Masalimo 50:1-23
Sumu yaku Asafu.+
50 Yehova, Chiuta wa achiuta+ walongoro;Iyu wadanisa charu chapasiKutuliya ko lumwi lituliya mpaka ko liselere.*
2 Chiuta waŵala kutuliya ku Ziyoni, malu ngakutowa ukongwa.+
3 Chiuta widu wazengi ndipu wangalutirizga cha kuja cheti.+
Pa masu paki, pe motu wakupiriza,+Ndipu chimphepu chikulu chazunguliya malu ngosi ngo iyu wali.+
4 Iyu wadanisa kuchanya kweniso charu chapasi,+Kuti wayeruzgi ŵanthu ŵaki:+
5 “Awunganiseni kwaku ini ŵanthu ŵangu akugomezgeka,Wo achita phanganu ndi ini mwakupereka sembi.”+
6 Kuchanya kupharazga urunji waki,Pakuti Chiuta mweneku ndiyu Wakweruzga.+ (Selah)
7 “Vwisiyani mwaŵanthu ŵangu, ndipu ndilongorongi;Yiwi Isirayeli, ndiperekengi ukaboni wakususkana nawi.+
Ini ndini Chiuta, Chiuta waku.+
8 Nditikuchenya chifukwa cha sembi zaku cha,Pamwenga chifukwa cha sembi zaku zakupiriza zamphumphu zo upereka kaŵikaŵi pa masu pangu.+
9 Ini ndikhumba ng’ombi zinthulumi zakutuliya kunyumba yaku cha,Pamwenga mbuzi* kutuliya mumakhola ngaku.+
10 Pakuti nyama zosi zamudondu zangu,+Chinanga ndi vinyama va mumapiri 1,000.
11 Ndiziŵa chiyuni chechosi cha mumapiri;+Nyama zambula kuŵerengeka zamudondu zangu.
12 Asani ndenga ndi nja, ndatingi ndikukambiyengi cha,Pakuti charu kweniso vosi vo ve mwenimo vangu.+
13 Kumbi ndingarya mnofu wa ng’ombi zinthulumiKweniso kumwa ndopa za mbuzi?+
14 Pereka mtima waku wakuwonga nge sembi kwaku Chiuta,+Ndipu fiska vo wamulayizga Wapachanya Limu;+
15 Undidani pa zuŵa la suzgu.+
Ini ndikutaskengi ndipu yiwi undikankhuskengi.”+
16 Kweni Chiuta wakambiyengi munthu muheni kuti:“Kumbi we ndi mazaza uli kuti ukambi marangu ngangu+
Pamwenga kuti ukambi vakukwaskana ndi phanganu langu?+
17 Pakuti yiwi utinkhana ndi chilangu,*Ndipu mazu ngangu utingalazgiya msana.*+
18 Asani wawona munkhungu, utimuzomereza,*+Ndipu ukoliyana ndi achigololu.
19 Uwandisa chinthu chiheni ndi mulomu waku,Ndipu chinyengu chikukaniriya kulilimi laku.+
20 Uja pasi ndi kunena mubali waku;+Uvumbuwa vinthu vo mwana wa anyoku wanangisa.*
21 Wati wachita vinthu venivi, ndinguja cheti,Mwaviyo, unguŵanaŵana kuti ini nde nge yiwi.
Kweni sonu ndikuchenyengi.Ndipuso ndikambengi mulandu wangu wakususkana ndi yiwi.+
22 Sonu ziŵani ivi, yimwi mukuluwa Chiuta,+Kuti ndileki kukutwazuwani kwambula munthu wakuti wakutaskeni.
23 Munthu yo wapereka mtima waki wakuwonga nge sembi, ndiyu watinditumbika,+Ndipu yo walutirizga kwenda pa nthowa mwakusimikiza,Ndimuchitiskengi kuti wawoni utaski waku Chiuta.”+
Mazu Ngam'mphata
^ Pamwenga kuti, “Kutuliya kuvuma mpaka kuzambwi.”
^ Mazu ngaki chayingu, “aphongu.”
^ Mazu ngaki chayingu, “mazu ngangu utingaponya kuvuli.”
^ Pamwenga kuti, “ulongozgi.”
^ Yapa pangafwatulikiya so kuti, “nawi utuba nayu.”
^ Pamwenga kuti, “Unanga mbiri ya mwana wa anyoku.”
