Masalimo 66:1-20
Kwaku yo walongozga sumu. Sumu. Salimo.
66 Daniriziyani Chiuta mwakukondwa, yimwi mwaŵanthu a pacharu chosi chapasi.+
2 Mbani sumu zakuthamika* zina laki launkhankhu.
Muthamikeni ndipuso mukankhuskeni.+
3 Kambiyani Chiuta kuti: “Ntchitu zinu zakuchitiska mantha!+
Chifukwa cha nthazi zinu zikulu,Arwani ŵinu achitengi mantha pa masu pinu.+
4 Charu chosi chikujikamiyeningi;+Yiwu akumbiyeningi sumu zakukuthamikani;Ambengi sumu zakuthamika zina linu.”+ (Selah)
5 Zani muziwoni ntchitu zaku Chiuta.
Vinthu vo wachitiya ŵana a ŵanthu vakuchitiska mantha.+
6 Iyu wangusambusa nyanja kuja charu chakumira;+Yiwu anguyambuka msinji ndi malundi.+
Ndipu akondwanga mwaku iyu.+
7 Iyu walamuliya mpaka muyaya+ ndi nthazi zaki.
Masu ngaki ngalereska mitundu ya ŵanthu.+
Ŵanthu amtafu angajikuzganga cha.+ (Selah)
8 Thamikani Chiuta widu yimwi mwaŵanthu,+Ndipu mazu ngakumuthamika ngavwiki.
9 Iyu watitisunga amoyu;+Wazomereza cha kuti maphazi ngidu ngaguŵi.*+
10 Pakuti yimwi Chiuta mwatisanda,+Mwatiyengetuwa nge mo ayengetuliya siliva.
11 Mwatiguziya muchilepa chakuŵingiya;Mwatipingiza katundu muzitu.*
12 Munguzomereza kuti munthu watikandikandi;*Tingujumpha mumotu ndi mumaji;Pavuli paki munguza nasi kumalu ngakupumuliya.
13 Ndizengi munyumba yinu ndi sembi zakupiriza zamphumphu;+Ndifiskengi vo ndikukulayizgani+
14 Vo milomu yangu yingulayizga+Ndipuso vo mulomu wangu ungukamba po ndenga mu masuzgu.
15 Ndiperekengi kwaku yimwi nyama zakututuŵa nge sembi zakupirizaLimoza ndi josi la sembi za mbereri zinthulumi.
Ndiperekengi ng’ombi zinthulumi limoza ndi aphongu. (Selah)
16 Zani muzivwisiyi, yimwi mosi mutopa Chiuta,Ndipu ini ndikukambiyeningi vo iyu wandichitiya.+
17 Ndingumudana ndi mulomu wanguKweniso ndingumukankhuska ndi lilimi langu.
18 Asani ndingusunga chinthu chiheni chechosi mumtima mwangu,Yehova watingi wandivwengi cha.+
19 Kweni Chiuta wanguvwa;+Iyu wanguvwisiya pempheru langu.+
20 Wathamikiki Chiuta yo wangulikana cha pempheru languPamwenga kundinola chanju chaki chambula kumala.
Mazu Ngam'mphata
^ Pamwenga kuti, “Pangiyani sumu.”
^ Pamwenga kuti, “ngachiti mbendyambendya.”
^ Mazu ngaki chayingu, “muzitu muviwunu vidu.”
^ Mazu ngaki chayingu, “wakandi pamitu yidu.”
