Nthanthi 15:1-33

  • Kumuka mwakuzika kuweza ukali (1)

  • Masu ngaku Yehova nge peposi (3)

  • Pempheru la munthu wakunyoloka likondwesa Chiuta (8)

  • Vinthu vifiskika cha kwambula kukambiskana (22)

  • Muŵanaŵaniyengepu dankha mwechendamuki (28)

15  Kumuka mwakuzika kuweza ukali,+Kweni mazu ngaganyavu* ngavunduwa ukali.+   Lilimi la munthu wazeru ligwiriskiya ntchitu umampha vo liziŵa,+Kweni mulomu wa munthu muzereza utuza vinthu vakupusa.   Masu ngaku Yehova nge peposi,Ngalereska ŵanthu aheni ndi amampha.+   Lilimi lakuzika* ntchimiti cha umoyu,+Kweni mazu ngakunyongoroka ngatambisa masuzgu.*   Muzereza wayuyuwa ulongozgi wa awisi,+Kweni wakuchenje wazomera kuchenyeka.+   Munyumba ya munthu murunji mwe chuma chinandi,Kweni vo munthu muheni wasaniya, vitimudaniya masuzgu.+   Milomu ya munthu wazeru yiwandisa kuziŵa vinthu,+Kweni ve viyo cha ndi mtima wa munthu muzereza.+   Sembi ya munthu muheni yitimuseruska Yehova+Kweni pempheru la munthu wakunyoloka litimukondwesa.+   Yehova waseruka ndi nthowa ya munthu muheni,+Kweni watanja munthu yo wachita vinthu mwaurunji.+ 10  Ulongozgi uwoneka kuti nguheni* ku munthu yo waleka nthowa,+Kweni weyosi yo watinkha kuchenyeka wafwengi.+ 11  Dindi* kweniso malu ngapharanyiku* Yehova wativiwona umamphaumampha.+ Sonu kwe uli mitima ya ŵanthu!+ 12  Munthu wakunyoza watimuyanja cha munthu yo watimuchenya.+ Iyu wafumba ku munthu wazeru cha.+ 13  Mtima walikondwa uchitiska kuti chisku chikondwi,Kweni kuŵaŵa kwa mtima kutekenyuwa mzimu.+ 14  Mtima wakuvwisa vinthu upenjapenja kuziŵa vinthu,+Kweni mulomu wa munthu muzereza uturya kupusa.*+ 15  Mazuŵa ngosi nga munthu wakusuzgika ngaheni,+Kweni munthu yo we ndi mtima walikondwa* walutirizga kuchita phwandu.+ 16  Nkhanthu kuja ndi vinthu vimanavi uku utopa Yehova+Kuluska kuja ndi chuma chinandi uku ufipa mtima.*+ 17  Nkhanthu kurya mphangwi po pe chanju+Kuluska kurya ng’ombi yinthulumi yakututuŵa* po pe kutinkhana.+ 18  Munthu mukali watambisa mphindanu,+Kweni yo wakwiya liŵi cha wamalisa mphindanu.+ 19  Nthowa ya munthu mulesi ye nge mpanda wa vimiti vaminga,+Kweni nthowa ya munthu wakunyoloka ye nge msewu ukulu wakulimika umamphaumampha.+ 20  Mwana wazeru wakondwesa awisi,+Kweni munthu muzereza wayuyuwa anyina.+ 21  Uzereza utimukondwesa munthu wambula zeru,*+Kweni munthu wakuwamu watenda mwakunyoloka.+ 22  Vinthu vifiskika cha kwambula kukambiskana*Kweni vifiskika asani pe ŵanthu anandi akupereka ulongozgi.+ 23  Munthu wakondwa asani wamuka umampha,*+Ndipu mazu ngakukambika pa nyengu yakwenere ngamampha ukongwa!+ 24  Nthowa ya umoyu yitimutole pachanya munthu yo we ndi zeru,+Kuti yimuwezi pasi pa Dindi.*+ 25  Yehova wawisengi nyumba ya munthu wakujikuzga,+Kweni wasungengi mphaka ya choko.+ 26  Viŵembu vo munthu muheni wanozga vitimuseruska Yehova,+Kweni mazu ngamampha Iyu watingawona kuti ngakutowa.+ 27  Yo wasaniya phindu lachinyengu wadaniya suzgu* pa ŵanthu a munyumba yaki,+Kweni yo watinkha vinyeda walutirizgengi kuja ndi umoyu.+ 28  Mtima wa munthu murunji uŵanaŵaniyapu dankha wechendamuki,*+Kweni mulomu wa munthu muheni utuzga vinthu viheni. 29  Yehova we kutali ndi ŵanthu aheni,Kweni watuvwa pempheru la ŵanthu arunji.+ 30  Masu ngakuŵala* ngakondwesa mtima,Nkhani yamampha yipaska nthazi viwanga.*+ 31  Munthu yo wavwisiya ulongozgi wakupaska umoyu,Waja pakati pa ŵanthu azeru.+ 32  Weyosi yo wakana ulongozgi wayuyuwa umoyu waki,+Kweni yo wazomera kuchenyeka wapenja kuvwisa vinthu.*+ 33  Munthu yo watopa Yehova wasambira zeru,+Ndipu unkhankhu utuza chifukwa cha kujiyuyuwa.+

Mazu Ngam'mphata

Pamwenga kuti, “ngakuŵaŵa.”
Pamwenga kuti, “lakuchizga.”
Mazu ngaki chayingu, “ngachitiska kuti mzimu usweki.”
Pamwenga kuti, “ngwakuŵaŵa ukongwa.”
Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
Pamwenga kuti, “kweniso Abadoni.”
Pamwenga kuti, “uchita vinthu mwakupusa.”
Pamwenga kuti, “mtima wamampha.”
Pamwenga kuti, “uku utimbanyizgika.”
Mazu ngaki chayingu, “ng’ombi yinthulumi yakuliskikiya mukhola.”
Mazu ngaki chayingu, “wa mtima wambula zeru.”
Pamwenga kuti, “kwambula kukambiskana mwakufwatuka.”
Mazu ngaki chayingu, “ndi kwamuka kwakutuliya pamulomu waki.”
Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
Pamwenga kuti, “soni.”
Pamwenga kuti, “uŵanaŵaniya mwakuphwere mo ungamukiya; uŵanaŵana dankha wechendalongoro.”
Pamwenga kuti, “ngo ngalereska mwalikondwa.”
Mazu ngaki chayingu, “yitutuŵisa viwanga.”
Mazu ngaki chayingu, “mtima.”