Masalimo 149:1-9
149 Thamikani Ya!*
Mbiyani Yehova sumu yifya;+Muthamikeni mu mpingu wa ŵanthu akugomezgeka.+
2 Isirayeli wakondwi mwa Mlengi waki Mura*+Ŵana aku Ziyoni akondwi mwa Fumu yawu.
3 Yiwu athamiki zina laki ndi kuvina+Kweniso amumbiyi sumu zakumuthamika,* mwakugwiriskiya ntchitu kang’oma kweniso bangu.*+
4 Pakuti Yehova wakondwa ndi ŵanthu ŵaki.+
Iyu watowesa ŵanthu akufwasa ndi utaski.+
5 Ŵanthu akugomezgeka akondwi chifukwa cha unkhankhu wawu;Yiwu adanirizi mwalikondwa pamabedi ngawu.+
6 Sumu zakuthamika Chiuta zije pavidyokomeru vawu,Ndipu mumanja mwawu muje malipanga ngakuthwa kosikosi,
7 Kuti aweze nduzga mitundu ya ŵanthuNdi kupereka chilangu ku ŵanthu,
8 Kuti amangi mafumu ngawu ndi simbiKweniso ŵanthu ŵawu akuzirwa ndi simbi zavisulu,
9 Kuti aŵapaski cheruzgu cho chikulembeka chakususkana ndi yiwu.+
Unkhankhu wenuwu ngwa ŵanthu ŵaki wosi akugomezgeka.
Thamikani Ya!*
Mazu Ngam'mphata
^ Pamwenga kuti, “Aleluya!” “Ya” ndi mazu ngakudumuwa nga zina lakuti Yehova.
^ Pamwenga kuti, “Wakumupanga waki Mura.”
^ Pamwenga kuti, “amupangiyi sumu.”
^ Anyaki akamba kuti, “bangwi.”
^ Pamwenga kuti, “Aleluya!” “Ya” ndi mazu ngakudumuwa nga zina lakuti Yehova.
