Masalimo 98:1-9
-
Yehova ndi Mtaski kweniso Wakweruzga wa urunji
-
Utaski waku Yehova uziŵika (2, 3)
-
Sumu.
98 Mbiyani Yehova sumu yifya,+Pakuti wachita vinthu vakuziziswa.+
Janja laki lamaryi, janja laki lakupaturika laza ndi utaski.*+
2 Yehova waziŵikisa utaski waki;+Wavumbuwa urunji waki pa masu pa mitundu.+
3 Iyu wakumbuka kulongo nyumba yaku Isirayeli chanju chaki chambula kumala kweniso kugomezgeka kwaki.+
Vigoti vosi va charu chapasi vawona utaski waku Chiuta widu.*+
4 Daniriziyani Yehova mwakukondwa yimwi mosi muja pacharu chapasi.
Sekeriyani, danirizani mwakukondwa kweniso mbani sumu zakuthamika.*+
5 Mbani sumu zakuthamika* Yehova mwakugwiriskiya ntchitu bangu,*Mwakugwiriskiya ntchitu bangu kweniso mbani sumu zakunozga.
6 Mwakugwiriskiya ntchitu mbata* kweniso sengwi,+Danirizani mwakukondwa pa masu paku Yehova yo ndi Fumu.
7 Nyanja yiwurumi limoza ndi vosi vo ve mwenimo,Charu chapasi kweniso wo aja mwenimo.
8 Misinji yimbi manja;Ndipu mapiri ngadaniriziyi limoza mwakukondwa+
9 Pa masu paku Yehova, pakuti iyu watuza* kuziyeruzga charu chapasi.
Wazamuyeruzga charu chosi mwaurunji+Kweniso wazamuyeruzga ŵanthu mwaurunji.+
Mazu Ngam'mphata
^ Pamwenga kuti, “lachitiska kuti wathereski.”
^ Pamwenga kuti, “kuthereska kwaku Chiuta widu.”
^ Pamwenga kuti, “pangani sumu.”
^ Pamwenga kuti, “Mupangiyeni sumu.”
^ Anyaki akamba kuti, “bangwi.”
^ Anyaki akamba kuti, “lipenga.”
^ Pamwenga kuti, “waza.”
