Masalimo 143:1-12
Sumu yaku Davidi.
143 Yimwi Yehova, vwani pempheru langu;+Vwisiyani kuliya kwangu kwakupempha chovyu.
Ndimukeni mwakukoliyana ndi kugomezgeka kwinu kweniso urunji winu.
2 Mteŵeti winu mungaserenga nayu mumphara ya milandu cha,Chifukwa palivi munthu weyosi wamoyu yo wangaja murunji pa masu pinu.+
3 Pakuti murwani watinditchimbiza;Iyu wakandirizga umoyu wangu mpaka mudongu.
Wandichitiska kuti ndije mu mdima nge ŵanthu wo akufwa kali.
4 Mzimu wangu walopwa;*+Ndipu mtima wangu wafwa zazi mukati mwangu.+
5 Ndikumbuka mazuŵa ngakali;Ndilunguruka ntchitu zinu zosi;+Ndiŵanaŵaniya* ndi mtima wosi ntchitu za manja nginu.
6 Nditambasuliya manja ngangu kwaku yimwi;Nde nge charu chakumira cho chikhumbisiska yimwi.+ (Selah)
7 Ndimukeni mwaliŵi yimwi Yehova;+Nthazi zangu zamala.*+
Mungandibisanga cha chisku chinu,+Asani po cha, ndijengi nge ŵanthu wo aluta kuzenji.*+
8 Ndi mlenji, ndichitiskeni kuti ndivwi vakukwaskana ndi chanju chinu chambula kumala,Pakuti ndithemba yimwi.
Ndiziŵiseni nthowa yo nditenere kwendamu,+Pakuti nding’anamukiya kwaku yimwi.*
9 Nditaskeni kwa arwani ŵangu yimwi Yehova.
Ndipempha kuti mundivikiliyi.+
10 Ndisambizeni kuchita khumbu linu,+Pakuti ndimwi Chiuta wangu.
Mzimu winu ngwamampha;Undilongozgi pamalu ngachinyeti.*
11 Ndisungeni wamoyu chifukwa cha zina linu yimwi Yehova.
Nditaskeni ku masuzgu mwakukoliyana ndi urunji winu.+
12 Arwani ŵangu wosi amaleni*+ mwakukoliyana ndi chanju chinu chambula kumala;Ŵanthu wosi wo atindisuzga anangeni,+Pakuti ini nde mteŵeti winu.+
Mazu Ngam'mphata
^ Pamwenga kuti, “Nthazi zangu zamala.”
^ Pamwenga kuti, “Ndisambira.”
^ Pamwenga kuti, “dindi.”
^ Mazu ngaki chayingu, “Mzimu wangu wamala.”
^ Pamwenga kuti, “ndinyamuliya umoyu wangu kwaku yimwi.”
^ Pamwenga kuti, “ngakunyoloka; ngafulati.”
^ Mazu ngaki chayingu, “ajalikeni cheti.”
