Nthanthi 20:1-30
20 Vinyu ngwakunyoza,+ ndipu moŵa ngwakutimbanyizga;+Weyosi yo walanda ndi vakumwa venivi walivi zeru.+
2 Ukali wa fumu we nge* kukoroma kwa nkharamu,*+Ndipu weyosi yo watiyikwiyisa waŵika umoyu waki pa ngozi.+
3 Munthu watumbikika asani wakhwecha mphindanu,+Kweni munthu weyosi muzereza watambisa mphindanu.+
4 Munthu mulesi walima cha chifukwa cha kopa kuzizira,Mwaviyo, wapemphesengi pa nyengu yakuvuna asani walivi kekosi.*+
5 Maŵanaŵanu nga mumtima wa munthu nge nge* maji ngandimba,Kweni munthu wakuwamu ndiyu wanganeŵengi.
6 Ŵanthu anandi akamba kuti ŵe ndi chanju chambula kumala,Kweni kumbi ndiyani yo wangasaniya munthu wakugomezgeka?
7 Munthu murunji watenda mwakugomezgeka,+
Mbakukondwa ŵana ŵaki* wo atuza pavuli paki.+
8 Asani fumu yaja pampandu kuti yiyeruzgi,+Yisefa vinthu vosi viheni ndi masu ngaki.+
9 Ndiyani yo wangakamba kuti: “Ndatowesa mtima wangu;+Nde wakutowa, ndilivi ubudi?”+
10 Vakupimiya uzitu vachinyengu kweniso miyesu yaboza*Vosi Yehova waseruka navu.+
11 Chinanga ndi mwana* nayu waziŵika ndi vakuchita vaki,Asani nkharu yaki njakutowa kweniso njakunyoloka.+
12 Gutu lakuvwiya kweniso jisu lakuwoneVosi vikupangika ndi Yehova.+
13 Ungayanjanga tulu cha chifukwa ukavukengi.+
Jula masu ngaku ndipu ukhorwengi ndi chiŵandi.+
14 Munthu yo wagula wakamba kuti, “Ntchiheni, ntchiheni!”Pavuli paki waluta ndipu watamba kujikuzga.+
15 Pe golidi kweniso mya ya korali* yinandi,Kweni milomu yakuziŵa vinthu njakuzirwa ukongwa.+
16 To chakuvwala cha munthu asani wazomera kuti wawezengi ngongoli mumalu mwa mulendu;+Londa chikoli kwaku iyu asani wangujaliya ukaboni munthukazi wachilendu.*+
17 Chiŵandi cho chasanirika mu nthowa yachinyengu chitimunowe munthu,Kweni pakumaliya mumulomu mwaki muzazengi timya.+
18 Chifukwa cha kukambiskana,* vinthu vifiskika,*+Ndipu chita nkhondu yaku ndi ulongozgi wazeru.+
19 Munthu yo wakamba vinthu viheni vakukwaskana ndi anyaki, watendatenda ndi kuvumbuwa nkhani zachisisi;+Ndipu ungachezanga cha ndi mwendanatu.*
20 Weyosi yo watemba awisi ndi anyina,Nyali yaki yazamuzimwisika asani mdima waza.+
21 Chihara cho pakwamba chatoleka mwambunuPakumaliya chijengi chambula kutumbikika.+
22 Ungakambanga cha kuti: “Ndiweziyengi viheni!”+
Lindizga Yehova+ ndipu iyu wakutaskengi.+
23 Vakupimiya uzitu vachinyengu Yehova waseruka navu,*Ndipu sikelu zaboza zamampha cha.
24 Menderu nga munthu ngalongozgeka ndi Yehova;+Kumbi munthu wangayiziŵa wuli nthowa yaki?*
25 Munthu watijithyiya chiŵana asani wathaŵiriya kudaniriza kuti, “Ntchakupaturika!”+
Kweni pavuli paki ndipu watamba kuŵanaŵaniyapu pa vo walayizga.+
26 Fumu yazeru yisefa ŵanthu aheni+Ndipu yitendesa chingelengeli chakukhweme mbewu paku yiwu.+
27 Mvuchi wa munthu ndi nyali yaku Yehova,Ufufuza mukati mwaki mosi.
28 Chanju chambula kumala kweniso kugomezgeka vivikiliya fumu;+Ndipu mwakugwiriskiya ntchitu chanju chambula kumala yichitiska kuti mpandu waki waufumu ulutirizgi kuŵapu.+
29 Unkhankhu wa anyamata ndi nthazi zawu,+Ndipu kutowa kwa ŵanthu akukota ndi nyivu* zawu.+
30 Mabamba kweniso vilonda, vichitiska kuti munthu waleki vinthu viheni,*+Ndipu malikhwechu ngatowesa mukati mwa munthu.
Mazu Ngam'mphata
^ Pamwenga kuti, “Kofya kwa fumu kwe nge.”
^ Pamwenga kuti, “nkharamu yimana yanthazi.”
^ Yapa pangafwatulikiya so kuti, “Wapenjengipenjengi pa nyengu yakuvuna kweni wasaniyengi kekosi cha.”
^ Pamwenga kuti, “Vo mtima wa munthu ukhumba ve nge.” Mazu ngaki chayingu, “Ulongozgi wa mumtima mwa munthu we nge.”
^ Mazu ngaki chayingu, “ŵana ŵaki anthulumi.”
^ Pamwenga kuti, “Mya yiŵi yakupambana yakupimiya uzitu kweniso vinthu viŵi vakupambana vakupimiyamu vinthu.”
^ Pamwenga kuti, “mnyamata.”
^ Wonani Mazu ngo Ngakonkhoskeka.
^ Pamwenga kuti, “mulendu.”
^ Pamwenga kuti, “ulongozgi.”
^ Pamwenga kuti, “vikho.”
^ Pamwenga kuti, “yo wakopa anyaki ndi milomu yaki.”
^ Pamwenga kuti, “Mya yiŵi yakupambana yakupimiya uzitu, Yehova waseruka nayu.”
^ Pamwenga kuti, “nthowa yo watenere kwendamu?”
^ Anyaki akamba kuti, “mbuha.”
^ Pamwenga kuti, “vikwentha vinthu viheni.”
