Masalimo 49:1-20
Kwaku yo walongozga sumu. Sumu ya ŵana aku Kora.+
49 Vwani ivi, yimwi mwaŵanthu mosi.
Vwisiyani yimwi mosi muja pacharu chapasi,*
2 Mosi, mwaŵana ndipuso arara,*Akukhupuka kweniso akavu.
3 Mulomu wangu ulongorongi zeru,Ndipu vo mtima wangu+ ulunguruka vilongongi kuvwisa vinthu.
4 Ndivwisiyengi nthanthi;Ndikonkhoskengi chindapi changu mwakugwiriskiya ntchitu bangu.*
5 Kumbi ndiwopiyenji pa nyengu ya suzgu,+Asani vinthu viheni va* ŵanthu wo akhumba kundiwisa vandizunguliya?
6 Ŵanthu wo agomezga chuma chawu+Kweniso wo atijiŵikamu chifukwa cha unandi wa chuma chawu,+
7 Palivi chinanga njumoza waku yiwu yo wangawombo mubali wakiPamwenga kupereka kwaku Chiuta mtengu wakumuwombole,+
8 (Mtengu wakuwombole maumoyu ngawu ngwakuzirwa ukongwaMwakuti angawukwanisa cha mpaka muyaya);
9 Kuti waje kwamuyaya kwambula kuwona zenji.*+
10 Iyu wawona kuti chinanga mbanthu azeru atufwa;Muzereza kweniso yo waleka kuŵanaŵana umampha wosi aparanyika,+Ndipu wosi asiliya chuma chawu ŵanthu anyaki.+
11 Mumitima yawu akhumba kuti nyumba zawu zije mpaka muyaya,Kweniso mahema ngawu ngalutirizgi kuŵapu kutuwa mugonezi mpaka mugonezi.
Malu ngawu angapaska mazina ngawu.
12 Kweni munthu, chinanga wangaŵa wakutumbikika, wangaja cha kwamuyaya;+Iyu wayanana ŵaka ndi vinyama vo vitufwa.+
13 Iyi ndiyu nthowa ya ŵanthu azereza+Kweniso wo atiŵalondo, wo akondwa ndi mazu ngawu ngambula fundu. (Selah)
14 Nge mbereri, yiwu asankhika kuti aluti ku Dindi.*
Nyifwa ndiyu yiŵalongozgengi nge mliska;Munthu wakunyoloka waŵalamuliyengi+ ndi mlenji.
Chechosi cho ŵanthu angaŵakumbuka nachu, chimalengi;+Mumalu mwa nyumba yachifumu, Dindi*+ ndilu lijengi nyumba yawu.+
15 Kweni Chiuta wandiwombongi ku nthazi ya* Dindi,*+Pakuti iyu wandikongi pajanja. (Selah)
16 Ungawopanga cha asani munthu munyaki wakhupuka,Asani unkhankhu wa nyumba yaki wasazgikiyaku,
17 Pakuti asani wafwa, palivi cho wapingengi;+Unkhankhu waki usikiyengi nayu limoza cha.+
18 Pakuti pa nyengu yo we ndi umoyu watijilumba yija.+
(Ŵanthu atikuthamika asani vinthu vitikuyende umampha.)+
19 Kweni pakumaliya, walondo mugonezi wa apapi ŵaki akali.Yiwu azakuwuwona so cha ukweru.
20 Munthu yo waleka kuvwisa venivi, chinanga wangaŵa wakutumbikika,+Wayanana ŵaka ndi vinyama vo vitufwa.
Mazu Ngam'mphata
^ Pamwenga kuti, “yimwi mugonezi wunu.”
^ Mazu ngaki chayingu, “Mosi mwaŵana amitundu ya ŵanthu ndipuso mwaŵana a munthu.”
^ Anyaki akamba kuti, “bangwi.”
^ Mazu ngaki chayingu, “mphulupulu za.”
^ Pamwenga kuti, “dindi.”
^ Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
^ Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
^ Mazu ngaki chayingu, “ku janja la.”
^ Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
