Masalimo 144:1-15
Sumu yaku Davidi.
144 Yehova yo ndi Jalawi langu+ wathamikiki,Yo wasambiza manja ngangu mo ngangachitiya nkhondu,Kweniso vikumbu vangu mo vingachitiya nkhondu.+
2 Iyu ntchanju changu chambula kumala kweniso malu ngangu ngakuvikilirika,Malu ngangu ngakuthaŵiyaku ngakuvikilirika* kweniso mtaski wangu,Chishangu changu kweniso Yo ndibisamaku,+Iyu ndiyu wathereska ŵanthu ndi kuŵaŵika pasi pangu.+
3 Yimwi Yehova, kumbi munthu ndiyani kuti mumutoliyeku kanthu?Kumbi mwana wa munthu ndiyani kuti mumuŵanaŵaniyi?+
4 Munthu wayanana ŵaka ndi mvuchi;+Mazuŵa ngaki nge nge mduzi wo umala.+
5 Yimwi Yehova, siskani* kuchanya kwinu ndipu sikani;+Kwaskani mapiri ndipu ngachitiskeni kuti ngatoloroki josi.+
6 Chitiskani kuti malimphezi ngang’animi ndi kumbininiska arwani;+Ponyani mivi yinu ndipu achitiskeni kuti atimbanyizgiki.+
7 Tambasuwani janja linu kutuliya kuchanya;Nditaskeni ndipuso ndiwomboni ku maji nganandi,Kweniso ku janja la alendu,+
8 Wo milomu yawu yilongoro maboza
Ndipuso wo asoske janja lawu muchanya kuti alapizgi chinthu chaboza.*
9 Yimwi Chiuta, ndikumbiyeningi sumu yifya.+
Ndikumbiyeningi sumu zakukuthamikani,* mwakugwiriskiya ntchitu chakumbiya cha vingwi 10,
10 Yimwi yo muchitiska kuti mafumu ngathereski,*+Yo wataska mteŵeti waki Davidi ku lipanga lakofya ukongwa.+
11 Nditaskeni kweniso ndiwomboni ku janja la alendu,Wo milomu yawu yilongoro mabozaNdipuso wo asoske janja lawu muchanya kuti alapizgi chinthu chaboza.
12 Ndipu ŵana ŵidu anthulumi ajengi nge vakume vimanavimana vo vikuwa liŵiliŵi,Ŵana ŵidu anthukazi ajengi nge vipilala vapakona vo vajobeke nyumba yachifumu.
13 Nkhokwi zidu zizazengi ndi mbewu zamtundu wewosi;Mbereri ndi mbuzi zidu ziyandanengi ndipu zijengi masawuzandimasawuzandi kweniso masawuzandi nganandi mumasala ngidu.
14 Ng’ombi zidu zakumitha zipwetekekengi* cha pamwenga kuphorozga;Mumabalaza ngidu nga tawuni muŵengevi kuliya chifukwa cha masuzgu.
15 Mbakukondwa ŵanthu wo vinthu ivi vitiŵachitikiya!
Mbakukondwa ŵanthu wo Chiuta wawu ndi Yehova!+
Mazu Ngam'mphata
^ Pamwenga kuti, “malu ngapachanya ngakuvikilirika.”
^ Pamwenga kuti, “petani.”
^ Mazu ngaki chayingu, “Ndipuso wo janja lawu lamaryi, ndi janja lamaryi la boza.”
^ Pamwenga kuti, “Ndikupangiyeningi sumu.”
^ Pamwenga kuti, “yo wapereka utaski ku mafumu.”
^ Pamwenga kuti, “zikelukengi.”
