Masalimo 29:1-11
Sumu yaku Davidi.
29 Perekani kwaku Yehova vo vitimuyenere, yimwi ŵana a ŵanthu anthazi,Perekani kwaku Yehova vo vitimuyenere, chifukwa cha unkhankhu ndi nthazi zaki.+
2 Perekani kwaku Yehova unkhankhu wakwenere zina laki.
Jikamiyani* Yehova mwavwala vakuvwala vakupaturika.*
3 Mazu ngaku Yehova ngavwika pachanya pa maji;Chiuta waunkhankhu wagululusa.+
Yehova we pachanya pa maji nganandi.+
4 Mazu ngaku Yehova nganthazi,+Mazu ngaku Yehova ngapachanya.
5 Mazu ngaku Yehova ngatuswa vimiti va sidara;*Hinya, Yehova wavikita vimiti va sidara va ku Lebanoni.+
6 Wachitiska kuti Lebanoni* waduki nge tholi,*Kweniso Siriyoni+ nge ng’ombi yimana yinthulumi yamudondu.*
7 Mazu ngaku Yehova ngalipuka ndi milipu ya motu;+
8 Mazu ngaku Yehova ngachitiska kuti chipululu chisukunyiki;+Yehova wachitiska kuti chipululu cha ku Kadeshi+ chisukunyiki.
9 Mazu ngaku Yehova ngachitiska kuti mphoyu yinjekeme kweniso kuti yibaliNdipuso ngachitiska kuti matundu ngapulutuki.+
Ndipu wosi wo ŵe munyumba yaki yakusopiyamu akamba kuti: “Unkhankhu!”
10 Yehova waja pampandu waufumu, pachanya pa maji ngakusapaliya;*+Yehova waja pampandu waufumu nge Fumu mpaka muyaya.+
11 Yehova waperekengi nthazi ku ŵanthu ŵaki.+
Yehova watumbikengi ŵanthu ŵaki ndi chimangu.+
Mazu Ngam'mphata
^ Pamwenga kuti, “Sopani.”
^ Yapa pangafwatulikiya so kuti, “chifukwa cha unkhankhu wa kupaturika kwaki.”
^ Vimiti ivi viyananaku ndi vimiti va payina ndipu kali vasanirikanga ukongwa ku Lebanoni.
^ Kung’anamuwa mapiri nga ku Lebanoni.
^ Wonani Mazu ngo Ngakonkhoskeka.
^ Tholi ndi mwana wa ng’ombi.
^ Pamwenga kuti, “kuchanya ko kwe nge nyanja.”
