Masalimo 84:1-12
Kwaku yo walongozga sumu; pa Gititi.* Sumu ya ŵana aku Kora.+
84 Chihema chinu chikulu ntchakunozga* ukongwa,+Yimwi Yehova wa mizinda!
2 Umoyu wangu wosi ukhumbira,Hinya ndazinduka chifukwa cha kukhumbisiska,Mabalaza ngaku Yehova.+
Mtima wangu ndi mnofu wangu vidaniriziya Chiuta wamoyu mwalikondwa.
3 Chinanga ntchiyuni chisaniya malu ngakuja kwenikoNdipu kaŵeruŵeru watijizenge chizimbu,Cho waphweriyamu ŵana ŵaki,Pafupi ndi guŵa linu likulu la sembi, yimwi Yehova wa mizinda,Fumu yangu ndipuso Chiuta wangu!
4 Mbakukondwa ŵanthu wo aja munyumba yinu!+
Yiwu alutirizga kukuthamikani.+ (Selah)
5 Mbakukondwa ŵanthu wo asaniya nthazi mwaku yimwi,+Wo mitima yawu njakujalikiskika pamisewu yikuluyikulu.
6 Asani ajumpha mu Dambu la Baka,*Atilisambusa kuti lije malu nga akasupi;Ndipu vuwa ya chizimwalufya yitilivwalika* vitumbiku.
7 Alutirizgengi kwenda, ndipu nthazi zimalengi cha;+Weyosi wawoneke pa masu paku Chiuta ku Ziyoni.
8 Yimwi Yehova Chiuta wa mizinda, vwani pempheru langu;Vwisiyani yimwi Chiuta waku Yakobe. (Selah)
9 Wonani, yimwi chishangu chidu+ kweniso Chiuta widu,*Lereskani chisku cha wakusankhika winu.+
10 Pakuti kuja zuŵa limoza mumabalaza nginu nkhwamampha ukongwa kuluska kuja mazuŵa 1,000 kumalu nganyaki!+
Ndasankha kuma pakhomu la nyumba yaku Chiuta wanguMumalu mwakuja mumahema nga ŵanthu aheni.
11 Pakuti Yehova Chiuta ndi lumwi+ kweniso ntchishangu;+Iyu wachitiya lisungu kweniso wapereka unkhankhu.
Yehova waŵanolengi cha chinthu chechosi chamamphaŴanthu wo atenda mwakugomezgeka.+
12 Yimwi Yehova wa mizinda,Ngwakukondwa munthu yo watikuthembani.+
Mazu Ngam'mphata
^ Wonani Mazu ngo Ngakonkhoskeka.
^ Pamwenga kuti, “chitanjika.”
^ Pamwenga kuti, “dambu la vivwati va baka.”
^ Yapa pangafwatulikiya so kuti, “Ndipu msambizi watijikulunga.”
^ Yapa pangafwatulikiya so kuti, “Yimwi Chiuta, lereskani chishangu chidu.”
