Masalimo 26:1-12
Sumu yaku Davidi.
26 Ndiyeruzgeni yimwi Yehova, pakuti ndayenda mu kugomezgeka kwangu;+Ini ndathemba Yehova mwambula kusukunyika.+
2 Ndisandeni yimwi Yehova, ndipu ndiyeseni;Yengetuwani maŵanaŵanu nga mukati mwangu* ndipuso mtima wangu.+
3 Pakuti chanju chinu chambula kumala che pa masu pangu nyengu zosi,Nditenda mu uneneska winu.+
4 Ini ndicheza cha* ndi ŵanthu aryarya,+Kweniso ndikhwecha ŵanthu wo abisa mijalidu yawu.*
5 Nditinkha kuja ndi ŵanthu wo achita viheni+Ndipu ndikana kucheza* ndi ŵanthu aheni.+
6 Ndisambengi mumanja mwangu kuti ndilongo kuti ndilivi mulandu,Ndipu ndizunguliyengi guŵa linu la sembi, yimwi Yehova,
7 Kuti mazu ngakuwonga ngavwiki+Kweniso kuti ndipharazgi ntchitu zinu zosi zakuziziswa.
8 Yehova, nditanja nyumba yinu yo mujamu,+Malu ngo kuja unkhankhu winu.+
9 Mungandipeyiyanga limoza ndi akubuda cha+Pamwenga kutuzgapu umoyu wangu limoza ndi ŵanthu ankhaza,*
10 Wo manja ngawu ngachitaku vinthu vakuchitiska soni,Ndipuso wo janja lawu lamaryi ndakuzaza vinyeda.
11 Kweni ini, ndiyendengi mu kugomezgeka kwangu.
Nditaskeni,* ndipu ndilongoni lisungu.
12 Phazi langu lama pamalu ngachinyeti;*+Ndithamikengi Yehova mu mpingu ukulu.*+
Mazu Ngam'mphata
^ Pamwenga kuti, “maŵanaŵanu ngangu ngandimba.” Mazu ngaki chayingu, “sana zangu.”
^ Mazu ngaki chayingu, “ndija cha pasi.”
^ Pamwenga kuti, “nditendezgana cha ndi ŵanthu achinyengu.”
^ Mazu ngaki chayingu, “kuja pasi.”
^ Pamwenga kuti, “akubaya ŵanthu.”
^ Mazu ngaki chayingu, “Ndiwomboni.”
^ Pamwenga kuti, “ngafulati.”
^ Mazu ngaki chayingu, “mu maunganu.”
