Masalimo 2:1-12
2 Ntchifukwa wuli mitundu ya ŵanthu yakwiyaKweniso ntchifukwa wuli ŵanthu adinginyika ndi* chinthu chambula fundu?+
2 Mafumu nga pacharu chapasi ngama mumalu ngawuNdipu nduna zawungana pamoza* nge munthu yumoza+Kuti alimbani ndi Yehova kweniso kuti alimbani ndi wakusankhika waki.*+
3 Yiwu akamba kuti: “Tiyeni tidumuwi simbi zawuKweniso titayi vingwi vawu!”
4 Yo we pampandu waufumu kuchanya waŵasekengi;Yehova waŵasekengi mwachipongu.
5 Pa nyengu yeniyo, walongorongi nawu mu ukali wakiKweniso waŵawofyezengi mu ukali waki wakukole,
6 Wakambengi kuti: “Ini ndamweni ndaŵika fumu yangu pampandu+Paphiri langu lakupaturika la Ziyoni.”+
7 Sonu ndipharazgengi dangu laku Yehova;Iyu wangundikambiya kuti: “Yiwi ndiwi mwana wangu;+Msanawale ini ndaja wusu.+
8 Ndipemphi, ndipu ini ndikupaskengi mitundu kuti yije chihara chakuKweniso ndikupaskengi vigoti va charu kuti vije vaku.+
9 Yiwi uŵaphwanyengi ndi nthonga yachisulu,+Kweniso uŵavikitengi nge chiŵiya.”+
10 Sonu yimwi mwamafumu, longoni zeru;Zomerani kuchenyeka,* yimwi akweruza a pacharu chapasi.
11 Teŵetiyani Yehova mwamantha,Kweniso kondwani mwakumbwambwanthiya.
12 Tumbikani* mwana,+ asani po cha Chiuta* wakwiyengiNdipu muparanyikengi ndi kutuzgikapu panthowa,+Pakuti ukali Waki ukole mwaliŵi.
Mbakukondwa wosi wo abisama mwaku Iyu.
Mazu Ngam'mphata
^ Pamwenga kuti, “alunguruka.”
^ Pamwenga kuti, “apaskana ulongozgi pamoza.”
^ Pamwenga kuti, “Khristu waki.”
^ Pamwenga kuti, “Tcheŵani.”
^ Mazu ngaki chayingu, “Mufyofyontheni.”
^ Mazu ngaki chayingu, “iyu.”
