Masalimo 88:1-18

  • Pempheru lakupempha kuti waleki kufwa

    • “Umoyu wangu waja kamanavi kusikiya mu Dindi” (3)

    • ‘Mlenji wewosi ndipemphera kwaku yimwi’ (13)

Sumu. Salimo la ŵana aku Kora.+ Kwaku yo walongozga sumu. Sumu iyi yimbiki mwa Mahalati* kweniso yimbiki mwakulondeliyana. Masikili* yaku Hemani+ wa mu banja laku Zera. 88  Yimwi Yehova Chiuta wa utaski wangu,+Ndi msana ndiliya,Ndipu ndi usiku ndituza pa masu pinu.+   Pempheru langu lifiki kwaku yimwi,+Khazaniku gutu linu ku* kuliya kwangu kwakupempha chovyu.+   Pakuti umoyu wangu wazaza ndi masoka,+Ndipu umoyu wangu waja kamanavi kusikiya mu Dindi.*+   Ŵanthu ayamba kali kundiŵerenge pa gulu la ŵanthu wo asikiya kuzenji;*+Ndasambuka munthu yo walivi wakumuwovya,*+   Ndajowoleka pakati pa ŵanthu akufwaNge munthu wakubayika yo we mudindi,Munthu yo yimwi mutimukumbuka so chaKweniso yo yimwi mutimuphwere so cha.*   Mwandiŵika muzenji litali,Mumalu ngamdima, muchizenji chikulu.   Ukali winu nguzitu paku ini,+Ndipu mutindimala nthazi ndi mayiŵa nginu ngakofya. (Selah)   Ŵanthu wo ndiziŵana nawu mwaŵadikisiya kutali ndi ini;+Mwandisambusa chinthu cha unyakazi kwaku yiwu. Ndawira ndipu ndingathaŵa cha.   Jisu langu lavuka chifukwa cha masuzgu ngangu.+ Yimwi Yehova, nditikudanani zuŵa losi lamphumphu;+Nditambasuliya manja ngangu kwaku yimwi. 10  Kumbi muŵachitiyengi vakuziziswa ŵanthu akufwa? Kumbi akufwa angasoka kuti akuthamikeni?+ (Selah) 11  Kumbi chanju chinu chambula kumala chipharazgikengi mudindi,Pamwenga kugomezgeka kwinu kupharazgikengi mumalu ngapharanyiku?* 12  Kumbi ntchitu zinu zakuziziswa ziziŵikengi mu mdimaPamwenga kumbi urunji winu uziŵikengi kumayiyi?+ 13  Kweni ndeche kukuliriyani kuti mundiwovyi yimwi Yehova,+Mlenji wewosi pempheru langu lituza pa masu pinu.+ 14  Ntchifukwa wuli mutindikana yimwi Yehova?+ Ntchifukwa wuli mutindibisa chisku chinu?+ 15  Kutuliya pa unyamata wangu,Ndikumana ndi masuzgu ndipu ndija kamanavi kufwa;+Ndachita zazi chifukwa cha vinthu viheni vo mwazomereza kuti vindichitikiyi. 16  Ukali winu wakukole utindimala nthazi;+Ndipu ndimala chifukwa cha vinthu vinu vakofya. 17  Yiwu atindizunguliya nge maji zuŵa losi lamphumphu;Atindiwumbiliya kutuliya kuvigaŵa vosi.* 18  Abwezi ŵangu kweniso anyangu, mwaŵadikisiya kutali ndi ini;+ Mdima ndiwu wasambuka munyangu.

Mazu Ngam'mphata

Pamwenga kuti, “Sindamani ndipu vwisiyani.”
Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
Pamwenga kuti, “kudindi.”
Pamwenga kuti, “Nde nge munthu yo walivi nthazi.”
Mazu ngaki chayingu, “yo watuzgikaku ku janja linu.”
Pamwenga kuti, “mu Abadoni.”
Yapa pangafwatulikiya so kuti, “wosi pa nyengu yimoza.”