Masalimo 97:1-12
97 Yehova waja Fumu!+
Charu chapasi chisekere.+
Ndipu virwa* vosi vikondwi.+
2 Mitambu kweniso mdima ukulu vamuzunguliya;+Urunji ndi cheruzgu ndivu fawundeshoni ya mpandu waki waufumu.+
3 Motu ujumpha pa masu paki+Ndipu upiriza arwani ŵaki muvigaŵa vosi.+
4 Malimphezi ngaki ngangweruska charu;Charu chapasi chitingawona ndipu chitenthema.+
5 Mapiri ngasongonoka nge phula pa masu paku Yehova,+Pa masu pa Mbuya wa charu chosi chapasi.
6 Kuchanya kupharazga urunji waki,Ndipu ŵanthu wosi awona unkhankhu waki.+
7 Ŵanthu wosi wo ateŵete vikozgu vakusema alengeseki,+Wo atijitukumuwa chifukwa cha achiuta ŵawu ambula fundu.+
Mujikamiyeni* yimwi achiuta mosi.+
8 Ziyoni watuvwa ndipu wakondwa;+Matawuni nga ku Yuda ngasekere*Chifukwa cha vyeruzgu vinu yimwi Yehova.+
9 Pakuti yimwi Yehova ndimwi Wapachanya Limu pacharu chosi chapasi;Ndimwi wakukwezeka kuluska achiuta wosi.+
10 Yimwi mutanja Yehova, tinkhani cho ntchiheni.+
Iyu wavikiliya maumoyu nga ŵanthu ŵaki akugomezgeka;+Kweniso watiŵataska ku janja la* munthu muheni.+
11 Ukweru waŵaliya arunji+Ndipu likondwa laŵaliya wo mbakunyoloka mtima.
12 Kondwani mwaku Yehova yimwi arunji,Ndipu wongani zina laki lakupaturika.*
Mazu Ngam'mphata
^ Anyaki akamba kuti, “vilumba.”
^ Pamwenga kuti, “Musopeni.”
^ Mazu ngaki chayingu, “Ŵana anthukazi aku Yuda asekere.”
^ Pamwenga kuti, “nthazi za.”
^ Mazu ngaki chayingu, “wongani chikumbusu chaki.”
