Masalimo 60:1-12
Kwaku yo walongozga sumu. Sumu iyi yimbiki nge “Luŵa la Chikumbusu.” Mikitamu.* Sumu yaku Davidi yakusambiziya. Pa nyengu yo wachitanga nkhondu ndi Aramu-naharayimu kweniso Aramu-Zoba, ndipu Yowabu wanguwelere ndi kubaya Aedomu 12,000 mu Dambu la Mche.+
60 Yimwi Chiuta mungutikana; yimwi mungutithereska.+
Mungutikwiyiya; kweni sonu tilondeliyeni!
2 Munguchitiska kuti charu chapasi chisukunyiki; yimwi munguchikeruwa.
Nozgani malumwa ngaki, pakuti chituwa.
3 Munguchitiska kuti ŵanthu ŵinu asuzgiki.
Mungutichitiska kuti timwi vinyu yo watitiyendesa mbendyambendya.+
4 Perekani* chisimikizu kwaku wo atikuwopaniKuti athaŵi ndi kuŵeka uta. (Selah)
5 Kuti ŵanthu wo mutiŵayanja ataskiki,Titaskeni ndi janja linu lamaryi, kweniso timukeni.+
6 Mu kupaturika kwaki,* Chiuta wakamba kuti:
“Ndikondwengi, ndiperekengi Sekemu kuti waje chihara,+Ndipu ndipimengi Dambu la* Sukoti.+
7 Giliyadi ngwangu, Manasi nayu ngwangu,+Ndipu Efurayemu ntchisoti chakumutu kwangu;*Yuda ndi nthonga ya mulongozgi wangu.+
8 Mowabu ndi beseni langu lakusambiyamu.+
Mu Edomu ndiponyengemu sapatu zangu.+
Kweniso ndidanirizengi mwakukondwa chifukwa cha kuthereska Filisitiya.”+
9 Ndiyani yo walutengi nani kutawuni yo yazingilizika?*
Ndiyani yo wandilongozgengi mpaka ku Edomu?+
10 Asi ndimwi Chiuta, yo watijowo,Chiuta widu yo wakuleka kuluta ku nkhondu ndi asilikali ŵidu?+
11 Tiwovyeni pa suzgu yidu,Pakuti utaski wakutuliya ku ŵanthu ngwaŵakaŵaka.+
12 Chiuta watiwovyengi kuti tisaniyi nthazi,+Ndipu wakandengikandengi arwani ŵidu.+
Mazu Ngam'mphata
^ Wonani Mazu ngo Ngakonkhoskeka.
^ Yapa pangafwatulikiya so kuti, “Mwapereka.”
^ Yapa pangafwatulikiya so kuti, “Mumalu ngaki ngakupaturika.”
^ Pamwenga kuti, “Chidika cha.”
^ Mazu ngaki chayingu, “ntchakuvikiliya mutu wangu.”
^ Yapa pangafwatulikiya so kuti, “kutawuni ya mpanda wakukho.”
