Masalimo 92:1-15
Salimo. Sumu ya zuŵa la Sabata.
92 Ntchinthu chamampha kuwonga Yehova+Kweniso kumba sumu zakuthamika* zina linu, yimwi Wapachanya Limu,
2 Kupharazga chanju chinu chambula kumala+ ndi mlenjiKweniso kugomezgeka kwinu ndi usiku,
3 Mwakugwiriskiya ntchitu chakumbiya cha vingwi 10 kweniso chakumbiya cha vingwi vitatu,Ndipuso mwakugwiriskiya ntchitu bangu* yo watumba umampha.+
4 Mwandichitiska kuti ndisekere chifukwa cha ntchitu zinu, yimwi Yehova;Ndidaniriza mwalikondwa chifukwa cha ntchitu za manja nginu.
5 Ntchitu zinu zikulu ukongwa yimwi Yehova!+
Maŵanaŵanu nginu ngandimba ukongwa!+
6 Munthu wambula zeru wangangaziŵa cha;Ndipu muzereza wangayivwisa cha fundu iyi:+
7 Asani ŵanthu aheni abuka nge dondu*Kweniso asani ŵanthu wosi wo achita viheni abiriŵira,Achita viyo kuti aparanyiki kwamuyaya.+
8 Kweni yimwi Yehova ndimwi wakukwezeka mpaka muyaya.
9 Hinya, alereskeni mwakuderera arwani ŵinu chifukwa muŵathereskengi, yimwi Yehova,Wonani mo arwani ŵinu amaliyengi;Ŵanthu wosi wo achita vinthu viheni aparanyikengi.+
10 Kweni yimwi mukwezengi nthazi zangu kuti zije nge za* ng’ombi yinthulumi yamudondu;*Ndifewesengi khungu langu ndi mafuta ngamampha kweniso ngakusisipuwa.+
11 Masu ngangu ngawonengi arwani ŵangu achithereskeka;+Makutu ngangu ngavwengi vakukwaskana ndi kuwa kwa ŵanthu aheni wo atindiyukiya.
12 Kweni ŵanthu arunji abiriŵirengi nge chimiti cha kantchindiKweniso akuwengi ukongwa nge chimiti cha sidara* cha ku Lebanoni.+
13 Yiwu akupandika munyumba yaku Yehova;Abiriŵira mumabalaza ngaku Chiuta widu.+
14 Chinanga angakota,* vinthu vilutirizgengi kuŵayende umampha;+Alutirizgengi kuja anthazi* kweniso akubiriŵira,+
15 Achipharazga kuti Yehova ngwakunyoloka.
Iyu ndi Jalawi langu,+ ndipu mwaku iyu mulivi chinthu chechosi chambula urunji.
Mazu Ngam'mphata
^ Pamwenga kuti, “kulipangiya sumu.”
^ Anyaki akamba kuti, “bangwi.”
^ Pamwenga kuti, “uteka.”
^ Mazu ngaki chayingu, “sengwi langu kuti lije nge la.”
^ Wonani Mazu ngo Ngakonkhoskeka.
^ Vimiti ivi viyananaku ndi vimiti va payina ndipu kali vasanirikanga ukongwa ku Lebanoni.
^ Pamwenga kuti, “angachita nyivu.” Anyaki akamba kuti, “mbuha.”
^ Mazu ngaki chayingu, “kututuŵa.”
