Masalimo 65:1-13
Kwaku yo walongozga sumu. Salimo laku Davidi. Sumu.
65 Yimwi Chiuta, ŵanthu atikuthamikani ku Ziyoni;+Tifiskengi vo tingukulayizgani.+
2 Yimwi Wakuvwa pempheru, ŵanthu amitundu yosi azengi kwaku yimwi.+
3 Maubudi ngangu ngandimala nthazi,+Kweni yimwi mubenekere mphulupulu zidu.+
4 Ngwakukondwa munthu yo mwasankha ndi kuza nayu pafupiKuti wazije mumabalaza nginu.+
Tikhorwengi ndi vinthu vamampha va munyumba yinu,+Nyumba yinu yakusopiyamu yakupaturika.*+
5 Mutimukengi ndi ntchitu zakuchitiska mantha+ zaurunji,Yimwi Chiuta wa utaski widu;Ŵanthu a kuvigoti vosi va charu chapasi athemba yimwi+Kweniso wo aja kutali kusirya kwa nyanja.
6 Yimwi mukujalikiska* mwakukho mapiri mwakugwiriskiya ntchitu nthazi zinu;Ndipu mwe* ndi nthazi ukongwa.+
7 Yimwi muchetamisa* nyanja zo zayuka,+Kweniso kuwuluma kwa mayiŵa ngaki ndipuso chimtimbaheka cha mitundu.+
8 Ŵanthu wo aja kutali ukongwa achitengi mantha chifukwa cha visimikizu vinu;+Muchitiskengi kuti ŵanthu a ko kutuliya lumwi mpaka ko liselere adanirizi mwalikondwa.
9 Yimwi muphwere charu chapasi,Mutichichitiska kuti chije ndi vipasu vinandi* kweniso chije chakukhupuka.+
Msinji wakutuliya kwaku Chiuta ngwakuzaza ndi maji;Mutiŵapaska chakurya,+Pakuti viyo ndimu mukupangiya charu chapasi.
10 Muzumbwisa mizeri yaki, kweniso mutuswa mabuma ngaki;Mutichiwombesa ndi vuwa; mutumbika vinthu vo vamemu.+
11 Chaka mutichivwalika chisoti cha umampha winu;Nthowa zinu zisapaliya ndi vinthu vinandi.*+
12 Malu ngakuliskaku viŵetu nga muchipululu ngalutirizga kuja ndi vinthu vinandi,*+Ndipu mapiri ngavwalikika likondwa.+
13 Mumalu ngakuliskaku viŵetu mwazaza miskambu ya viŵetu,Ndipu madambu ngabulumutizgika* ndi mbewu.+
Ivu vidaniriza mwalikondwa, hinya vitumba.+
Mazu Ngam'mphata
^ Pamwenga kuti, “malu nginu ngakupaturika.”
^ Mazu ngaki chayingu, “Iyu wakujalikiska.”
^ Mazu ngaki chayingu, “Iyu we.”
^ Mazu ngaki chayingu, “Iyu wachetamisa.”
^ Mazu ngaki chayingu, “chije ndi vinthu vinandi.”
^ Mazu ngaki chayingu, “Nthowa zinu zinthonya mafuta.”
^ Mazu ngaki chayingu, “ngalutirizga kunthonya.”
^ Pamwenga kuti, “vidika vabulumutizgika.”
