Masalimo 148:1-14
148 Thamikani Ya!*
Thamikani Yehova kutuliya kuchanya;+Muthamikeni kuchanya ukongwa.
2 Muthamikeni yimwi angelu ŵaki mosi.+
Muthamikeni yimwi mizinda yaki yosi.+
3 Muthamikeni yimwi lumwi ndi mwezi.
Muthamikeni yimwi nyenyezi zaki zosi zo ziŵala.+
4 Muthamikeni yimwi kuchanya ukongwa*Kweniso maji ngo nge pachanya pa kuchanya.
5 Vosi vithamiki zina laku Yehova,Pakuti iyu wangulamula ndipu vingulengeka.+
6 Iyu wativijalikiska mwakukho muyaya mpaka muyaya;+Iyu wapereka dangu lo limalengi cha.+
7 Thamikani Yehova kutuliya pacharu chapasi,Yimwi vamoyu vikuluvikulu va munyanja kweniso maji ngosi ngandimba.
8 Yimwi malimphezi ndi vuwa ya matalala, sinoo* ndi mitambu yifipa ukongwa,Yiwi chimphepu chikulu, yiwi ufiska mazu ngaki,+
9 Yimwi mapiri kweniso mitunthu yosi,+Yimwi vimiti vavipasu kweniso yimwi mosi vimiti va sidara,*+
10 Yimwi nyama zamudondu+ ndipuso yimwi nyama zosi zakuŵeta,Yimwi vinthu vakukwaŵa kweniso viyuni,
11 Yimwi mafumu nga pacharu chapasi kweniso yimwi mitundu yosi,Yimwi alongozgi ndipuso yimwi akweruzga mosi a pacharu chapasi,+
12 Yimwi anyamata kweniso yimwi asungwana,*Akukota limoza ndi ŵana.
13 Yiwu athamiki zina laku Yehova,Pakuti zina laki pe ndilu lapachanya ukongwa.+
Unkhankhu waki we pachanya pa charu chapasi ndi kuchanya.+
14 Iyu wakwezengi nthazi za* ŵanthu ŵaki,Kuti ŵanthu ŵaki wosi akugomezgeka athamikikiKweniso ŵana aku Isirayeli, ŵanthu wo watiŵayanja ukongwa.
Thamikani Ya!*
Mazu Ngam'mphata
^ Pamwenga kuti, “Aleluya!” “Ya” ndi mazu ngakudumuwa nga zina lakuti Yehova.
^ Mazu ngaki chayingu, “kuchanya kwa kuchanya.”
^ Sinoo ndi maji ngakukhoma ngo ngawoneka tuu nge mche wakusilirika ndipu ngatuwa kutuliya kuchanya.
^ Vimiti ivi viyananaku ndi vimiti va payina ndipu kali vasanirikanga ukongwa ku Lebanoni.
^ Mazu ngaki chayingu, “amwali.”
^ Mazu ngaki chayingu, “sengwi la.”
^ Pamwenga kuti, “Aleluya!” “Ya” ndi mazu ngakudumuwa nga zina lakuti Yehova.
