Masalimo 31:1-24
Kwaku yo walongozga sumu. Sumu yaku Davidi.
31 Yimwi Yehova, ndabisama mwaku yimwi.+
Ndingalengesekanga cha.+
Nditaskeni chifukwa cha urunji winu.+
2 Lazgisani gutu linu* kwaku ini.
Nditaskeni liŵiliŵi.+
Muje phiri langu lakuvikilirika,Malu nga mpanda wakukho kuti munditaski.+
3 Pakuti ndimwi jalawi langu ndipuso malu ngangu ngakuvikilirika;+Chifukwa cha zina linu,+ mundidanjiriyengi ndipuso mundilongozgengi.+
4 Mundifwatuwengi muchilepa cho andithyiya mwakubisa,+Pakuti yimwi ndimwi mpanda wangu wakukho.+
5 Mzimu wangu nditiwuŵika mu manja mwinu.+
Yimwi Yehova Chiuta wauneneska,* mwandiwombo.+
6 Nditinkha ŵanthu wo atijipereka kwa angoza ambula fundu,Kweni ini ndithemba Yehova.
7 Ndikondwengi ukongwa chifukwa cha chanju chinu chambula kumala,Pakuti yimwi mwawona kusuzgika kwangu;+Ndipuso muziŵa umampha mo ndisuzgikiya maŵanaŵanu.
8 Mwandipereka cha ku murwani,Kweni mwandichitiska kuti ndimi mumalu ngakuvikilirika.*
9 Ndichitiyeni lisungu yimwi Yehova, pakuti ndasuzgika.
Masu ngangu kweniso liŵavu langu losi* valopwa chifukwa cha urwirwi.+
10 Umoyu wangu wamala chifukwa cha chitima+Ndipuso vyaka vangu vamala chifukwa cha kutamantha.+
Nthazi zangu zimala chifukwa cha ubudi wangu;Viwanga vangu valopwa.+
11 Arwani ŵangu wosi atindinyoza,+Ukongwa ŵanthu wo ndija nawu pafupi.
Ndipu anyangu atindiwopa;Asani andiwona nde pabwalu, atindithaŵa.+
12 Ndikutuzgikamu mumtima* mwawu ndipu ndikuluwika, nge kuti ndikufwa;Ndaja nge msuku wakusweka.
13 Ndavwa vinthu vinandi viheni vo ŵanthu akamba;+Mantha ngandizunguliya.
Asani awungana nge munthu yumoza kuti andiyukiyi,Apangana kuti atuzgepu umoyu wangu.+
14 Kweni ini ndithemba yimwi, yimwi Yehova.+
Ndipu ndikamba kuti: “Ndimwi Chiuta wangu.”+
15 Mazuŵa ngangu nge* mu janja linu.
Nditaskeni mu janja la arwani ŵangu kweniso ku ŵanthu wo atinditombozga.+
16 Chitiskani kuti chisku chinu chimuŵaliyi mteŵeti winu.+
Nditaskeni chifukwa cha chanju chinu chambula kumala.
17 Yimwi Yehova, mungandilengesanga cha asani nditikudanani.+
Ŵanthu aheni alengeseki;+Aje cheti mu Dindi.*+
18 Milomu ya boza yisoŵi chakukamba,+Milomu yo yilongoro mwakunyada, mwakujikuzga kweniso mwakunyoza pakulimbana ndi murunji.
19 Umampha winu ngunandi ukongwa!+
Mwawusungiya ŵanthu wo atikuwopani,+Kweniso mwawulongo ku ŵanthu wo abisama kwaku yimwi, pa masu pa ŵanthu wosi.+
20 Muŵabisengi mumalu ngachisisi ngo yimwi musanirika,+Kuti muŵataski ku viŵembu va ŵanthu;Muŵabisengi mu mduzi winuKuti muŵataski ku ŵanthu wo atiŵayukiya.*+
21 Yehova wathamikiki,Pakuti iyu wandilongo chanju chaki chambula kumala mu nthowa yakuziziswa+ mutawuni yakuzingilizika ndi arwani.+
22 Ini ndingufyekeka ndipu ndingukamba kuti:
“Ndipeyekengi pa masu pinu.”+
Kweni ndati ndakudanani, yimwi munguvwa kuŵeyere kwangu kwakupempha chovyu.+
23 Yanjani Yehova mosi yimwi mwe akugomezgeka kwaku iyu!+
Yehova wavikiliya ŵanthu akugomezgeka,+Kweni weyosi yo walongo kujikuzga watimuweze mwakujumphisa.+
24 Jani ndi chiganga, ndipuso mtima winu uje wanthazi,+Mosi yimwi mulindizga Yehova.+
Mazu Ngam'mphata
^ Pamwenga kuti, “Sindamani ndipu muvwisiyi.”
^ Pamwenga kuti, “Chiuta wakugomezgeka.”
^ Pamwenga kuti, “mumalu ngamampha.”
^ Pamwenga kuti, “liŵavu langu ndipuso lufu langu.”
^ Pamwenga kuti, “mumaŵanaŵanu.”
^ Mazu ngaki chayingu, “Nyengu yangu ye.”
^ Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
^ Mazu ngaki chayingu, “Kuti muŵataski ku mphindanu za malilimi.”
