Masalimo 21:1-13
Kwaku yo walongozga sumu. Sumu yaku Davidi.
21 Yimwi Yehova, fumu yikondwa chifukwa cha nthazi zinu;+Ndipu yikondwa ukongwa chifukwa cha ntchitu zinu za utaski!+
2 Mwayipaska vo mtima waki ukhumba,+Ndipu mwayinola cha vo milomu yaki yapempha. (Selah)
3 Pakuti mwakumana nayu ndipu mwayipaska vitumbiku vinandi;Mwayivwalika chisoti cha ufumu cha golidi wamampha ukongwa.*+
4 Iyu yingupempha umoyu, ndipu yimwi munguyipaska,+Munguyipaska umoyu utali,* wamuyaya.
5 Ntchitu zinu za utaski ziyipaskengi unkhankhu ukulu.+
Mwayipaska ulemu ndi unkhankhu.
6 Mwachitiska kuti yitumbikiki mpaka muyaya;+Mwachitiska kuti yikondwi pa masu pinu.+
7 Pakuti fumu yithemba Yehova;+Ndipu yisukunyikengi* cha chifukwa cha chanju chambula kumala cha Wapachanya Limu.+
8 Janja linu lisaniyengi arwani ŵinu wosi;Janja linu lamaryi lisaniyengi ŵanthu wo atikutinkhani.
9 Mwazakuŵachitiska kuti aje nge ng’anju ya motu pa nyengu yakuŵikika po mwazamuyendere.
Yehova wazakuŵameza ndi ukali waki, ndipu motu wazakuŵapiriza.+
10 Mwazamunanga mphapu yawu kuti yituwepu* pacharu chapasi,Ndipu mphapu yawu mwazakuyituzgapu pakati pa ŵana a ŵanthu.
11 Pakuti yiwu akhumbanga kuchita vinthu vo yimwi mutinkha;+Yiwu anozga viŵembu vo vifiskikengi cha.+
12 Kweni yimwi muŵachitiskengi kuti awelere+Pakuti muŵaguziyengi uta* winu kuti muŵalasi.*
13 Sokani yimwi Yehova chifukwa cha nthazi zinu.
Timbengi sumu zakuthamika* nthazi zinu.
Mazu Ngam'mphata
^ Pamwenga kuti, “wakuyengetulika.”
^ Mazu ngaki chayingu, “mazuŵa nganandi.”
^ Pamwenga kuti, “yichitengi mbendyambendya.”
^ Mazu ngaki chayingu, “chipasu chawu kuti chituwepu.”
^ Mazu ngaki chayingu, “vingwi va uta.”
^ Mazu ngaki chayingu, “kuti mulasi visku vawu.”
^ Mazu ngaki chayingu, “Timbiyengi ndi kupangiya sumu.”
