Nthanthi 21:1-31
21 Mtima wa fumu we nge timisinji ta maji mujanja laku Yehova.+
Iyu watiwulongozge kwekosi ko wakhumba.+
2 Nthowa zosi za munthu ziwoneka kuti zakunyoloka kwaku iyu,+Kweni Yehova wasanda mitima.*+
3 Kuchita vinthu mwaurunji kweniso mwakunyolokaKutimukondwesa ukongwa Yehova kuluska sembi.+
4 Masu ngakujikuzga kweniso mtima wakujiŵikamuNdi nyali yo yilongozga ŵanthu aheni ndipu mbubudi.+
5 Vinthu vo munthu waphamphu waŵanaŵana vichitiska kuti vinthu viyendi umampha,+Kweni wosi wo achita vinthu mwakupupuluma akavukengi.+
6 Kusaniya chuma mwakugwiriskiya ntchitu lilimi labozaKwe nge nyankhuŵinda yo wazilimitiya, ndipu ntchiŵana chakofya.*+
7 Ŵanthu aheni apeyekengi ndi vinthu vankhaza vo yiwu achita,+Pakuti yiwu akana kuchita vinthu mwaurunji.
8 Nthowa ya munthu yo we ndi mulandu njachinyengu,Kweni vakuchita va munthu wakutowa vakunyoloka.+
9 Nkhanthu kuja pachanya pa nyumbaKuluska kuja munyumba yimoza ndi munthukazi wapamulomu.*+
10 Munthu muheni wakhumbira cho ntchiheni;+Ndipu watimulongo lisungu cha munyaki.+
11 Asani munthu wakunyoza walangika, yo waleka kuziŵa vinandi waja ndi zeru,Kweniso asani munthu wazeru walonde kuwamu, wasazgiyaku kuziŵa vinthu.*+
12 Chiuta Murunji wawonesesa nyumba ya munthu muheni;Iyu waparanya ŵanthu aheni mpaka kuŵamala.+
13 Weyosi yo wajala gutu laki kuti waleki kuvwa kuliya kwa munthu wakusikaNayu wadanengi kweni palivi yo wamumukengi.+
14 Mphasu yo yaperekeka mwachisisi yiweza ukali,+Ndipu chinyeda cho chaperekeka mwakubisa* chimalisa ukali wakofya.
15 Munthu murunji wakondwa kuchita vinthu mwaurunji,+Kweni munthu yo wachita vinthu viheni wawona kuti kuchita viyo, nkhuheni.
16 Munthu yo walanda pa nthowa yazeruWagonengi limoza ndi ŵanthu wo akufwa.+
17 Munthu yo watanja ukongwa kukondwa* wakavukengi;+Ndipu yo watanja ukongwa vinyu ndipuso mafuta wakhupukengi cha.
18 Munthu muheni waperekekengi pakuwombo munthu murunji,Ndipu munthu muryarya watolekengi mumalu mwa munthu wakunyoloka.+
19 Nkhanthu kuja muchipululuKuluska kuja ndi munthukazi wapamulomu* kweniso mukali.+
20 Chuma chakuzirwa kweniso mafuta visanirika munyumba ya munthu wazeru,+Kweni muzereza wasakaza* vo we navu.+
21 Weyosi yo wapenja urunji ndipuso chanju chambula kumalaWasaniyengi umoyu, urunji kweniso unkhankhu.+
22 Munthu wazeru wangakwera mpanda wa* tawuni ya ŵanthu anthaziNdi kuparanya nthazi zo yiwu athemba.+
23 Munthu yo wavikiliya mulomu waki kweniso lilimi lakiWatijivikiliya ku masuzgu.+
24 Munthu yo wachita chechosi mwakujikuzga wadanika kutiMunthu wakujikuzga kweniso wakujiŵikamu ukongwa.+
25 Chinthu cho munthu mulesi wakhumbira ndichu chimubayisengi,Pakuti manja ngaki ngakana kugwira ntchitu.+
26 Zuŵa losi lamphumphu wakhumbira ukongwa,Kweni munthu murunji wapereka, palivi cho wakaniriya.+
27 Sembi ya munthu muheni ntchinthu chaukazuzi.+Sonu kwe wuli asani watiyipereka ndi chilatu chiheni?*
28 Lilimi laboza limalengi,+Kweni munthu yo wavwisiya waperekengi ukaboni umamphaumampha.*
29 Munthu muheni waja ndi chisku chakukwiya,+Kweni munthu wakunyoloka ndiyu nthowa zaki zija zakugomezgeka.*+
30 Mu kususkana ndi Yehova mulivi zeru, kuwamu pamwenga ulongozgi.+
31 Hachi atiyinozgekerese zuŵa la nkhondu,+Kweni utaski utuliya kwaku Yehova.+
Mazu Ngam'mphata
^ Pamwenga kuti, “vilatu.”
^ Yapa pangafwatulikiya so kuti, “kwaku wo apenja nyifwa.”
^ Pamwenga kuti, “wakusuzga.”
^ Pamwenga kuti “waziŵa vakwenere kuchita.”
^ Mazu ngaki chayingu, “chinyeda chakutuliya muchifuŵa.”
^ Pamwenga kuti, “vinthu vakukondwesa.”
^ Pamwenga kuti, “wakusuzga.”
^ Mazu ngaki chayingu, “wameza.”
^ Pamwenga kuti, “wangathereska.”
^ Pamwenga kuti, “uku wachita jalidu lakuchitiska soni?”
^ Mazu ngaki chayingu, “walongorongi mpaka muyaya.”
^ Pamwenga kuti, “wachitiska kuti nthowa zaki zije zakugomezgeka.”
