Masalimo 58:1-11
-
Pe Chiuta yo wayeruzga charu chapasi
-
Kupempha kuti ŵanthu aheni alangiki (6-8)
-
Kwaku yo walongozga sumu. Sumu iyi yimbiki nge “Mungandinanganga Cha.” Sumu yaku Davidi. Mikitamu.*
58 Kumbi mungalongoro vakukwaskana ndi urunji penipo mwe cheti?+
Kumbi mungayeruzga mwaurunji yimwi mwaŵana a ŵanthu?+
2 Mumalu mwaki, munozga vinthu vambula urunji mumitima yinu,+Ndipu manja nginu ngachita vinthu vankhaza mucharu.+
3 Ŵanthu aheni alanda* kutuliya pa zuŵa lo awiyaku;*Yiwu achita vinthu vabwekabweka, ndipuso mbaboza kutuliya pa nyengu yo awiyaku.
4 Poyizoni wawu we nge poyizoni wa njoka;+Mbambula kuvwa nge khakhu yo wajala makutu ngaki.
5 Iyu wangavwa cha mazu nga ŵanthu amasenga,Chinanga angaŵa ndi lusu lakugwiriskiya ntchitu nyanga.
6 Yimwi Chiuta, gonthonimu minyu mumilomu yawu!
Phwanyani vibwanyu va nkharamu* zenizi yimwi Yehova!
7 Yiwu asoŵi nge maji ngo ngatenda.
Chiuta wakungi uta waki ndipu waŵawisi ndi mivi yaki.
8 Aje nge nkhonu yo yisongonoka uku yitenda;Aje nge bonda yo walutiriya kwambula kuwona lumwi.
9 Mimphika yinu yechendafundi ndi motu wa chimiti cha minga,Iyu wapeyengi mphanda ziŵisi, kweniso zo zikole nge mo chimphepu chichitiya.+
10 Munthu murunji wasekeriyengi pakuti wawona kuweze nduzga;+Maphazi ngaki ngasambengi mundopa za ŵanthu aheni.+
11 Pakumaliya, ŵanthu akambengi kuti: “Nadi panu, mphotu ya munthu murunji yilipu.+
Chiuta yo wayeruzga mucharu, waliku nadi.”+
Mazu Ngam'mphata
^ Wonani Mazu ngo Ngakonkhoskeka.
^ Pamwenga kuti, “mbachinyengu.”
^ Mazu ngaki chayingu, “kutuliya munthumbu ya anyinawu.”
^ Pamwenga kuti, “nkharamu zimanazimana zanthazi.”
