Masalimo 146:1-10
146 Thamikani Ya!*+
Umoyu wangu wosi uthamiki Yehova.+
2 Ndithamikengi Yehova umoyu wangu wosi.
Ndimbengi sumu zakuthamika* Chiuta wangu nyengu yosi yo ndijaliyengi ndi umoyu.
3 Mungathembanga alongozgi cha*Pamwenga mwana wa munthu chifukwa wangakutaskani cha.+
4 Mzimu* waki utuwamu ndipu wawere kudongu;+Pa zuŵa lenilo, maŵanaŵanu ngaki ngamaliya penipo.+
5 Ngwakukondwa munthu yo wathemba Chiuta waku Yakobe kuti wamuwovyi,+Munthu yo walindizga Yehova Chiuta waki,+
6 Yo wakupanga kuchanya ndi charu chapasi,Yo wakupanga nyanja ndi vinthu vosi vo ve mwenimo,+Yo nyengu zosi walutirizga kuja wakugomezgeka,+
7 Yo wapereka urunji ku ŵanthu wo aŵachitiya chinyengu,Yo wapereka chiŵandi ku ŵanthu a nja.+
Yehova wafwatuwa akayidi.*+
8 Yehova wajula masu nga achibulumutiya;+Yehova wasoska wo asindama;+Yehova watanja arunji.
9 Yehova wavikiliya alendu;Watovya mwana wambula awisi kweniso choko,+Kweni watimbanyizga vo munthu muheni wakhumba kuchita.*+
10 Yehova wajengi Fumu mpaka muyaya,+Chiuta waku yiwi Ziyoni, kutuwa mugonezi mpaka mugonezi.
Thamikani Ya.*
Mazu Ngam'mphata
^ Pamwenga kuti, “Aleluya!” “Ya” ndi mazu ngakudumuwa nga zina lakuti Yehova.
^ Pamwenga kuti, “Ndimupangiyengi sumu.”
^ Pamwenga kuti, “ŵanthu akuzirwa.”
^ Pamwenga kuti, “Mvuchi.”
^ Mazu ngaki chayingu, “wo amangika.”
^ Pamwenga kuti, “Kweni wachitiska kuti nthowa ya munthu muheni yije yakunyongoroka.”
^ Pamwenga kuti, “Aleluya!” “Ya” ndi mazu ngakudumuwa nga zina lakuti Yehova.
