Masalimo 9:1-20
Kwaku yo walongozga sumu; pa Muti-labeni.* Sumu yaku Davidi.
א [Aleph]
9 Ndikuthamikeningi yimwi Yehova ndi mtima wangu wosi;Ndikambengi vakukwaskana ndi ntchitu zinu zakuziziswa.+
2 Ndikondwengi ndipuso ndizayengi mwaku yimwi;Ndimbengi sumu zakuthamika zina linu,* yimwi Wapachanya Limu.+
ב [Beth]
3 Asani arwani ŵangu awelere,+Aguŵengi kweniso amalengi pa masu pinu.
4 Pakuti yimwi muvikiliya urunji wangu;Muja pampandu winu waufumu ndi kuyeruzga mwaurunji.+
ג [Gimel]
5 Yimwi mwachenya mitundu ya ŵanthu+ ndipu mwaparanya ŵanthu aheni,Mwasisita zina lawu muyaya mpaka muyaya.
6 Murwani mwamuparanya mpaka muyaya;Matawuni ngawu mwangachesuwa,Ndipu akumbukikengi so cha.+
ה [He]
7 Kweni Yehova wajengi pampandu waufumu mpaka muyaya;+Iyu wajalikiska mpandu waki waufumu kuti wayeruzgi mwaurunji.+
8 Iyu wayeruzgengi charu mwaurunji;+Kweniso waperekengi cheruzgu chaurunji ku mitundu ya ŵanthu.+
ו [Waw]
9 Yehova wajengi malu ngakuthaŵiyaku ngakuvikilirika* ku ŵanthu akukandirizgika,+Malu ngakuthaŵiyaku ngakuvikilirika pa nyengu ya masuzgu.+
10 Ŵanthu wo aziŵa zina linu azakukuthembani;+Yimwi Yehova, mwazakuŵajowo cha ŵanthu wo atikupenjani.+
ז [Zayin]
11 Mbani sumu zakuthamika Yehova, yo waja ku Ziyoni;Ziŵisani ŵanthu ntchitu zaki.+
12 Pakuti Yo waweze ndopa zawu watiŵakumbuka;+Iyu waluwengi cha kuliya kwa ŵanthu akukandirizgika.+
ח [Heth]
13 Ndichitiyeni lisungu yimwi Yehova; wonani mo ŵanthu wo atinditinkha atindisuzgiya,Yimwi yo mutindisoska kuti ndituwi mumageti nga nyifwa.+
14 Kuti ndipharazgi ntchitu zinu zapachanya pamageti nga mwana munthukazi wa ku Ziyoni,+Ndi kukondwa mu ntchitu zinu za utaski.+
ט [Teth]
15 Mitundu ya ŵanthu yabira mumbuna yo yingukumba;Malundi ngawu ngawira muchilepa cho yingubisa.+
16 Yehova waziŵika chifukwa cha cheruzgu cho wapereka.+
Munthu muheni wawira mu ntchitu za manja ngaki.+
Higayoni.* (Selah)
י [Yod]
17 Ŵanthu aheni aweleriyengi ndi kulazgiya ku Dindi,*Kweniso mitundu yosi yo yikumuluwa Chiuta.
18 Kweni ŵanthu akavu aluwikengi cha nyengu zosi;+Ndipu chinanga ntchilindizga cha ŵanthu akufwasa, chimalengi cha.+
כ [Kaph]
19 Sokani yimwi Yehova! Mungazomerezanga cha kuti munthu wapundi.Mitundu ya ŵanthu yiyeruzgiki pa masu pinu.+
20 Achitiskeni mantha yimwi Yehova,+Chitiskani kuti mitundu yiziŵi kuti yiwu mbanthu ŵaka. (Selah)
Mazu Ngam'mphata
^ Wonani Mazu ngo Ngakonkhoskeka.
^ Pamwenga kuti, “Zina linu ndilipangiyengi sumu.”
^ Pamwenga kuti, “malu ngapachanya ngakuvikilirika.”
^ Wonani Mazu ngo Ngakonkhoskeka.
^ Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
