ 26  Ŵanthu anandi akhumbisiska kukambiskana ndi wakulamuliya,*Kweni Yehova ndiyu watovya kuti munthu wasaniyi urunji.+ 27  Munthu murunji waseruka nayu munthu wambula urunji,+Kweni munthu muheni waseruka ndi munthu yo nthowa zaki zakunyoloka.+

Mazu Ngam'mphata

Pamwenga kuti, “walutirizga kuchita mtafu.”
Pamwenga kuti, “wambula kafukwa.”
Yapa pangafwatulikiya so kuti, “Kweni munthu wakunyoloka wapenja kuvikiliya umoyu waki.”
Mazu ngaki chayingu, “mzimu.”
Mazu ngaki chayingu, “akumana pamoza.”
Kung’anamuwa kuti, Iyu watiŵapaska umoyu.
Pamwenga kuti, “Ulongozgi; chilangu.”
Pamwenga kuti, “wangavwa kulapizga kwa kutemba.”
Pamwenga kuti, “kututhya chiŵana.”
Yapa pangafwatulikiya so kuti, “akhumbisiska kuti wakulamuliya waŵachitiyi lisungu.” Mazu ngaki chayingu, “chisku cha wakulamuliya.”