Nthanthi 10:1-32
10 Nthanthi zaku Solomoni.+
Mwana wazeru wakondwesa awisi,+Kweni mwana muzereza wachitiska chitima anyina.
2 Chuma cho chisanirika chifukwa cha kuchita vinthu viheni chilivi phindu,Kweni urunji ndiwu utaska ku nyifwa.+
3 Yehova wamulekengi cha munthu murunji kuti waje ndi nja,+Kweni aheni waŵanolengi vo akhumbira.
4 Manja ngambula kugwira ntchitu ngachitiska kuti munthu wakavuki,+Kweni manja ngaphamphu ngachitiska kuti munthu wakhupuki.+
5 Mwana yo wachita vinthu mwazeru, wawunjika chakurya mu chihanya,Kweni mwana wakuchitiska soni wagona tulu pa nyengu yakuvuna.+
6 Vitumbiku ve pamutu wa munthu murunji,+Kweni milomu ya ŵanthu aheni yibisa nkhaza.
7 Asani ŵanthu akumbuka* munthu murunji atimutumbika,+Kweni zina la ŵanthu aheni livundengi.+
8 Munthu wa mtima wazeru wazomera kulonde ulongozgi,*+Kweni yo walongoro mwakupusa wakandikengi.+
9 Munthu yo watenda mwakugomezgeka wayendengi mwakuvikilirika,+Kweni yo nthowa zaki zauryarya wakolekengi.+
10 Yo waphayiya jisu laki mwauryarya watambisa chitima,+Ndipu yo walongoro mwakupusa wakandikengi.+
11 Mulomu wa munthu murunji ntchisimi cha umoyu,+Kweni milomu ya ŵanthu aheni yibisa nkhaza.+
12 Kutinkhana ndiku kutambisa mphindanu,Kweni chanju chibenekere maubudi ngosi.+
13 Zeru zisanirika pamilomu ya munthu wakuwamu,+Kweni likhwechu ndakukhwechuliya msana wa munthu wambula zeru.*+
14 Ŵanthu wo ŵe ndi zeru asunga kuziŵa vinthu nge chuma,+Kweni mulomu wa muzereza udana pharanyiku.+
15 Chuma cha* munthu wakukhupuka, ndi tawuni yaki ya mpanda wakukho.
Kweni akavu aparanyika chifukwa cha ukavu wawu.+
16 Vinthu vo munthu murunji wachita, vilongozge ku umoyu;Kweni vipasu va munthu muheni, vilongozge ku ubudi.+
17 Munthu yo wavwiya ulongozgi, ndi nthowa ya umoyu,*Kweni yo wakana kuchenyeka, walandizga anyaki.
18 Munthu yo wabisa kuti watinkha munyaki, walongoro boza,+Ndipu yo wawandisa nkhani ziheni zaboza* zakukwaskana ndi munthu munyaki, ndi muzereza.
19 Asani munthu walongoro mazu nganandi, wangatondeka cha kunangisa,+Kweni yo walamuliya milomu yaki, wachita vinthu mwazeru.+
20 Lilimi la munthu murunji le nge siliva wamampha,+Kweni mtima wa munthu muheni ulivi phindu.
21 Milomu ya munthu murunji yiryisa* ŵanthu anandi,+Kweni muzereza watufwa chifukwa cha kusoŵa zeru.+
22 Vitumbiku vaku Yehova ndivu vichitiska kuti munthu wakhupuki,+Ndipu Iyu wasazgiyapu urwirwi* cha.
23 Munthu muzereza wawona kuti kuchita jalidu liheni mwambula soni ndi saza ŵaka,Kweni munthu wakuwamu ndiyu waja ndi zeru.+
24 Munthu muheni vimuziyengi vo watopa;Kweni ŵanthu arunji apaskikengi vo akhumba.+
25 Asani chimphepu chajumpha, munthu muheni wasanirikengi so cha,+Kweni munthu murunji ndi fawundeshoni yamuyaya.+
26 Nge viniga* muminyu kweniso josi mumasu,Ndimu waliri munthu mulesi ku munthu yo wakumulemba ntchitu.*
27 Kopa Yehova kuchitiska kuti munthu waje ndi umoyu utali,+Kweni vyaka va ŵanthu aheni vidumulikengi.+
28 Vo ŵanthu arunji alindizga vichitiskengi* kuti akondwi,+Kweni chilindizga cha ŵanthu aheni chimalengi.+
29 Nthowa yaku Yehova ndi malu ngakuvikilirika ku munthu wambula kafukwa,+Kweni ku ŵanthu wo achita vinthu viheni ndi pharanyiku.+
30 Munthu murunji wawisikengi cha,+Kweni ŵanthu aheni azamujapu so cha pacharu chapasi.+
31 Mulomu wa munthu murunji utuzga zeru.*Kweni lilimi lakulongoro mwauryarya lidumulikengi.
32 Milomu ya munthu murunji yiziŵa cho ntchakukondwesa,Kweni milomu ya ŵanthu aheni yilongoro mwauryarya.
Mazu Ngam'mphata
^ Pamwenga kuti, “akumbuka mbiri ya.”
^ Mazu ngaki chayingu, “marangu.”
^ Mazu ngaki chayingu, “wa mtima wambula zeru.”
^ Pamwenga kuti, “Vinthu vakuzirwa va.”
^ Yapa pangafwatulikiya so kuti, “we pa nthowa yakuluta ku umoyu.”
^ Pamwenga kuti, “mphemerezu zaboza.”
^ Pamwenga kuti, “yilongozga.”
^ Pamwenga kuti, “chitima; masuzgu.”
^ Viniga ntchakumwa chakunthyanthyama cho chipangika kutuliya ku vinyu pamwenga ku vakumwa vinyaki vakuloŵeresa
^ Pamwenga kuti, “munthu yo watimutuma.”
^ Pamwenga kuti, “Chilindizga cha ŵanthu arunji chichitiskengi.”
^ Pamwenga kuti, “upasa vipasu vazeru.”
