Masalimo 99:1-9
99 Yehova waja Fumu.+ Ŵanthu atenthemi.
Iyu waja pampandu waufumu pachanya* pa akerubi.+ Charu chisukunyiki.
2 Yehova ndi mukulu mu Ziyoni,Ndipu iyu ngwapachanya kuluska ŵanthu wosi.+
3 Yiwu athamiki zina linu likulu,+Pakuti ndakuchitiska mantha kweniso ndakupaturika.
4 Iyu ndi fumu yanthazi yo yitanja urunji.+
Yimwi mwajalikiska mwakukho chinthu cho ntchakunyoloka.
Mwaza ndi cheruzgu chakunyoloka kweniso urunji+ mwaku Yakobe.
5 Kwezani Yehova Chiuta widu,+ ndipu jikamani* pachakukandapu maphazi ngaki;+Iyu ndi mtuŵa.+
6 Mozesi ndi Aroni ŵenga mu gulu la asembi ŵaki,+Ndipu Samuyeli wenga mu gulu la ŵanthu wo adaniyanga pa zina laki.+
Yiwu adananga Yehova,Ndipu iyu waŵamukanga.+
7 Iyu walongoronga nawu kutuliya muchipilala cha mtambu.+
Yiwu asunganga vikumbusu vaki kweniso dangu lo wanguŵapaska.+
8 Yimwi Yehova Chiuta widu munguŵamuka.+
Yimwi mwenga Chiuta yo waŵagowokiyanga,+Kweni munguŵalanga* chifukwa cha maubudi ngawu.+
9 Kwezani Yehova Chiuta widu+Ndipu jikamani* panthazi pa phiri laki lakupaturika,+Pakuti Yehova Chiuta widu ndi mtuŵa.+
Mazu Ngam'mphata
^ Yapa pangafwatulikiya so kuti, “pakati.”
^ Pamwenga kuti, “sopani.”
^ Mazu ngaki chayingu, “munguŵaweze.”
^ Pamwenga kuti, “sopani.”
