Masalimo 51:1-19
Kwaku yo walongozga sumu. Sumu yaku Davidi, pa nyengu yo mchimi Natani wanguza kwaku Davidi iyu wati wagonana ndi Betiseba.+
51 Ndichitiyeni lisungu yimwi Chiuta mwakukoliyana ndi chanju chinu chambula kumala.+
Sisitani mphulupulu zangu mwakukoliyana ndi lisungu linu.+
2 Mundisambiki umamphaumampha ku mphulupulu yangu,+Kweniso nditoweseni ku ubudi wangu.+
3 Pakuti mphulupulu zangu nditiziziŵa umampha,Ndipu ubudi wangu we pa masu pangu* nyengu zosi.+
4 Ini ndabudiya ukongwa yimwi kuluska mo ndabudiya weyosi;*+Chinthu cho yimwi mutichiwona kuti ntchiheni ndichu ndachita.+
Mwaviyo mwe arunji asani mulongoroNdipu cheruzgu chinu ntchakwenere.+
5 Awonani! Ndikubalika ndi mphulupulu,Nde wakubuda kutuliya po ama angumere nthumbu yangu.+
6 Awonani! Yimwi mukondwa chifukwa cha uneneska wa mukati mwa munthu;+Mundisambizi kuti ndije ndi zeru chayizu mukati mwangu.
7 Nditoweseni ku ubudi wangu mwakugwiriskiya ntchitu hisopi,* kuti ndije wakutowa;+Ndisambikeni kuti ndije wakutowa tuu kuluska sinoo.*+
8 Ndichitiskeni kuti ndivwi mazu ngalikondwa ndipuso ngakusekere,Kuti viwanga vo munguphwanya vikondwi.+
9 Tuzganiku* chisku chinu ku maubudi ngangu,+Ndipu sisitani mphulupulu zangu zosi.+
10 Lengani mtima wakutowa mwaku ini, yimwi Chiuta,+Ndipu mukati mwangu ŵikanimu mzimu wufya,+ mzimu wakukho.
11 Mungandituzgangapu cha pa masu pinu;Ndipu mzimu winu wakupaturika mungawutuzgangaku cha kwaku ini.
12 Mundipaski so likondwa la utaski winu;+Ndipaskeni mtima wakukhumbisiska kukuvwiyani.*
13 Ŵanthu wo achita maubudi ndiŵasambizengi nthowa zinu,+Kuti akubuda awere kwaku yimwi.
14 Nditaskeni ku mulandu wa ndopa+ yimwi Chiuta, Chiuta wa utaski wangu,+Kuti lilimi langu lipharazgi urunji winu mwalikondwa.+
15 Julani milomu yangu yimwi Yehova,Kuti mulomu wangu ukuthamikeni.+
16 Pakuti yimwi mukhumba sembi cha, asani mwayikhumbanga mphanyi ndakupaskani;+Sembi zakupiriza zamphumphu zitikukondwesani cha.+
17 Mzimu wakusweka ndizu sembi zo zikondwesa Chiuta;Pakuti yimwi Chiuta muwukanengi* cha mtima wakusweka kweniso wakutekenyeka.+
18 Mwakukhumba kwinu, chitiyani Ziyoni cho ntchamampha;Zengani mpanda wa Yerusalemu.
19 Pavuli paki ndipu mukondwengi ndi sembi zaurunji,Sembi zakupiriza ndipuso sembi zamphumphu;Ndipu ng’ombi zinthulumi ziperekekengi paguŵa linu la sembi.+
Mazu Ngam'mphata
^ Pamwenga kuti, “nditiwukumbuka.”
^ Mazu ngaki chayingu, “ndabudiya yimwi pe.”
^ Sinoo ndi maji ngakukhoma ngo ngawoneka tuu nge mche wakusilirika ndipu ngatuwa kutuliya kuchanya.
^ Wonani Mazu ngo Ngakonkhoskeka.
^ Pamwenga kuti, “Bisani.”
^ Mazu ngaki chayingu, “Mundiwovyi ndi mzimu wakukhumbisiska kuvwiya.”
^ Pamwenga kuti, “muwutinkhengi.”
