Masalimo 78:1-72
-
Chiuta waphweriyanga Ayisirayeli kweni yiwu ŵengavi chivwanu
Masikili.* Sumu yaku Asafu.+
78 Mwaŵanthu ŵangu, vwisiyani dangu langu;*Thyani gutu linu kuti muvwisiyi mazu ngakutuliya mumulomu mwangu.
2 Ndijulengi mulomu wangu ndipu ndilongorongi nthanthi.
Ndikambengi vindapi vakali ukongwa.+
3 Vinthu vo tikuvwa ndipuso vo tiziŵa,Vo awusefwi angutikonkhoske,+
4 Tiŵabisiyengi cha ŵana ŵidu;Tikonkhoskiyengi mugonezi wo utuza+Ntchitu zakuthamikika zaku Yehova kweniso nthazi zaki,+Vinthu vakuziziswa vo wakuchita.+
5 Iyu wakujalikiska chikumbusu mwaku YakobeNdipuso wakuŵika dangu mu Isirayeli;Wakulamula apapi ŵidu akaliKuti aziŵisi ŵana ŵawu vinthu venivi,+
6 Ndi chilatu chakuti mugonezi wo utuza,Ŵana wo ŵechendaweku, aviziŵi.+
Ndipu pavuli paki, nawu azikambiyi ŵana ŵawu.+
7 Mwaviyo, ŵana ŵenaŵa agomezgengi Chiuta.
Ntchitu zaku Chiuta aziluwengi cha+Kweni asungengi marangu ngaki.+
8 Ndipu yiwu apambanengi ndi apapi ŵawu akali,Wo ŵenga mugonezi wamtafu kweniso wakugaruka,+Mugonezi wo mtima waki wajalikiskikanga cha*+Kweniso wo mzimu waki wenga wakugomezgeka cha kwaku Chiuta.
9 Ŵanthu a fuku laku Efurayemu angupinga mauta,Kweni anguthaŵa pa zuŵa la nkhondu.
10 Yiwu angusunga cha phanganu laku Chiuta+Kweniso angukana kwenda mu dangu laki.+
11 Ndipuso anguluwa vo iyu wanguchita,+Ntchitu zaki zakuziziswa zo wanguŵalongo.+
12 Iyu wanguchita vinthu vakuziziswa pa masu pa apapi ŵawu akali,+Mucharu cha Ijipiti, muchigaŵa cha Zowani.+
13 Iyu wangugaŵa nyanja kuti yiwu ajumphi,Ndipu wanguchitiska kuti maji ngami nge chimati.+
14 Ndi msana waŵalongozganga mwakugwiriskiya ntchitu mtambuNdipu ndi usiku wosi waŵalongozganga mwakugwiriskiya ntchitu ukweru wa motu.+
15 Iyu wanguswa mya muchipululu,Yiwu angumwa maji mpaka nyota kumala nge kuti atumwa pamaji ngandimba.+
16 Wangutuzga timisinji pajalawiNdipu wanguchitiska kuti maji ngayendi nge misinji.+
17 Kweni yiwu angulutirizga kumubudiyaMwakugarukiya Wapachanya Limu muchipalamba;+
18 Anguyukiya* Chiuta mumitima yawu+Mwakulamula kuti waŵapaski chakurya cho mitima yawu yingukhumba.
19 Mwaviyo, angulongoro vinthu vakususkana ndi Chiuta,Yiwu anguti: “Kumbi Chiuta wangatipaska chakurya* muchipululu?”+
20 Wonani! Iyu wangupuma mwaMwakuti maji ngangutuwa ndipu timisinji tinguzaza.+“Kumbi wangatipaska so chakurya,Pamwenga kumbi wangapereka nyama ku ŵanthu ŵaki?”+
21 Yehova wati wavwa venivi wangukwiya;+Motu+ ungukole paku Yakobe,Ndipu ukali waki ungukole paku Isirayeli,+
22 Chifukwa chakuti ŵengavi chivwanu mwaku Chiuta;+Yiwu angumugomezga cha kuti wangaŵataska.
23 Mwaviyo wangulamula mitambu yakuchanya,Ndipu wangujula visasa vakuchanya.
24 Wangulutirizga kuŵakhutuliya mana kuti aryi;Iyu wanguŵapaska chakurya cha kuchanya.+
25 Ŵanthu angurya chiŵandi cha anthazi;*+Iyu wanguŵapaska chakurya chinandi kuti aguti.+
