Masalimo 85:1-13
Kwaku yo walongozga sumu. Sumu ya ŵana aku Kora.+
85 Yimwi Yehova, mwachilongo lisungu charu chinu;+Ŵana aku Yakobe wo angutoleke ku ukapolu mwaŵawezaku.+
2 Ŵanthu ŵinu mwaŵagowoke mphulupulu zawu;Mwaŵagowoke* maubudi ngawu ngosi.+ (Selah)
3 Munguwezaku ukali winu wosi;Mungutuwaku ku ukali winu wakukole.+
4 Yimwi Chiuta wa utaski widu, tiweziyeni pakali,*Ndipu lekani kutikwiyiya.+
5 Kumbi mutikwiyiyengi mpaka muyaya?+
Kumbi musungengi ukali winu kutuwa mugonezi mpaka mugonezi?
6 Kumbi mutisisipuwengi so chaKuti ŵanthu ŵinu akondwi mwaku yimwi?+
7 Tilongoni chanju chinu chambula kumala yimwi Yehova,+Kweniso tipaskeni utaski winu.
8 Ndivwisiyengi vo Yehova Chiuta wauneneska wakamba,Pakuti walongorongi vakukwaskana ndi chimangu ku ŵanthu ŵaki,+ ku ŵanthu ŵaki akugomezgeka,Kweni yiwu aleki kwamba so kujithemba ukongwa.+
9 Nadi utaski waki we pafupi ndi ŵanthu wo atimuwopa,+Kuti unkhankhu waki uje mucharu chidu.
10 Chanju chambula kumala kweniso kugomezgeka vikumanengi;Urunji kweniso chimangu vifyofyonthanengi.+
11 Kugomezgeka kubukengi kutuliya mucharu,Ndipu urunji ulereskengi pasi kutuliya kuchanya.+
12 Hinya, Yehova waperekengi cho ntchamampha,+Ndipu charu chidu chipasengi vipasu vaki.+
13 Urunji uyendengi pa masu paki+Ndipu upangiyengi nthowa maphazi ngaku Chiuta.
