Masalimo 44:1-26
Kwaku yo walongozga sumu. Sumu ya ŵana aku Kora.+ Masikili.*
44 Yimwi Chiuta, isi tavwa ndi makutu ngidu,Apapi ŵidu akali akutikonkhoske,+Ntchitu zo munguchita mu mazuŵa ngawu,Mu mazuŵa ngakali ukongwa.
2 Mungudikisa mitundu+ ndi janja linuNdipu apapi ŵidu akali munguŵajalika mucharu chenicho.+
Munguphwanya mitundu ndi kuyidikisa kuti yituwemu.+
3 Yiwu angugwiriskiya ntchitu lipanga lawu cha kuti ahari charu cho,+Kweniso ndi janja lawu cha lo linguchitiska kuti athereski mitundu.+
Kweni lenga janja linu lamaryi ndi nthazi zinu*+ kweniso ukweru wa chisku chinu,Pakuti yimwi mungukondwa nawu.+
4 Ndimwi Fumu yangu yimwi Chiuta;+Lamulani kuti Yakobe wathereske limu.*
5 Ndi nthazi zinu, tidikisengi arwani ŵidu ndipu aweleriyengi;+Mu zina linu, tikandengikandengi wo atitiyukiya.+
6 Pakuti ndithemba uta wangu cha,Ndipu lipanga langu linganditaska cha.+
7 Yimwi ndimwi mungutitaska kwa arwani ŵidu,+Yimwi ndimwi munguchitiska soni wo atititinkha.
8 Tithamikengi Chiuta zuŵa losi lamphumphu,Kweniso tiwongengi zina linu kwamuyaya. (Selah)
9 Kweni sonu mwatitaya ndipuso mwatichitiska soni,Kweniso mwaleka kulutiya limoza ndi asilikali ŵidu ku nkhondu.
10 Mutitichitiska kuti tithaŵi pa masu pa arwani ŵidu;+Wo atititinkha ato chechosi cho akhumba.
11 Mutitipereka kuti tibayiki nge mbereri;Mwatimbininiskiya mu mitundu ya ŵanthu.+
12 Mugulisa ŵanthu ŵinu pa mtengu wakusika ukongwa;+Musaniya phindu lelosi cha pa mtengu wo mwaŵagulisiya.
13 Mwatisambusa chinthu cho ŵanthu wo tija nawu pafupi atichinyoza,Chinthu cho ŵanthu wosi wo atizunguliya atichiseka mwachipongu kweniso kuchihoya.
14 Mwatisambusa chinthu cho ŵanthu amitundu atichinena,*+Chinthu cho ŵanthu atichipukunyiya mitu.
15 Ndichita soni zuŵa losi lamphumphu,Ndipu ndamala nthazi chifukwa cha soni zo zandiko,
16 Asani ndavwa mazu ngawu ngakunyoza kweniso ngakundinena,Chifukwa cha murwani widu yo watitiweze.
17 Vosi ivi vatiwiya, kweni isi takuluwani cha,Ndipuso taswa cha phanganu linu.+
18 Mtima widu wapetuka cha;Malundi ngidu ngatuwapu cha panthowa yinu.
19 Kweni yimwi mwatiphwanyiya mumalu mo muja akambwi;Ndipuso mwatibenekere ndi mdima ukulu.
20 Asani zina laku Chiuta widu taliluwaPamwenga asani tikutambasuwapu manja ngidu kuti tipempheri kwaku chiuta wachilendu,
21 Kumbi Chiuta wangatondeka kuziŵa?
Iyu waziŵa visisi va mumtima.+
22 Tibayika zuŵa losi lamphumphu chifukwa chaku yimwi,Taja nge mbereri zo zitenere kubayika.+
23 Jiyuskeni. Ntchifukwa wuli mulutirizga kugona yimwi Yehova?+
Yukani! Mungatitayanga kwamuyaya cha.+
24 Ntchifukwa wuli mubisa chisku chinu?
Ntchifukwa wuli muluwa masuzgu ngidu ndi kukandirizgika kwidu?
25 Pakuti isi tawisikiya mufuvu;Maliŵavu ngidu ngakandirizgikiya pasi.+
26 Sokani kuti mutiwovyi!+
Titaskeni* chifukwa cha chanju chinu chambula kumala.+
Mazu Ngam'mphata
^ Wonani Mazu ngo Ngakonkhoskeka.
^ Mazu ngaki chayingu, “janja linu.”
^ Pamwenga kuti, “wasaniyi utaski ukulu.”
^ Mazu ngaki chayingu, “Mwatisambusa nthanthi pakati pa mitundu.”
^ Mazu ngaki chayingu, “Tiwomboni.”
