Masalimo 89:1-52
Masikili.* Sumu yaku Etani+ wa mu banja laku Zera.
89 Ndimbengi kwamuyaya vakukwaskana ndi chanju chambula kumala chaku Yehova.
Mwakugwiriskiya ntchitu mulomu wangu, ndiziŵisengi migonezi yosi vakukwaskana ndi kugomezgeka kwinu.
2 Pakuti ndakamba kuti: “Chanju chambula kumala chijalikiskikengi* mpaka muyaya,+Ndipu kugomezgeka kwinu mwakujalikiska mwakukho kuchanya.”
3 “Ndachita phanganu ndi wakusankhika wangu;+Ndalapizgiya mteŵeti wangu Davidi kuti:+
4 ‘Mphapu*+ yaku ndiyijalikiskengi mwakukho mpaka muyaya,Ndipu mpandu waku waufumu ndiwujalikiskengi mwakukho mpaka ku migonezi yosi.’”+ (Selah)
5 Yimwi Yehova, kuchanya kuthamika ntchitu zinu zakuziziswa,Hinya, kugomezgeka kwinu mu mpingu wa akupaturika.
6 Kumbi ndiyani kuchanya yo wangayanana ndi Yehova?+
Ndiyani pakati pa ŵana aku Chiuta yo+ we nge Yehova?
7 Chiuta watopeka pakati pa* akupaturika;+Iyu ndi mukulu kweniso ngwakuchitiska mantha kwaku wosi wo amuzunguliya.+
8 Yimwi Yehova Chiuta wa mizinda,Ndiyani yo we ndi nthazi nge yimwi, yimwi Ya?+
Kugomezgeka kwinu kutikuzunguliyani.+
9 Mulamuliya nyanja yo yayuka;+Asani mayiŵa ngaki ngatoloma, yimwi mutingachetamisa.+
10 Rahabi mwamuphwanya+ nge munthu yo wabayika.+
Mwambininiska arwani ŵinu ndi janja linu lanthazi.+
11 Kuchanya nkhwinu, ndipu charu chapasi nachu ntchinu;+Yimwi mukupanga charu ndi vosi vo ve mwenimo.+
12 Mukulenga kunkhondi* ndi kumwera;Phiri la Tabori+ ndi Phiri la Herimoni,+ ngosi ngathamika zina linu mwakukondwa.
13 Janja linu ndanthazi;+Janja linu ndanthazi ukongwa;+Janja linu lamaryi ndakukwezeka.+
14 Urunji ndi cheruzgu ndivu fawundeshoni ya mpandu winu waufumu;+Chanju chambula kumala ndipuso kugomezgeka vituma pa masu pinu.+
15 Mbakukondwa ŵanthu wo aziŵa kudaniriza kwa likondwa.+
Yiwu atenda mu ukweru wa chisku chinu, yimwi Yehova.
16 Akondwa mu zina linu zuŵa losi lamphumphu,Ndipu asekere mu urunji winu.
17 Pakuti yimwi ndimwi unkhankhu wanthazi zawu,+Ndipu chifukwa cha kuzomereza kwinu, nthazi zidu zikwezeka.*+
18 Chishangu chidu ntchaku Yehova,Fumu yidu nja Mtuŵa waku Isirayeli.+
19 Pa nyengu yeniyo, mungulongoro ndi ŵanthu ŵinu akugomezgeka mu chiwona ndipu munguti:
“Ndapereka nthazi ku munthu wanthazi;+Ndakweza munthu yo ndasankha kutuliya pakati pa ŵanthu.+
20 Ndasaniya mteŵeti wangu Davidi;+Ndipu ndamusankha mwa kumupunguliya mafuta ngangu ngakupaturika.+
21 Janja langu limuwovyengi,+Ndipu janja langu limupaskengi nthazi.
22 Palivi murwani yo walondengi msonkhu kwaku iyu,Kweniso palivi munthu wambula urunji yo wamukandirizgengi.+
23 Ndiphwanyengi arwani ŵaki pa masu paki ndipu ajengi mavikita+Ndipuso ndibayengi wo atimutinkha.+
24 Kugomezgeka kwangu ndi chanju changu chambula kumala ve ndi iyu,+Ndipu nthazi zaki zikwezekengi* mu zina langu.
25 Nyanja ndiyiŵikengi pasi pa janja laki*Kweniso misinji ndiyiŵikengi pasi pa janja laki lamaryi.+
26 Iyu wandidanengi kuti: ‘Ndimwi Ada ŵangu,Chiuta wangu kweniso Jalawi la utaski wangu.’+
27 Ndipu iyu ndimuŵikengi kuja nge mwana wakwamba,+Wapachanya ukongwa pa mafumu ngosi nga pacharu chapasi.+
28 Ndilutirizgengi kumulongo chanju changu chambula kumala mpaka muyaya,+Ndipu phanganu langu ndi iyu limalengi cha.+
29 Mphapu* yaki ndiyijalikiskengi mpaka muyayaNdipu ndichitiskengi kuti mpandu waki waufumu ulutirizgi kuŵapu nge kuchanya.+
30 Asani ŵana ŵaki alijowongi dangu languKweniso asani alekengi kwenda mwakukoliyana ndi vo ndikulamula,*
31 Asani alekengi kulondo marangu nganguNdipuso kusunga ulongozgi wangu,
32 Ndiŵalangengi mwakugwiriskiya ntchitu likhwechu chifukwa cha kuleka kuvwiya* kwawu+Kweniso ndiŵakhwechuwengi chifukwa cha ubudi wawu.