26 Wanguvunduwa mphepu ya kuvuma* kuchanyaNdipu wanguputiska mphepu ya kumwera mwakugwiriskiya ntchitu nthazi zaki.+
27 Wanguŵawisiya nyama yinandi nge fuvu,Viyuni vinandi nge mchenga wa mumphepeti mwa nyanja.
28 Wanguviwisiya mukati mwamsasa waki,Kuzunguliya mahema ngaki.
29 Ndipu yiwu angurya mpaka kuguta ukongwa;Iyu wanguŵapaska vo akhumbanga.+
30 Kweni yiwu ŵechendakhorwi,Chakurya chawu cheche mumulomu,
31 Ukali waku Chiuta ungukole paku yiwu.+
Iyu wangubaya anthulumi ŵawu anthazi;+Wanguwisiya pasi anyamata a ku Isirayeli.
32 Chinanga kuti wanguchita vosi ivi, yiwu angulutirizga mbwenu kubuda+Ndipu anguzigomezga cha ntchitu zaki zakuziziswa.+
33 Mwaviyo, wanguchitiska kuti mazuŵa ngawu ngamali nge mvuchi,+Kweniso kuti vyaka vawu vimali mwakugwiriskiya ntchitu soka lamabuchibuchi.
34 Kweni nyengu zosi asani wayamba kuŵabaya amupenjanga;+Yiwu aweleriyanga ndi kwamba kupenjapenja Chiuta,
35 Akumbukanga kuti Chiuta ndiyu Jalawi lawu+Kweniso kuti Chiuta Wapachanya Limu ndiyu Wakuŵawombo.*+
36 Kweni yiwu anguyesa kumupusisa ndi milomu yawuKweniso angumupusika ndi malilimi ngawu.
37 Mtima wawu wenga wakujalikiskika cha kwaku iyu;+Kweniso ŵenga ambula kugomezgeka ku phanganu laki.+
38 Kweni iyu wenga walisungu;+Waŵagowokiyanga* ubudi wawu ndipu waŵananganga cha.+
Kaŵikaŵi iyu wawezangaku ukali waki,+Mumalu mwa kutuzga ukali waki wosi.
39 Pakuti iyu wakumbukanga kuti yiwu ndi mnofu,+Kweniso mphepu yo yiputa ndipu yiwelere cha.*
40 Yiwu amugarukiyanga kaŵikaŵi muchipululu+Kweniso amuguŵiskanga muchipalamba!+
41 Yiwu amuyesanga mwakuwerezawereza Chiuta,+Ndipu Mtuŵa waku Isirayeli angumuchitiska chitima.*
42 Nthazi zaki anguzikumbuka* cha,Pa zuŵa lo wanguŵataska* ku murwani,+
43 Mo wangulongore visimikizu vaki mu Ijipiti+Kweniso vakuziziswa vaki muchigaŵa cha Zowani,
44 Ndipuso mo wangusambusiya migelu ya Nayelu kuja ndopa+Kuti yiwu aleki kumwa maji mutimisinji taki.
45 Iyu wangutumiza viphanga vinandi kuti viŵalumi ndi kuŵasuzga+Kweniso amuchuwa kuti aŵanangi.+
46 Mbewu zawu wanguzipereka kwa azombi akuteketa,Kweniso vipasu va ntchitu yawu wanguvipereka kwa azombi anandi.+
47 Wangunanga mphereska zawu ndi vuwa ya matalala+Kweniso vimiti vawu va mkuyu ndi mya ya matalala.
48 Nyama zawu zakunyamuwa katundu wanguzipereka ku vuwa ya matalala+Ndipu viŵetu vawu wanguvipereka ku malimphezi.*
49 Iyu wanguŵawisiya ukali waki wakukole,Kutoloma, kukalipa ndipuso masuzgu,Wanguŵatumiziya so magulu nga angelu ngo ngazanga ndi masoka.
50 Ukali waki wanguwunozge nthowa.
Wanguŵataska cha ku nyifwa;Ndipuso wanguŵapereka* ku milili.
