Masalimo 61:1-8
-
Chiuta nkhanyumba kakuthopoka kakukho ko kavikiliya kwa arwani
-
“Ndijengi mulendu muhema linu” (4)
-
Kwaku yo walongozga sumu. Sumu iyi yimbiki ndi vakumbiya va vingwi. Sumu yaku Davidi.
61 Yimwi Chiuta, vwani kuliya kwangu kwakupempha chovyu
Vwisiyani pempheru langu.+
2 Ndiliriyengi yimwi kutuliya kuvigoti va charuAsani mtima wangu wasweka.*+
Ndilongozgiyeni kujalawi litali kuluska ini.+
3 Pakuti yimwi ndimwi malu ngangu ngakuthaŵiyaku,Ndipuso kanyumba kakuthopoka kakukho ko katindivikiliya ku murwani.+
4 Ndijengi mulendu muhema linu mpaka muyaya;+Ndibisamengi kusi kwa mapapa nginu.+ (Selah)
5 Pakuti yimwi Chiuta mwavwa vo ndalapizga.
Mwandipaska chihara cho mupaska ŵanthu wo atopa zina linu.+
6 Musazgiyengeku mazuŵa ku umoyu wa* fumu,+Ndipu vyaka vaki vijengi vakutuliya ku mugonezi mpaka mugonezi.
7 Iyu yijengi pampandu waufumu* kwamuyaya pa masu paku Chiuta;+Yipaskeni chanju chambula kumala kweniso kugomezgeka kuti viyivikiliyi.+
8 Pavuli paki ndimbengi sumu zakuthamika* zina linu mpaka muyaya+
Ndichifiska vo ndalapizga zuŵa lelosi.+
Mazu Ngam'mphata
^ Pamwenga kuti, “walopwa.”
^ Mazu ngaki chayingu, “ku mazuŵa nga.”
^ Pamwenga kuti, “Iyu yijengi.”
^ Pamwenga kuti, “ndilipangiyengi sumu.”
