Masalimo 52:1-9
Kwaku yo walongozga sumu. Masikili.* Sumu yaku Davidi, pa nyengu yo Doyegi wa ku Edomu wanguza kwaku Sauli kuzimukambiya kuti Davidi waluta kunyumba yaku Ahimeleki.+
52 Utijikuzgiyanji chifukwa cha ntchitu zaku ziheni, yiwi wamunthu wanthazi?+
Chanju chambula kumala chaku Chiuta chija zuŵa losi lamphumphu.+
2 Lilimi laku ndakuthwa nge lezara,+Ndipu linozga viŵembu kweniso lichita uryarya.+
3 Utanja ukongwa vinthu viheni kuluska vamampha,Utanja ukongwa boza kuluska kulongoro uneneska. (Selah)
4 Utanja mazu ngengosi ngakupweteka,Yiwi lilimi liryarya!
5 Ndichu chifukwa chaki Chiuta wakuwisiyengi pasi kwamuyaya;+Wakukwamphuwengi ndi kukutuzgaku kuhema laku;+Ndikuchesuwengemu mucharu cha ŵanthu amoyu.+ (Selah)
6 Ŵanthu arunji awonengi venivi, ndipu achitengi mantha,+Yiwu amusekengi.+
7 “Wonani munthu yo wangukana kuti Chiuta waje malu ngaki ngakuthaŵiyaku,*+Ndipu wanguthemba chuma chaki chinandi+Kweniso wangugomezga viŵembu vo* wangunozga.”
8 Kweni ini ndijengi nge chimiti cha maolivi chakubiriŵira munyumba yaku Chiuta;Ini ndithemba chanju chambula kumala chaku Chiuta,+ muyaya mpaka muyaya.
9 Ndikuthamikeningi mpaka muyaya chifukwa mwachitapu kanthu;+Pa masu pa ŵanthu ŵinu akugomezgeka,Ndigomezgengi zina linu,+ pakuti ndamampha.
Mazu Ngam'mphata
^ Wonani Mazu ngo Ngakonkhoskeka.
^ Pamwenga kuti, “ngakuvikilirika.”
^ Mazu ngaki chayingu, “maurwani ngo.”
