Nthanthi 28:1-28
28 Ŵanthu aheni athaŵa chinanga kuti palivi munthu yo watiŵatchimbiza,Kweni ŵanthu arunji ŵe ndi chiganga nge nkharamu.*+
2 Asani mucharu ŵanthu achita ukongwa mphulupulu,* alongozgi asinthanasinthana ŵaka pakulamuliya,+Kweni ndi chovyu cha munthu wakuwamu ndipuso wakuziŵa vinthu, mulongozgi* walamuliya kwa nyengu yitali.+
3 Munthu mukavu yo wabiya ŵanthu akusika+We nge vuwa yo yipeya chakurya chosi.
4 Wo ajowo dangu athamika munthu muheni,Kweni wo asunga dangu, akwiya nawu ukongwa.+
5 Ŵanthu aheni angawuvwisa cha urunji,Kweni wo apenja Yehova angavwisa chechosi.+
6 Munthu mukavu yo watenda mwakugomezgeka ngwamamphaKuluska munthu wakukhupuka yo nthowa zaki zachinyengu.+
7 Mwana wakuvwisa vinthu wasunga dangu,Kweni yo watenda ndi ankharyi walengesa awisi.+
8 Munthu yo wasazgiyaku chuma chaki mwakulipirisa ndalama zapachanya+ kweniso mwakuchita katapiraWawunjikiya chuma chaki munthu yo walongo lisungu akavu.+
9 Munthu yo wakana kuvwiya danguChinanga ndi pempheru laki, ndaukazuzi.+
10 Munthu yo walandizgiya munthu wakunyoloka ku nthowa yiheni, wawiyengi mumbuna yaki,+Kweni munthu yo walivi kafukwa, waharengi cho ntchamampha.+
11 Munthu wakukhupuka watijiwona kuti ngwazeru,+Kweni munthu mukavu yo ngwakuwamu, watimufufuza.+
12 Asani munthu murunji wathereska, paja unkhankhu ukulu,Kweni asani munthu muheni wayamba kulamuliya, ŵanthu athaŵa ndi kuchibisama.+
13 Munthu yo wabisa maubudi ngaki, vinthu vimuyendiyengi umampha cha,+Kweni yo watingasumuwa ndi kungaleka walongorekengi lisungu.+
14 Ngwakukondwa munthu yo waja masu nyengu zosi,*Kweni munthu yo nyengu zosi walamisa mtima waki, wawiyengi mu soka.+
15 Munthu muheni yo walamuliya ŵanthu wo alivi wakuŵawovya,We nge nkharamu yo yikoroma kweniso chinyama cha biyere cho chakwiya.+
16 Mulongozgi wambula kuwamu wagwiriskiya ntchitu uheni nthazi zaki,+Kweni munthu yo watinkha phindu lachinyengu wasazgiyengeku umoyu waki.+
17 Munthu yo wasuzgika ndi mulandu wa ndopa chifukwa chakubaya munthu munyaki, wathaŵengithaŵengi pe mpaka po wamuselere mudindi.*+
Ndipu munthu weyosi wangamuwovyanga cha.
18 Munthu yo watenda mwambula kalema wataskikengi,+Kweni yo nthowa zaki zauryarya, wawengi mwamabuchibuchi.+
19 Munthu yo walima charu chaki, waŵengi ndi chakurya chinandi,Kweni yo wapenja vinthu vambula fundu wajengi mukavu.+
20 Munthu wakugomezgeka walondiyengi vitumbiku vinandi,+Kweni yo wakhumba kukhupuka mwaliŵi, walutirizgengi cha kuja wambula mulandu.+
21 Mbumampha cha kwanjiya;+Kweni munthu wangachita chinthu chiheni chifukwa cha kachiŵandi.
22 Munthu wasanji* wakhumbisiska kukhupuka,Kweni waziŵa cha kuti ukavu umusaniyengi.
23 Weyosi yo wachenya munthu munyaki,+ wayanjikengi ukongwa pakumaliya+Kuluska munthu yo wanyengere ndi lilimi laki.
24 Weyosi yo wabiya awisi ndi anyina ndipu pavuli paki wakamba kuti, “Nkhunanga cha,”+Ndi mubwezi wa munthu yo waparanya.+
25 Munthu wambunu* watambisa mphindanu,Kweni weyosi yo wathemba Yehova, vinthu vimuyendiyengi umampha.*+
26 Weyosi yo wathemba mtima waki ndi muzereza,+Kweni yo watenda mwazeru waponengi.+
27 Weyosi yo wagaŵiyaku akavu wasoŵengi kanthu cha,+Kweni weyosi yo wasizimiya asani waŵawona watembekengi ukongwa.
28 Asani ŵanthu aheni ayamba kulamuliya, munthu wathaŵa ndi kuchibisama,Kweni asani amala, arunji aja anandi.+
Mazu Ngam'mphata
^ Pamwenga kuti, “nge nkharamu yimana.”
^ Pamwenga kuti, “agaruka.”
^ Mazu ngaki chayingu, “iyu.”
^ Pamwenga kuti, “yo waja ndi mantha nyengu zosi.”
^ Pamwenga kuti, “muzenji.”
^ Pamwenga kuti, “wambunu.”
^ Yapa pangafwatulikiya so kuti, “wakujikuzga.”
^ Mazu ngaki chayingu, “watutuŵengi.”