51 Pakumaliya wangubaya ŵana akwamba wosi a ku Ijipiti,+Wo ŵenga chiyambi cha nthazi zawu zakubala mumahema ngaku Hamu.
52 Pavuli paki, wangutuzga ŵanthu ŵaki nge mskambu+Wanguŵalongozga nge gulu muchipululu.
53 Wanguŵalongozga kweniso wanguŵavikiliya,Ndipu yiwu anguchita mantha cha;+Nyanja yingubenekere arwani ŵawu.+
54 Pavuli paki wanguza nawu kuchigaŵa chaki chakupaturika,+Chigaŵa ichi chamapiri cho janja laki lamaryi likuchito.+
55 Wangudikisa mitundu pa masu pawu;+Wanguŵagaŵiya chihara mwakugwiriskiya ntchitu chingwi chakupimiya;+Ndipu mafuku ngaku Isirayeli wangungajalika munyumba zawu.+
56 Kweni yiwu angulutirizga kuyukiya* Chiuta Wapachanya Limu kweniso kumugarukiya;+Anguŵikaku maŵanaŵanu cha ku vikumbusu vaki.+
57 Yiwu anguwelere kweniso ŵenga achinyengu nge apapi ŵawu akali.+
Ŵenga ambula kuthembeka nge uta wakulepuka.+
58 Angulutirizga kumukwiyisa mumalu ngawu ngapachanya,+Ndipu angumuchitiska kuti wakalipi* chifukwa cha vikozgu vawu vakujoba.+
59 Chiuta wanguvwa ndipu wangukwiya,+Mwaviyo wangumukaniya limu Isirayeli.
60 Pakumaliya, wangujowo chihema cha ku Shilo,+Hema lo wajangamu pakati pa ŵanthu.+
61 Wanguzomereza kuti chisimikizu cha nthazi zaki chiluti ku ukapolu;Kweniso kuti unkhankhu waki uluti ku janja la murwani.+
62 Iyu wangupereka ŵanthu ŵaki ku lipanga+Ndipu chihara chaki wanguchikwiyiya.
63 Motu ungupiriza anyamata ŵaki,Ndipu amwali ŵaki anguŵambiyapu cha sumu za zowala.*
64 Asembi ŵaki angubayika ndi lipanga,+Ndipu vyoko vawu vinguliya cha.+
65 Pavuli paki, Yehova wanguyuka nge kuti wayuka ku tulu,+Nge munthu wanthazi+ yo wayuka asani vinyu wamala mumutu.
66 Ndipu wanguweze kuvuli arwani ŵaki;+Kweniso wanguŵachitiska soni zambula kumala.
67 Iyu wangukana hema laku Yosefi;Kweniso fuku laku Efurayemu wangulisankha cha.
68 Kweni wangusankha fuku laku Yuda,+Phiri la Ziyoni lo iyu watanja.+
69 Wanguchitiska kuti malu ngaki ngakupaturika ngaje mpaka muyaya nge kuchanya,*+Kweniso nge charu chapasi cho wakuchijalikiska mpaka muyaya.+
70 Wangusankha mteŵeti waki Davidi+Ndipu wangumuto kutuwa kumakhola nga mbereri,+
71 Kutuwa ko waphweriyanga mbereri zo zawonkhesanga;Ndipu wangumuŵika kuja mliska waku Yakobe, ŵanthu ŵaki,+Mliska waku Isirayeli, chihara chaki.+
72 Iyu wenga mliska wawu yo wenga ndi mtima wakugomezgeka,+Ndipu wanguŵalongozga ndi manja ngalusu.+
Mazu Ngam'mphata
^ Wonani Mazu ngo Ngakonkhoskeka.
^ Pamwenga kuti, “ulongozgi wangu.”
^ Mazu ngaki chayingu, “wakunozgeka cha.”
^ Mazu ngaki chayingu, “Anguyesa.”
^ Mazu ngaki chayingu, “wangatinozge thebulu.”
^ Pamwenga kuti, “cha angelu.”
^ Pamwenga kuti, “ya ko kutuliya lumwi.”
^ Pamwenga kuti, “Wakuweze wawu.”
^ Mazu ngaki chayingu, “Wabenekeriyanga.”
^ Yapa pangafwatulikiya so kuti, “Kuti mzimu uluta ndipu uwelere so cha.”
^ Pamwenga kuti, “angumuchitiska kuti wavwi urwirwi.”
^ Mazu ngaki chayingu, “Janja laki angulikumbuka cha.”
^ Mazu ngaki chayingu, “wanguŵawombo.”
^ Yapa pangafwatulikiya so kuti, “ku chimphepu chakotcha.”
^ Mazu ngaki chayingu, “wangupereka maumoyu ngawu.”
^ Mazu ngaki chayingu, “kuyesa.”
^ Pamwenga kuti, “kuti wachiti sanji.”
^ Mazu ngaki chayingu, “Ndipu amwali ŵaki anguthamikikapu cha.”
^ Mazu ngaki chayingu, “Wanguzenga malu ngaki ngakupaturika nge kuchanya.”