33 Kweni ndilekengi cha kumulongo chanju changu chambula kumala+Ndipuso nditondekengi cha kufiska layizgu langu.*
34 Ndiswengi cha phanganu langu+Pamwenga kusintha vo milomu yangu yakamba.+
35 Ndalapizga kamoza mu kupaturika kwangu;Davidi ndimupusikengi cha.+
36 Mphapu* yaki yijengi mpaka muyaya;+Ndipu mpandu waki waufumu ujaliriyengi mpaka muyaya pa masu pangu nge lumwi.+
37 Ujalikiskikengi mwakukho mpaka muyaya nge mweziNge kaboni wakugomezgeka kuchanya.” (Selah)
38 Kweni yimwi mwamujowo ndipu mwamukana;+Mwamukwiyiya wakusankhika winu.
39 Mwakana phanganu lo munguchita ndi mteŵeti winu;Mwafipiska chisoti chaki chaufumu mwa kuchitaya pasi.
40 Vimati vaki vosi va mya mwaviwisiya* pasi;Mipanda yaki yakukho mwayisambusa mahami.
41 Wosi wo ajumpha nthowa, ato vinthu vaki;Wo aja nayu pafupi atimunyoza.+
42 Mwachitiska kuti arwani ŵaki athereski;*+Ndipu arwani ŵaki wosi mwaŵachitiska kuti akondwi.
43 Lipanga laki mwaliweze kuvuli,Ndipu mwamuchitiska kuti waleki kuthereska ku nkhondu.
44 Yimwi mwamalisa unkhankhu wakiNdipu mpandu waki waufumu mwawuwisiya pasi.
45 Mazuŵa nga unyamata waki mwangadumuwa;Ndipu mwamuvwalika soni. (Selah)
46 Yimwi Yehova, kumbi mujibisengi mpaka zuŵanji? Mpaka muyaya?+
Kumbi ukali winu ulutirizgengi kukole nge motu?
47 Kumbukani kuti umoyu wangu ngufupi!+
Kumbi ŵanthu wosi mukuŵalenga kwambula chilatu?
48 Kumbi ndi munthu nuyu yo wangalutirizga kuja ndi umoyu kwambula kufwa?+
Kumbi wangajitaska ku nthazi ya Dindi?* (Selah)
49 Yimwi Yehova, kumbi ze pani ntchitu zinu zakali zakulongo chanju chambula kumala,Zo mungulapizgiya Davidi mu kugomezgeka kwinu?+
50 Yimwi Yehova, kumbukani mo ŵanthu anyoze ateŵeti ŵinu;Kumbukani mo ndikunthiyapu* mazu ngakunyoza nga ŵanthu wosi;
51 Kumbukani mo arwani ŵinu anyoze, yimwi Yehova;Kumbukani mo anyoze chechosi cho wakusankhika winu wachita.
52 Yehova wathamikiki kwamuyaya. Ame, Ame.+
Mazu Ngam'mphata
^ Wonani Mazu ngo Ngakonkhoskeka.
^ Pamwenga kuti, “chikunthiyengepu.”
^ Mazu ngaki chayingu, “mbewu.”
^ Pamwenga kuti, “mu unganu wa.”
^ Anyaki akamba kuti, “kumpotu.”
^ Mazu ngaki chayingu, “sengwi lidu likwezeka.”
^ Mazu ngaki chayingu, “sengwi laki likwezekengi.”
^ Pamwenga kuti, “mazaza ngaki.”
^ Mazu ngaki chayingu, “Mbewu.”
^ Pamwenga kuti, “ndi vyeruzgu.”
^ Pamwenga kuti, “kugaruka.”
^ Mazu ngaki chayingu, “Pamwenga kuchita mwakususkana ndi kugomezgeka kwangu.”
^ Mazu ngaki chayingu, “Mbewu.”
^ Pamwenga kuti, “Nyumba zaki zosi za mya mwaziwisiya.”
^ Mazu ngaki chayingu, “Mwasoske muchanya janja lamaryi la arwani ŵaki.”
^ Mazu ngaki chayingu, “janja la Shelo,” kung’anamuwa masanu nga ŵanthu wosi. Wonani Mazu ngo Ngakonkhoskeka.
^ Mazu ngaki chayingu, “mo ndinyamuliya pa chifuŵa changu.”
