Masalimo 76:1-12
Kwaku yo walongozga sumu. Sumu iyi yimbiki ndi vakumbiya va vingwi. Salimo laku Asafu.+ Sumu.
76 Chiuta waziŵika mu Yuda;+Zina laki ndikulu mu Isirayeli.+
2 Malu ngaki ngakujamu nge ku Salemu,+Ndipuso iyu waja ku Ziyoni.+
3 Kweniko iyu wangufyo mivi yakukole yakuponyeka ndi uta,Chichangu, lipanga kweniso vidya vankhondu.+ (Selah)
4 Yimwi muŵala ukongwa;*Mwe akulu kuluska mapiri ngo mwe vinyama vo viko nyama zinyaki.
5 Ŵanthu a mtima wachiganga aphangika vinthu vawu.+
Yiwu agona;Asilikali anthazi angusoŵa chakuchita.+
6 Chifukwa cha kuchenya kwinu yimwi Chiuta waku Yakobe,Munthu wakukwera pagaleta wagona tulu takufwa natu, hachi nayu so viyo.+
7 Yimwi pe ndimwi wakuchitiska mantha.+
Ndiyani wangamaku ku ukali winu?+
8 Mungupereka cheruzgu kutuliya kuchanya;+Charu chapasi chinguchita mantha ndipu chinguja cheti+
9 Pa nyengu yo Chiuta wangusoka kuti wapereki cheruzgu,Kuti wataski ŵanthu akufwasa a pacharu chapasi.+ (Selah)
10 Pakuti ukali wa munthu uchitiskengi kuti muthamikiki;+Yimwi mujitowesengi ndi ukali wawu wo ujengeku.
11 Mulayizgeni Yehova Chiuta winu, ndipu mufiski vo mulayizgengi,+Ŵanthu wosi wo amuzunguliya azi ndi mphasu mwamantha.+
12 Iyu wayuyuwengi kujikuzga kwa* alongozgi;Iyu wachitiska kuti mafumu nga pacharu chapasi ngachiti mantha.
