Masalimo 72:1-20
Sumu yakukwaskana ndi Solomoni.
72 Yimwi Chiuta, perekani vyeruzgu vinu kwa fumu,Mwana wa fumu mumupaski urunji winu.+
2 Iyu wayeruzgi mulandu wa ŵanthu ŵinu mwaurunji,Kweniso wayeruzgi mulandu wa ŵanthu ŵinu akusika mwaurunji.+
3 Mapiri ngazi ndi chimangu ku ŵanthu,Ndipu mitunthu yizi ndi urunji.
4 Iyu wavikiliyi* ŵanthu akusika pakati pa ŵanthu,Iyu wataski ŵana a ŵanthu akavu.Ndipuso waphwanyi ŵanthu aryarya.+
5 Yiwu akuwopeningi nyengu yosi yo lumwi liŵiyengekuNdipuso chikulu mwezi ulutirizga kuŵaku,Kutuwa ku mugonezi mpaka mugonezi.+
6 Iyu wajengi nge vuwa yo yiwiya pauteka wo wapupika,Nge vuwa yo yizumbwisa charu.+
7 Mu mazuŵa ngaki, ŵanthu arunji azamubiriŵira,*+Ndipu chimangu chazamuja chikulu+ mpaka po mwezi wazamuleke kuŵapu.
8 Iyu wazamulamuliya ŵanthu kutuwa kunyanja mpaka kunyanjaKweniso kutuwa ku Msinji* mpaka kuvigoti va charu.+
9 Ŵanthu wo aja muchipululu azamujikama pa masu paki,Ndipu arwani ŵaki azamunyanganga fuvu.+
10 Mafumu nga ku Tashishi kweniso nga muvirwa* ngazamupereka msonkhu.+
Mafumu nga ku Sheba ndi nga ku Seba ngazamupereka mphasu.+
11 Mafumu ngosi ngazamujikama pa masu pakiNdipu mitundu yosi yazakumuteŵete.
12 Pakuti iyu wazamutaska akavu wo apempha chovyu,Ndipuso ŵanthu akusika kweniso weyosi yo walivi wakumuwovya.
13 Iyu wazamuchitiya chitima ŵanthu akusika ndi akavu,Ndipu wazamutaska maumoyu nga ŵanthu akavu.
14 Wazakuŵataska* ku ŵanthu ankhaza kweniso achiwawa,Ndipu ndopa zawu, wazakuziwona kuti zakuzirwa.
15 Iyu waje wamoyu kweniso wapaskiki golidi wa ku Sheba.+
Ŵanthu alutirizgi kumupemphere,Ndipuso watumbikiki zuŵa losi lamphumphu.
16 Pacharu chapasi pazamuja chakurya chinandi;+Ndipu chazamusapaliya pachanya pa mapiri.
Vipasu vaki vazamusapaliya nge ku Lebanoni,+Ndipu mumatawuni, ŵanthu azamubuka nge vakume va pacharu chapasi.+
17 Zina laki lilutirizgi kuŵaku mpaka muyaya,+Lilutirizgi kutchuka nyengu yosi yo lumwi liŵiyengeku.
Ŵanthu alonde vitumbiku kuziya mwaku iyu;+Mitundu yosi yimukambi kuti ngwakukondwa.
18 Yehova Chiuta wathamikiki, Chiuta waku Isirayeli,+Mweniyo yija wachita vinthu vakuziziswa.+
19 Zina laki launkhankhu lithamikiki kwamuyaya,+Ndipu unkhankhu waki uzazi charu chosi chapasi.+
Ame, Ame.
20 Penapa ndipu pamaliya mapempheru ngaku Davidi mwana waku Jese.+
Mazu Ngam'mphata
^ Mazu ngaki chayingu, “wayeruzgi.”
^ Mazu ngaki chayingu, “azamuphuka.”
^ Kung’anamuwa Msinji wa Yufureti.
^ Anyaki akamba kuti, “vilumba.”
^ Pamwenga kuti, “Wazakuŵawombo.”
