Masalimo 30:1-12
-
Kuliya kusambuka likondwa
-
Lisungu laku Chiuta nda umoyu wosi (5)
-
Salimo. Sumu yakujuliya nyumba. Sumu yaku Davidi.
30 Ndikukwezeningi yimwi Yehova, pakuti mwandisoske* muchanya;Munguzomereza cha kuti arwani ŵangu akondwi chifukwa chaku ini.+
2 Yimwi Yehova Chiuta wangu, ndingukuliriyani kuti mundiwovyi, ndipu mungundichizga.+
3 Yimwi Yehova, yimwi mwandisoska kutuwa ku Dindi.*+
Mwandisunga wamoyu; mwanditaska kuti ndileki kusikiya muzenji.*+
4 Mbani sumu zakuthamika* Yehova, yimwi mwaŵanthu ŵaki akugomezgeka,+Wongani zina laki lakupaturika;*+
5 Chifukwa ukali waki ujalisa cha pa munthu,+Kweni lisungu laki pa munthu, nda umoyu wosi.+
Munthu wangayamba kuliya ndi mazulu, kweni ndi mlenji wangayamba kudaniriza mwalikondwa.+
6 Pa nyengu yo ndengavi masuzgu ndingukamba kuti:
“Ndisukunyikengi cha.”*
7 Yimwi Yehova, pa nyengu yo mwandichitiyanga lisungu, mungundichitiska kuti ndije wakukho nge phiri.+
Kweni mwati mwabisa chisku chinu, ndinguchita mantha.+
8 Yimwi Yehova, ini ndingulutirizga kuliriya yimwi;+Ndipu ndingulutirizga kuŵeyere Yehova kuti wandichitiyi lisungu.
9 Kumbi pe phindu wuli asani ndingafwa,* asani ini ndingasikiya muzenji?*+
Kumbi fuvu lingakuthamikani?+ Kumbi lingakamba vakukwaskana ndi kugomezgeka kwinu?+
10 Vwani yimwi Yehova, ndipu ndichitiyeni lisungu.+
Yimwi Yehova, ndiwovyeni.+
11 Mwasintha kuliya kwangu kuti kuje kuvina;Mwandizuwa chigudulu, ndipu mwandivwalika likondwa,
12 Kuti ndimbi* sumu zakukuthamikani mumalu mwa kuja cheti.
Yimwi Yehova Chiuta wangu, ndikuthamikeningi mpaka muyaya.
Mazu Ngam'mphata
^ Pamwenga kuti, “mwandinyamuliya.”
^ Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
^ Pamwenga kuti, “mudindi.”
^ Pamwenga kuti, “Mupangiyeni sumu.”
^ Mazu ngaki chayingu, “Wongani chikumbusu chaki.”
^ Pamwenga kuti, “ Ndichitengi mbendyambendya cha.”
^ Mazu ngaki chayingu, “Kumbi ndopa zangu ze ndi phindu wuli.”
^ Pamwenga kuti, “mudindi.”
^ Pamwenga kuti, “Kuti unkhankhu wangu umbi.”
